இதுவரை நேருக்கு நேர் மோதிக்கொண்ட விஜய் - அஜித் திரைப்படங்கள்

நடிகர் அஜித் குமார் நடிப்பில் ஏ ஆர் முருகதாஸ் இயக்கத்தில் ஒரு கேங்ஸ்டர் படமாக உருவாகி 2001 பொங்கல் பண்டிகை முன்னிட்டு திரையரங்களில் வெளியான திரைப்படம், தீனா. அதே தினத்தில் விஜய்யின் பிரண்ட்ஸ் திரைப்படமும் வெளியானது. இந்த படத்தினை இயக்குனர் சித்திக் இயக்கியுள்ளார். பிரண்ட்ஸ் திரைப்படம் மலையாள சினிமா திரைப்படத்தின் ரீமேக் படமாகும். 2001ஆம் ஆண்டு விஜய்யின் பிரண்ட்ஸ் திரைப்படம் தமிழ் சினிமாவில் ஹிட் அடித்த நிலையில், அஜித்குமாரின் தீனா திரைப்படம் பெரிய அளவில் கொண்டாடப்பட்டு பிளாக்பஸ்டர் படமாக புகழ் பெற்றுள்ளது.

2002 ஆம் ஆண்டு தீபாவளி பண்டிகை முன்னிட்டு விஜய்யின் பகவதி திரைப்படமும், அஜித்குமாரின் வில்லன் திரைப்படமும் ஒரே நாளில் வெளியானது. விஜய்யின் பகவதி திரைப்படம் பெரிய அளவில் பேசப்படாமல் தமிழ் சினிமாவில் பிளாப் ஆனது. நடிகர் அஜித்குமாரின் வில்லன் திரைப்படம் அந்த ஆண்டு பிளாக் பஸ்டர் படமாக பிரபலமாகி பலரால் கொண்டாடப்பட்டு பல விருதுகளை அள்ளி குவித்துள்ளது.

2003 ஆம் ஆண்டு தீபாவளி பண்டிகை முன்னிட்டு அஜித் குமாரின் அஞ்சனையா மற்றும் விஜய்யின் திருமலை திரைப்படம் ஒரே நாளில் திரையரங்கில் வெளியாகின. இதில் விஜய்யின் திருமலை திரைப்படமும், அஜித் குமாரின் அஞ்சனையா திரைப்படமும் பெரிய அளவில் பேசப்படவில்லை. இருப்பினும் திருமலை திரைப்படம் ஆவெரேஜ் படமாகவும், அஞ்சனையா பிளாப் படமாகவும் ரிசல்ட் உள்ளது.

2006ஆம் ஆண்டு பொங்கல் பண்டிகை முன்னிட்டு அஜித்குமாரின் பரசிவம் திரைப்படமும், விஜய்யின் ஆதி திரைப்படமும் ஒரே நாளில் வெளியாகியது. இதில் விஜய்யின் ஆதி படத்தை விட அஜித் குமாரின் பரமசிவம் திரைப்படம் வசூல் குவித்து ஆவெரேஜ் படமாக பிரபலமானது. விஜய்யின் ஆதி திரைப்படம் ரசிகர்கள் மத்தியில் கொண்டாடப்படாமல் பிளாப் படமாக ரிசல்ட் அளித்துள்ளது.

2007ஆம் ஆண்டு பொங்கல் பண்டிகை முன்னிட்டு விஜய்யின் போக்கிரி படமும், அஜித்குமாரின் ஆழ்வார் திரைப்படமும் ஒரே நாளில் வெளியாகின. இதில் விஜய்யின் போக்கிரி திரைப்படம் பெரிய அளவில் கொண்டாடப்பட்டு வசூல் சாதனை படைத்தது பிளாக்பஸ்டர் படமாக புகழ் பெற்றுள்ளது. அஜித்தின் ஆழ்வார் திரைப்படம் பெரிய அளவில் தோல்வியை சந்தித்துள்ளது.

2014ஆம் ஆண்டு பொங்கல் பண்டிகை முன்னிட்டு அஜித் குமாரின் வீரம் திரைப்படமும், விஜய்யின் ஜில்லா திரைப்படமும் ஒரே நாளில் வெளியாகின. இந்த இரண்டு படங்களும் பெரிய அளவில் ரசிகர்களால் கொண்டாடப்பட்டு வசூல் சாதனை படைத்துள்ளது. 7 ஆண்டுகளுக்கு பின் விஜய் - அஜித் படங்கள் ஒரே நாளில் வெளியானதால் இந்த படங்கள் தமிழ் சினிமாவில் பல சாதனைகளை படைத்துள்ளது. இந்த படங்களில் ஜில்லா படம் தமிழ் சினிமாவில் ஆவெரேஜ் படமாக ஆனது. அஜித் குமாரின் வீரம் படம் பிளாக்பஸ்டர் படமாக பாக்ஸ் ஆபிஸில் இடம் பெற்று புகழ் பெற்றுள்ளது.

2023 பொங்கல் பண்டிகைக்கு அஜித் குமாரின் துணிவு திரைப்படமும், விஜய்யின் வாரிசு திரைப்படமும் ஒரே நாளில் வெளியானது. ஜனவரி 11, 2023ல் வெளியான இந்த இரண்டு படங்ளில் அஜித்குமாரின் துணிவு திரைப்படம் சுவாரஸ்ய திரைக்கதை மற்றும் நல்ல கருத்துகளை உள்ளடக்கி மக்களின் பேராதரவில் ப்ளாக்பஸ்டர் படமாக வெற்றி பெற்றுள்ளது. விஜய்யின் வாரிசு படம் சுமாராக ஓடியுள்ளது.