LCU பட்டியலில் அஜித்க்கு வாய்ப்பு உள்ளதா? லோகேஷ் சொன்ன அதிர்ச்சி தரும் அப்டேட்

தமிழ் சினிமாவில் தற்போது ட்ரெண்டிங் இயக்குனராக மக்கள் மத்தியில் கொண்டாடப்படுபவர், லோகேஷ் கனகராஜ். இவரது இயக்கத்தில் வெளியான மாநகரம், கைதி, விக்ரம் & மாஸ்டர் திரைப்படங்கள் தமிழ் சினிமாவில் ப்ளாக்பஸ்டர் படங்களாக வெற்றி பெற்று இவரை ஒரு முன்னணி முக்கிய நட்சத்திரமாக மாற்றியுள்ளது. தற்போது இவர் இயக்கும் லியோ படத்தினை தொடர்ந்து இவர் இயக்கவிருக்கும் கைதி 2, விக்ரம் 2, தலைவர் 171 படங்களுக்கு தற்போதே எதிரிபார்ப்புகள் அதிகரித்துள்ளன.

மாநகரம் படத்தினை இயக்கி தமிழ் சினிமாவில் அறிமுகமான லோகேஷ் கனகராஜ், யாரிடமும் உதவி இயக்குனராக பணியாற்றாமல் நேரடியாக இயக்குனராக அவதரித்த தமிழ் சினிமா சில முக்கிய இயக்குனர்களில் ஒருவர் ஆவார். மாநகரம் படத்தினை தொடர்ந்து இவர் இயக்கிய கைதி படம் பெரிய அளவில் ரசிகர்களின் கவனத்தை கவர்ந்து வெற்றி பெற்றுள்ளது. தற்போது நடிகர்களை ஓரங்கட்டி இது லோகேஷ் கனகராஜ் படம் என்னும் அளவிற்கு ரசிகர்களை தனது இயக்கத்தின் மூலம் ஆச்சரியப்படுத்தி புகழ் பெற்றுள்ளார், லோகேஷ்

2023 ஜூலை 19ல் இயக்குனர் லோகேஷ் கனகராஜ் சிறப்பு விருந்தினராக ஒரு தனியார் கல்லூரிக்கு சென்ற இவர், அங்கு உள்ள மாணவர்களுக்கு பேட்டி அளித்ததும், தொலைக்காட்சி மற்றும் செய்தியாளர்களை சந்தித்து அவரின் திரைப்படங்களை பற்றிய சில சுவாரஸ்யங்களை கூறியுள்ளார். மேலும் கல்லூரியில் சில மாணவர்களின் கேள்விக்கு பதில் அளித்துள்ள இவர் ரசிகர்கள் எதிர்பார்க்கும் பல விஷயங்களுக்கு பதில் அளித்து ட்ரெண்டிங் ஆகியுள்ளார். இவரின் அளித்த அப்டேட்ஸ் முழு விவரங்கள் இங்கு உள்ளன.

தளபதி விஜய் நடிப்பில் உருவாகிவரும் லியோ படம் பற்றிய கேள்விகளுக்கு பதிலளித்த லோகேஷ் கனகராஜ், இப்படம் LCU படமாக இருக்கக்கூடும் என்ற உண்மையை சார்ந்து இருக்கும் பதிலை கூறி லியோ LCU திரைப்படம் என்பதை உறுதி செய்துள்ளார்.

தொடர்ந்து இவரது படத்தில் நாயகிகளின் மரணம் தொடர்பான விஷயங்களை பற்றிய கேள்விக்கு லியோ திரைப்படத்தில் நடித்துள்ள த்ரிஷாவின் கதாபாத்திரத்திற்கு ஒன்றும் ஆகாது என்று வெளிப்படையாக கூறியுள்ளார்.

லியோ திரைப்படத்தின் ஆடியோ லான்ச் நிகழ்ச்சி செப்டம்பர் மாதம் இருக்கக்கூடும், மேலும் நிகழ்ச்சி நடக்கும் இடத்தை இன்னும் முடிவு செய்யப்படவில்லை என்று கூறியுள்ளார்.

லியோ படத்தின் ஆடியோ லான்ச் நிகழ்ச்சி சென்னை அல்லது மதுரையில் இருக்கலாம் என ரசிகர்களுக்கு மத்தியில் பேச்சுகள் நிலவுகிறது.

லியோ திரைப்படம் பார்ட் 01, பார்ட் 02 போன்ற படங்களாக உருவாக்கப்படாமல் புதிய முறையில் லியோ படத்தினை இயக்கி தயாரித்துள்ளோம். கைதி படத்தினை போன்று லியோ படமும் புதிய முயற்சியில் உருவாக்கப்பட்டுள்ளது. நிச்சயம் ரசிகர்களுக்கு லியோ திரைப்படம் பிடிக்கும் என்று கூறியுள்ளார்.

2019 ஆம் ஆண்டு தயாரிப்பாளர் எஸ் ஆர் பிரபுவின் ட்ரீம் வாரியர் பிக்சர்ஸ் நிறுவனத்தின் தயாரிப்பில் லோகேஷ் கனகராஜ் இயக்கி கார்த்தி நாயகனாக நடித்துள்ள திரைப்படம், கைதி. இப்படம் தீபாவளி பண்டிகைக்கு வெளியாகி பெரிய அளவில் ஹிட் அடித்துள்ள தமிழ் திரைப்படம். தமிழ் சினிமாவில் புதிய முயற்சியில் 'ஒரே இரவில் நடக்கும் திரைக்கதையாக' இப்படத்தின் கதை வடிவமைக்கப்பட்டு மக்கள் மத்தியில் பெரும் வரவேற்பு பெற்றது. இப்படத்தின் இரண்டாம் பாகம் பற்றிய தகவல்கள் தமிழ் சினிமாவில் பல ரசிகர்களால் எதிர்பார்க்கப்படும் செய்தியாக உள்ளது.

லியோ படத்தினை முடித்துள்ள இயக்குனர் லோகேஷ் கனகராஜ் அடுத்து ரஜினியின் 171வது படத்தினை இயக்கவுள்ளார், இப்படத்தினை தொடர்ந்து இவர் கைதி 02 படத்தினை இயக்குவார் என தெரிய வந்துள்ளது. கைதி 02 திரைப்படம் 2024 முடிவில் படப்பிடிப்பு தொடங்கவுள்ளதாக திரைவட்டாரங்களில் தகவல்கள் வெளியாகியுள்ளன.

தலைவர் 171 - இயக்குனர் லோகேஷ் கனகராஜ் இயக்கத்தில் தமிழ் சினிமா சூப்பர் ஸ்டார் ரஜினிகாந்த் நடிக்கும் திரைப்படம். இப்படத்திற்கு அனிருத் ரவிச்சந்தர் இசையமைப்பார் என எதிர்பார்க்கப்படுகிறது. லியோ படம் வெளியானதும் லோகேஷ் ரஜினி நடிக்கும் தலைவர் 171 திரைப்படத்தினை இயக்கவுள்ளார். இப்படம் 2024ஆம் ஆண்டு முதற்பாதியில் படப்பிடிப்பு முடிக்கப்பட்டு, 2024ஆம் ஆண்டு இறுதியில் இப்படம் வெளியாகும் என எதிர்பார்க்கப்படுகிறது.

இப்படத்தை பற்றிய அதிகாரப்பூர்வ அறிவுப்பு மற்றும் பல தகவல்கள் விரைவில் பட தயாரிப்பு நிறுவனத்தின் சார்பில் வெளியாகும் என லோகேஷ் கனகராஜ் செய்தியாளர் சந்திப்பில் கூறியுள்ளார்.

லோகேஷ் இயக்கத்தில் சூர்யா நாயகனாக நடிப்பதாக 'இரும்புக்கை மாயாவி' திரைப்படத்தின் அறிவிப்புகள் வெளியாகி பலரின் கவனத்தை கவர்ந்துள்ளது. இப்படம் பற்றிய அப்டேட் எதுவும் இல்லாமல் லோகேஷ் திரைவாழ்க்கை பெரிய அளவில் நகர்ந்து பல படங்களுக்கு இயக்குனராக ஒப்பந்தமாகி கலக்கி வருகிறார். இரும்புக்கை மாயாவி திரைப்படத்தின் கதையை லோகேஷ் கனகராஜ், 10 ஆண்டுகளுக்கு முன்பே எழுதியுள்ளார் என்ற தகவலை 2023 ஜூலை 19ல் நடந்த செய்தியாளர் சந்திப்பில் கூறியுள்ளார். இப்படம் உருவாகினால் தனக்கு முக்கிய படமாக அமையும் என்றுள்ளார், லோகேஷ் கனகராஜ்.

லியோ திரைப்படம் உருவாகி வெளியீட்டிற்கு தயாராகி வரும் நிலையில், தளபதி விஜய் உடன் மீண்டும் கூட்டணி அமைப்பு என்பது நடிகர் விஜய்யின் விருப்பம். அவர் கண் அசைத்தால் நான் அவரை வைத்து படம் எடுக்க செல்வேன் என்று கூறியுள்ளார், லோகேஷ் கனகராஜ். அது லியோ 02 அல்லது புதிய கதைக்களம் உடைய திரைப்படமா என்பது பொறுத்திருந்து பார்க்கலாம், என்றார் லோகேஷ்.

கல்லூரி மாணவர் எழுப்பிய அஜித் தொடர்பான கேள்விக்கு பதிலளித்த லோகேஷ் கனகராஜ், அஜித்துடன் நீங்கள் எப்பொழுது இணைவீர்கள் என்ற கேள்விக்கு அதற்கான வாய்ப்புகள் அமைந்தால் நிச்சியம் அஜித்துடன் இணைவேன் என்று கூறியுள்ளார்.

நடிகர் அஜித் குமார் தமிழ் சினிமாவில் முக்கிய முன்னணி நடிகர்களில் ஒருவர். லோகேஷ் இயக்கத்தில் அஜித் நடிக்க வேண்டும் என்பது பல ரசிகர்களின் எதிர்பார்ப்புகளில் ஒன்றாக உள்ளது. நடிகர் அஜித் கால்ஷீட் கொடுத்து லோகேஷ் உடன் இணைய விரும்பினால் நிச்சியம் லோகேஷ் இயக்கத்தில் அஜித் குமார் நடிப்பார்.

மேலும் அஜித் - லோகேஷ் இணையும் படம் LCU பட பட்டியலில் இடம் பெறுமா என்ற கேள்வியையும் அந்த மாணவர் கேட்க, அது அன்றைய சூழ்நிலையின் முடிவு என சமாளித்தார், லோகேஷ் கனகராஜ்.