விடாமுயற்சி பட சிக்கலுக்கு காரணம் இந்தியன் 2 திரைப்படம்... லைக்கா மீது அஜித் காட்டம்

விடாமுயற்சி - இயக்குனர் மகிழ் திருமேனி இயக்கத்தில் அஜித் குமார், ஆரவ், அர்ஜுன், திரிஷா கிருஷ்ணன் என தமிழ் சினிமா முன்னணி நட்சத்திரங்கள் பலர் நடித்திருக்கும் அதிரடி - திரில்லர் திரைப்படம். இப்படத்தினை லைகா புரொடக்ஷன் நிறுவனம் சார்பில் தயாரிப்பாளர் சுபாஷ்கரன் தயாரிக்க, இசையமைப்பாளர் அனிருத் ரவிச்சந்தர் இசையமைத்துள்ளார்.

அஜித் குமார் நடிப்பில் 2023 பொங்கல் ரிலீஸ் படமாக 'துணிவு' படம் வெளியாகி பாக்ஸ்ஆஃபீஸ் பட்டியலில் இடம் பிடித்து ரசிகர்கள் மத்தியில் கொண்டாடப்பட்டது. அந்த படத்திற்கு பின்பு விடாமுயற்சி படம் ஆரம்பமாகி தற்போது வரை படப்பிடிப்பு நடந்துகொண்டு இருக்கிறது. இப்படம் உருவாவதில் ஏன் இவ்வளவு தாமதம் என ரசிகர்கள் மற்றும் சினிமா விமர்சகர்கள் மத்தியில் பெரும் கேள்விகள் எழுந்து பேசப்படுகிறது.

விடாமுயற்சி பட படப்பிடிப்பு முடிவதற்கு முன்பே அஜித் குமார் நடிப்பில் 'குட் பேட் அக்லி' என்ற படத்தின் அறிவிப்பும், டைட்டில் போஸ்டர் வெளியாகி உள்ளது. இதனால் கோலிவுட் வட்டாரத்தில் விடாமுயற்சி பட பற்றிய பேச்சுகள் பெரிய அளவில் தொடங்கி உள்ளது.

தமிழ் சினிமாவில் பணியாற்றி வரும் முன்னணி தயாரிப்பு நிறுவனங்களில் ஒன்றான 'லைகா புரொடக்ஷன்' நிறுவனம் தமிழில் பல வெற்றி படங்களை தயாரித்தும், பல முன்னணி நடிகர்களின் பெரிய பட்ஜெட் படங்களை தயாரித்தும் ரசிகர்கள் மத்தியில் பேசப்படும் நிறுவனம் ஆகும். 

2023 ஆம் ஆண்டு அஜித் நடித்த 'துணிவு' படத்தின் வெளிநாட்டு விநியோக உரிமையை கைப்பற்றிய லைகா புரொடக்ஷன் நிறுவனம் பெரிய அளவில் ப்ரோமொட் செய்து துணிவு படத்தினை வெற்றி படமாக மாற்றியது, இதனை தொடர்ந்து அஜித்தின் அடுத்த படமான விடாமுயற்சி படத்தினை தயாரிக்கும் நிறுவனமாக லைகா மாறியது.

அஜர்பஜான் போன்ற அரபு நாடுகளில் படப்பிடிப்பு நடத்தி வந்துள்ள விடாமுயற்சி படக்குழு சுற்றுசூழல் மாற்றம், படப்பிடிப்பு தள விபத்து என பல இன்னல்களை சந்தித்து வருகிறது. இந்நிலையில் இப்படத்திற்கு ஒதுக்கப்பட்ட பட்ஜெட் சரியான நேரத்தில் குடுக்க முடியாமல் லைகா புரொடக்ஷன் தவித்து வந்துள்ளது. நிதி பற்றாக்குறை காரணமாக விடாமுயற்சி படத்தின் படப்பிடிப்பு தாற்காலியமாக நிறுத்து வைக்கப்பட்டுள்ளது என தகவல்கள் சமூக வலைத்தளத்தில் வெளியாகி வைரல் ஆகி வருகிறது.

இந்தியன் 2 - இயக்குனர் ஷங்கர் இயக்கத்தில் கமல் ஹாசன் நாயகனாக நடிக்கும் திரைப்படம். இப்படத்தில் பல தமிழ் சினிமா முன்னணி கலைஞர்கள் நடித்துள்ளனர். பெரிய பொருட்செலவில் உருவாக்கப்பட்டு வெளியீட்டிற்கு தயாராகி வரும் இந்த இந்தியன் 2 திரைப்படம், லைகா புரொடக்ஷன் நிறுவனத்திற்கு நெருக்கடி அளித்து வருகிறது.

இந்தியன் 2 படத்தில் ஒரு பாடல் இன்னும் படமாக்க வேண்டும் என இயக்குனர் ஷங்கர் கேட்டுள்ளார் என சில தகவல்கள் கசிந்துள்ளது. மேலும் இந்தியன் 2 படத்தினை திட்டமிட்டு பின்னர் இந்தியன் 2 மற்றும் இந்தியன் 3 என இரு பாகங்கள் முடித்துள்ளது. அதற்கேற்ப நட்சத்திரங்களின் சம்பளமும் இரு மடங்கும் அதிகரித்து லைகா புரொடக்ஷன் நிறுவனத்திற்கு ஒரு இடியாக மாறியது.

இந்தியன் 2 மற்றும் இந்தியன் 3 படங்களின் படப்பிடிப்பில் நடந்த மாற்றங்கள் தான் தற்போது லைகா புரொடக்ஷன் நிறுவனத்திற்கு நிதி சிக்கல் ஏற்பட காரணமும், விடாமுயற்சி படப்பிடிப்புக்கு சிக்கலாக மாறியுள்ளது. ஒரு சரியான திட்டம் இல்லாமல் கமல் - ஷங்கர் கூட்டணியில் பிரமாண்டமாக உருவாகும் இந்தியன் 2 மற்றும் இந்தியன் 3 படங்கள் பல நெருக்கடிகள் குடுத்து விடாமுயற்சி போன்ற பெரிய ஹீரோ படத்தினை நிறுத்தும் அளவிற்கு சென்றுள்ளது.

தற்போது லைகா நிறுவனம் இந்தியன் 2 படத்தினை வெளியிட்டு அதன் மூலம் வரும் பணத்தை வைத்து விடாமுயற்சி படப்பிடிப்பை தொடங்க திட்டம் செய்துள்ளது. ஆனால் இந்தியன் 2 திரைப்படம் 2024 ஜூன் மாதம் வெளியாகும் என எதிர்பார்க்கப்பட்ட நிலையில், தற்போது இப்படம் வெளியீட்டு தேதியை மாற்றி தள்ளி போகிறது. இந்தியன் 2 படத்தின் வெளியீட்டு தேதி மாற்றத்தால் விடாமுயற்சி படம் நிறுத்தி வைக்கப்பட்டுள்ளது.

இதனை அறிந்த நடிகர் அஜித் குமார் லைகா புரொடக்ஷன் நிறுவனம் மீது அதிர்த்தியில் உள்ளார். இதற்காக காத்திருக்க முடியாது என்று அஜித் குமார் நடிக்கும் புதிய படமாக 'குட் பேட் அக்லி' படத்தினை தொடங்க திட்டமிடுகிறார்.