24 மணி நேரத்தில் துணிவு பட டிரைலர் படைத்த சாதனைகள்

அஜித் குமார் - தமிழ் சினிமாவில் முன்னணி நடிகர்களில் ஒருவர். இவர் நடிக்கும் 61வது திரைப்படமான துணிவு படம் 2023 பொங்கல் பண்டிகை முன்னிட்டு திரைக்கு வரவுள்ளது. இப்படத்தினை இயக்குனர் ஹச் வினோத் இயக்கத்தில், இசையமைப்பாளர் ஜிப்ரான் இசையில் தயாரிப்பாளர் போனி கபூர் தயாரித்துள்ளார்.

சமீபத்தில் யூ டியூப் செயலியில் வெளியான துணிவு படத்தின் டிரைலர் பல சாதனைகள் படைத்து ரசிகர்கள் மத்தியில் கொண்டாடப்பட்டுள்ளது. மேலும் இப்படம் இணையதளங்களில் ட்ரெண்டிங் ஆகி பலரின் கவனத்தை கவர்ந்துள்ளது.

2022 டிசம்பர் 31ல் இரவு 7 மணிக்கு வெளியான துணிவு படத்தின் டிரைலர் சுவாரஸ்ய முறையில் கட் செய்து ரசிகர்களை திருப்திபடுத்தியுள்ளது.

இதுவரை வெளியான முன்னணி நடிகர்களின் டிரைலர்களை பின்னுக்கு தள்ளி முதல் நாள் வியூஸ் பட்டியலில் துணிவு டிரைலர் 30 மில்லியன் வியூஸ் பெற்று முதல் இடத்தில் உள்ளது. இரண்டாம் இடத்தில் விஜய்யின் பீஸ்ட் பட டிரைலர் உள்ளது.

ரசிகர்கள் கொண்டாடிய துணிவு படத்தின் டிரைலர் ஒரே நாளில் மொத்தம் 10 மில்லியன் லைக்ஸ் பெற்று சாதனை படைத்துள்ளது. சுவாரஸ்ய முறையில் உருவாகியுள்ள இந்த படத்தின் ட்ரைலர்-க்கு ரசிகர்கள் பெரும் வரவேற்பு அளித்து கொண்டாடியுள்ளனர்.  

தென்னிந்திய திரையுலகில் டிரைலர் ரிலீஸ் முதல் நாளில் அதிக வியூஸ் அள்ளிய பட பட்டியலில் துணிவு படம் முதல் இடத்தில் உள்ளது. ராதே ஷியாம், பீஸ்ட் படங்களை பின்னுக்கு தள்ளி இந்த பெருமையை துணிவு அடைந்துள்ளது

24 மணி நேரத்தில் இப்படம் அடைந்துள்ள சாதனை பற்றி துணிவு படக்குழு அதிகாரப்பூர்வ அறிவிப்பு வெளியிட்டுள்ளது. மேலும் வெளிநாடுகளில் துணிவு படக்குழு தீவிரமாக ப்ரோமோஷன் பணிகளில் ஈடுபட்டு புர்ஜ் கலிஃபா, நியூயார்க் டைம்ஸ் ஸ்கொயர் & மலேஷியா என பல வெளிநாடுகளில் ப்ரோமோஷன் செய்து வருகின்றனர்.