Baakiyalakshmi: இந்த வார ப்ரோமோ! தவறை எண்ணி வருந்தும் கோபி... இனி என்ன பயன்?

பாக்கியலட்சுமி - தமிழ் சின்னத்திரை ரசிகர்கள் மத்தியில் கொண்டாடப்படும் தொலைக்காட்சி தொடர், பாக்கியலட்சுமி. இந்த சீரியலின் லேட்டஸ்ட் எபிசோடுகள் வெளியாகி பலரின் கவனத்தை கவர்ந்துள்ளது. கோபி செய்யும் அநீதிகள், இனியா செய்து வரும் சேட்டை என பல பிரச்சனைகள் கடந்து தற்போது இந்த சீரியல் நகைச்சுவை கதைக்களத்திற்கு நகர்ந்துள்ளது.

ராதிகா உடன் வாழ்ந்து வரும் கோபி, மீண்டும் குடி பழக்கத்தை ஆரம்பித்துள்ளார். இந்த முறை கோபி - ராதிகா சண்டை பெரிய அளவிற்கு போக, உன்னால் தான் எனது குடும்பத்தை விட்டு தான் இப்படி வாழ்கிறேன் என கோவத்தில் பேசுகிறார். அதற்கு ராதிகாவை விவாகரத்து செய்து மீண்டும் கோபி தனது குடும்பத்துடன் இணைய வேண்டும் என சொல்லி சண்டை போடுகிறார்.

இந்த நிலைமை வரும் என கோபி குடும்பத்தினர் பலர் சொல்லி கேட்காமல் தானே முடிவெடுத்து திருமணம் செய்து கொண்ட கோபி, தற்போது வருந்துகிறார். 'இனி என்ன பயன்?' என பல ரசிகர்கள் தங்களின் கருத்துகளை பகிர்ந்து வருகின்றனர்.

கோபி - ராதிகா சண்டை தொடர்ந்து நடந்து வரும் நிலையில், கோபி அடிக்கடி குடித்துவிட்டு வீட்டில் சண்டை போட்டு வருகிறார். இந்நிலையில் மனதில் உள்ள பல கசப்பான விஷயங்களை முகத்திற்கு நேரடியாக பேசி வரும் கோபி, இதற்காக பல முறை ராதிகாவிடம் மன்னிப்பு கேட்டுள்ளார். ஆனால் திருந்தாத கோபி இந்த முறை சண்டையில் விவாகரத்து பற்றி பேசி, சோக பாடல்கள் பாடி எல்லை மீறி அராஜகம் செய்துள்ளார். காலை போதை தெளிதந்தும் நகைச்சுவை காட்சிகள் காத்திருக்கிறது. ஆனால் போதையில் சொன்ன விவாகரத்து விவகாரம் நடந்து விடுமோ?

கோபி - ராதிகா சண்டை நடந்து வரும் நிலையில், பாக்கியா இல்லத்தில் இனியா தோழிகளுடன் செய்துள்ள சேட்டை காரணமாக தற்கொலை செய்வது போன்ற முயற்சிகள் எடுத்து சிக்கியுள்ளார். இதனால் பெரிய பூகம்பம் வெடித்துள்ளது. இந்த பிரச்சனை கசிந்தால் மீண்டும் ஏதேனும் ட்ராமா செய்துகொண்டு கோபி வீட்டில் நுழைந்து விடுவார் என பலர் அஞ்சுகின்றனர். கோபி போல இனியாவும் பல தவறுகள் செய்து பிரச்சனையில் சிக்கி குடும்பத்தின் நிம்மதியை சீரடிக்கிறார்.