Aranmanai 4 OTT: ஜூன் 21 'டிஸ்னி ஹாட்ஸ்டார்' ஓடிடியில் ரிலீஸாகும் அரண்மனை 4...

அரண்மனை 4 - இயக்குனர் சுந்தர் சி இயக்கத்தில் அரண்மனை, அரண்மனை 2, அரண்மனை 3 ஆகிய படங்களின் வெற்றியை தொடர்ந்து உருவாகும் 4ஆம் பாக திகில் - திரில்லர் திரைப்படம். இப்படத்தின் இயக்குனர் சுந்தர் சி நாயகனாக நடிக்க, இவருடன் இணைந்து தமன்னா, ராசி கண்ணா, யோகி பாபு, சந்தோஷ் பிரதாப், கோவை சரளா என தமிழ் சினிமா பிரபலங்கள் பலர் முக்கிய கதாபாத்திரத்தில் நடித்துள்ளனர்.

அரண்மனை 4 திரைப்படத்தினை இப்பட இயக்குனர் சுந்தர் சி, குஷ்பூ சுந்தர் மற்றும் அருண் குமார் இணைந்து அவ்னி சினிமேக்ஸ் மற்றும் பென்ஸ்ஸ் மீடியா நிறுவனம் மூலம் தயாரித்துள்ளனர். இப்படத்தினை ஏசியன் சுரேஷ் என்டர்டைன்மெண்ட் நிறுவனம் விநியோகம் செய்துள்ளது.

அரண்மனை 4 திரைப்படத்திற்கு ஒளிப்பதிவாளர் கிருஷ்ணசாமி ஒளிப்பதிவு செய்ய, படத்தொகுப்பாளர் ஃபென்னி ஆலிவர் எடிட்டிங் செய்துள்ளார். இப்படத்திற்கு இசையமைப்பாளர் ஹிப்ஹாப் தமிழா இசைக்குழு சார்பில் நடிகர் ஆதி இசையமைத்துள்ளார்.

தமன்னா பெற்றோரின் எதிர்ப்பை மீறி சந்தோஷ் பிரதாப்-யை காதல் திருமணம் செய்து கொள்கிறார். இதனால் பெற்றோரை பிரிந்து இருவரும் 10 வருடங்களாக வாழ்ந்து வருகின்றனர். இவர்களுக்கு ஒரு மகன் மற்றும் மகள் உள்ளனர்.

ஒரு நாள் அதிகாலையில் சந்தோஷ் பிரதாப் இறந்து போகிறார், அதே நாளில் தமன்னா தூக்கிட்டு தற்கொலை செய்து கொள்கிறார். இவர்களின் மரணத்தை பலர் சாதாரணமாக கடந்து செல்கின்றனர். தமன்னா-வின் மரண செய்தியை அறியும் சுந்தர் சி (தமன்னாவின் அண்ணன்), ஊருக்கு வருகிறார்.

தமன்னா மரணத்திற்கு பின்பு அந்த ஊரில் நடக்கும் சம்பவங்களை அடிப்படையாக கொண்டு துப்பறிவாளனாக மாறுகிறார், சுந்தர் சி. பின் தமன்னா வாழ்ந்து வந்த அரண்மனையில் அமானுச சக்தி இருப்பதாக பல வதந்திகள் வருகிறார்.

சுந்தர் சி, தமன்னாவின் மரணத்திற்கான காரணம் மற்றும் அந்த அரண்மனையில் இருக்கும் அமானுச சக்தி பற்றிய உண்மையை அறிந்து அதனை எப்படி சமாளிக்கிறார் என்பதே அரண்மனை 4 திரைப்படத்தின் கதை.

அரண்மனை 4 திரைப்படம் தமிழ் சினிமாவில் 2024 ஆம் ஆண்டின் முதல் பிளாக்பஸ்டர் திரைப்படமாக வெற்றி பெற்றுள்ளது. எந்த எதிர்பார்ப்பும் இல்லாமல் வெளியான அரண்மனை 4, திகில் - நகைச்சுவை என திரைக்கதையில் வெரைட்டி காட்டி உருவாக்கிய படக்குழு, இப்படத்தினை வெற்றி படமாக மாற்றியுள்ளனர்.

அரண்மனை 4 படத்திற்கு மக்கள் மத்தியில் (3.5/5) ரேட்டிங் அளிக்கப்பட்டுள்ளது. விறுவிறுப்பான கதைக்களம் மற்றும் சுவாரசிய நிறைந்த திகில் காட்சிகளில் இப்படம் தமிழ் சினிமா ரசிகர்களை கவர்ந்து இந்த ஆண்டு 100 கோடி வசூல் படங்களில் இடம் பிடித்துள்ளது.

திரையரங்கில் வெற்றி கண்ட அரண்மனை 4 திரைப்பட படக்குழு, தற்போது ஓடிடி ஸ்ட்ரீமிங் பற்றிய அப்டேட் வெளியிட்டுள்ளது. இப்படத்தின் ஆன்லைன் டிஜிட்டல் ஸ்ட்ரீமிங் உரிமையை 'டிஸ்னி பிளஸ் ஹாட்ஸ்டார்' நிறுவனம் கைப்பற்றி 2024 ஜூன் 21ல் இப்படத்தினை ஓடிடி வெளியிட உள்ளது. இப்படத்தின் ஓடிடி ரிலீஸ் தேதி பற்றிய அதிகாரபூர்வ அறிவுப்பு தற்போது ஜூன் 5ல் படக்குழு சார்பில் வெளியிடப்பட்டது.

சுந்தர் சி, அரண்மனை படம் மூலம் தமிழ் சினிமாவில் ஒரு புதிய மாற்றத்தை படைத்தார். திகில் படத்தில் நகைச்சுவை காட்சிகள் கொண்டு ஒரு கமர்சியல் படமாக உருவாக்கியுள்ளார், சுந்தர் சி. இப்படத்திற்கு தமிழ் திரைப்பட ரசிகர்கள் மத்தியில் கிடைத்த வரவேற்பினை தொடர்ந்து, சுந்தர் சி அரண்மனை 2, அரண்மனை 3 ஆகிய படங்களை தயாரித்து, இயக்கி தமிழ் சினிமாவில் வெற்றி கண்டுள்ளார்.