வலிமையான படைபலத்தில் ஏ.கே 62, இந்த 2023ல் தல தீபாவளி தான்!

நடிகர் அஜித் குமார், தமிழ் சினிமாவில் முன்னணி முக்கிய நடிகர்களில் ஒருவராக தமிழகத்தில் ஒரு ரசிகர்கள் பட்டாளத்தை கொண்டு புகழ் பெற்றவர். இவரது படங்கள் வெளியாகும் தினங்கள் திரை ரசிகர்களுக்கு பண்டிகை நாட்கள் தான். இதுவரை இவர் 61 படங்களை நடித்து முடித்துள்ளார். நடிகர் அஜித் குமார் திரைத்துறையில் நடிகனாக மட்டுமில்லாமல் நிஜவாழ்க்கையில் பேராசிரியர், பைக் & கார் ரேசர், தூப்பாக்கி சுடுதல் என பல துறைகளில் ஆர்வம் கொண்டு பணியாற்றி வருகிறார்.

நடிகர் அஜித் குமாரின் லேட்டஸ்ட் ரிலீஸ் தமிழ் படமான துணிவு திரைப்படம் ,2023 பொங்கல் பண்டிகை முன்னிட்டு திரைக்கு வெளியாகி தமிழகம் மற்றும் உலகளவில் பிரமாண்ட வெற்றி பெற்றுள்ளது. இப்படத்தினை இயக்குனர் ஹச் வினோத் இயக்கியுள்ளார். அதிரடி - திரில்லர் திரைக்கதையில் உருவான இப்படம், சமூகத்திற்கு தேவையான ஒரு நல்ல கருத்தை அடிப்படையாக கொண்டு உருவாக்கப்பட்டு பிளாக் பஸ்டர் படமாக ஹிட் அடித்துள்ளது.

துணிவு படத்திற்கு பின் நடிகர் அஜித் குமார் நடிக்கவிருக்கும் திரைப்படம் தான், ஏ.கே 62. இப்படத்தினை லைக்கா தயாரிப்பு நிறுவனத்தின் சார்பில் சுபாஷ்கரன் தயாரிக்க, இயக்குனர் மகிழ் திருமேனி இயக்குகிறார். அதிரடி - திரில்லர் கதைக்களத்தில் இப்படம் உருவாகும் என எதிர்பார்க்கப்படுகிறது. இப்படத்தின் டைட்டில் இன்னும் அதிகாரப்பூர்வமாக படக்குழு சார்பில் வெளியிடவில்லை.

ஏ.கே 62 திரைப்படத்தில் நாயகனாக நடிகர் அஜித் குமார் நடிக்க, துணை மற்றும் வில்லன் நடிகராக அருண் விஜய் மற்றும் அருள்நிதி நடிக்கவுள்ளனர். அஜித் குமார் - அருண் விஜய் இணைந்து என்னை அறிந்தால் படத்தில் நடித்துள்ளனர். இவர்களின் கூட்டணிக்கு தமிழ் சினிமாவில் ஒரு ரசிகர் கூட்டமே உள்ளது. சுவாரஸ்ய திரைக்கதையில் தொடர்ந்து நடித்து அசத்தி வருகிறார், அருள்நிதி. இவர் நடிகர் அஜித் திரைப்படத்தில் நடிப்பதாக வெளியான தகவலை தொடர்ந்து இப்படத்திற்கு எதிர்பார்ப்புகள் தீயாக எரிகிறது.

ஏ.கே 62 திரைப்படத்தில் இயக்குனர் மகிழ் திருமேனி இயக்க, லைக்கா நிறுவனத்தின் உரிமையாளர் சுபாஷ்கரன் தயாரிக்கிறார். இப்படத்திற்கு இசையமைப்பாளர் அனிருத் ரவிச்சந்தர் ஒப்பந்தமாகியுள்ளார். ஏற்கனவே அனிருத் - அஜித் குமார் கூட்டணியில் வேதாளம் படம் வெளியாகி சூப்பர் ஹிட் படமாக புகழ் பெற்றது. பின் இப்படத்திற்கு ஒளிப்பதிவாளர் நிரவ் ஷா ஒளிப்பதிவு செய்கிறார். நேர்கொண்ட பார்வை, வலிமை, துணிவு படத்தினை தொடர்ந்து அஜித் குமார் படத்திற்கு ஒளிப்பதிவு செய்கிறார், நிரவ் ஷா.

ஏ.கே 62 திரைப்படத்தின் பூஜை, 2023 பிப் 20ல் நடைபெற்றுள்ளது. இப்படத்தின் பூஜை பற்றிய அதிகாரப்பூர்வமான அறிவுப்பு படக்குழு சார்பில் விரைவில் வெளியாகும் என எதிர்பார்க்கப்படுகிறது. இப்படத்தின் அதிகாரப்பூர்வமான அறிவிப்போடு, ஏ.கே 62 திரைப்படத்தின் டைட்டில் வெளியாகும் என திரையுலகில் சலசலப்பு ஏற்பட்டுள்ளது. இப்படம் தொடர்பான அதிகாரப்பூர்வமான அறிவிப்புகள் விரைவில் வெளியாகும்.