காட்ஸில்லா X காங் முதல் ஹாட் ஸ்பாட்: இந்த வார ரிலீஸ் படங்களில் பெஸ்ட் படம் இதுதானா!

காட்ஸில்லா X காங்: தி நியூ எம்பையர் - ஹாலிவுட் சினிமாவில் அதிநவீன தொழில்நுட்ப உதவியோடு உருவாக்கப்பட்டு இந்த 2024 கோடை விடுமுறைக்கு வெளியாகியுள்ள அதிரடி திரைப்படம். இப்படம் முற்றிலும் புதிய வடிமைப்பில் உருவாகி வெளியாகியுள்ளது. காட்ஸில்லா மற்றும் காங் இணைந்து புதிய எதிரிகளை துவம்சம் செய்வது தான் இப்படத்தின் கதை. இப்படம் மிக பழையமையான கதை அம்சம் கொண்டிருந்தாலும் இப்படத்தின் கிராபிக்ஸ் மற்றும் விஸ்வல் காட்சிகள் பலர் கவர்ந்துள்ளது.

வெப்பம் குளிர் மழை - இயக்குனர் பாஸ்கல் வேடமுத்து இயக்கத்தில் திரவ், இஸ்மத் பானு, எம் எஸ் பாஸ்கர், ராமா என பல தமிழ் திரைப்பட நட்சத்திரங்கள் நடித்திருக்கும் திரைப்படம். இப்படம் 2024 மார்ச் 29ல் வெளியாகி தமிழ் சினிமாவில் பல திரையரங்கில் ஒளிபரப்பாகி வருகிறது.

பெற்றோர்களால் திருமணம் செய்துகொண்ட நாயகன் - நாயகி வெகு நாட்களாக குழந்தை இல்லாமல் தவித்து வருகின்றனர். இதனால் பல இடங்களில் அவமானப்படுத்தப்படும் நாயகி, துணிச்சலாக ஒரு முடிவை எடுக்கிறார். மாமியார் கொடுக்கும் டார்ச்சலுக்கு அஞ்சி நாயகனுக்கு தெரியாமல் ஒரு செவிலியரின் உதவியோடு கருத்தரிப்பு முறைகளை மேற்கொண்டு வேறு ஒருவரின் குழந்தையை பெற்றெடுக்கிறார்.

தனது கணவனின் அன்பு மழையில் தித்திக்கும் நாயகி, இந்த உண்மையை கணவனிடம் சொல்ல, அன்று முதல் கணவனின் நடவடிக்கையில் பல மாற்றங்கள். அடுத்தவனின் குழந்தை என நினைத்து குழந்தையிடம் பாசம் காட்ட மறுக்கும் கணவனால் மீண்டும் பல பிரச்சனையை சந்திக்கிறார், நாயகி. இறுதியில் என்ன ஆனது என்பதே வெப்பம் குளிர் மழை திரைப்படத்தின் கதை.

ஹாட் ஸ்பாட் - இயக்குனர் விக்னேஷ் கார்த்திக் இயக்கத்தில் கலையரசன், சாண்டி மாஸ்டர், ஜனனி ஐயர், அம்மு அபிராமி, ஆதித்ய பாஸ்கர் என பல தமிழ் திரைப்பட பிரபலங்கள் நடித்திருக்கும் திரைப்படம். இப்படத்தினை தயாரிப்பாளர் பலமணிமார்பன் - சுரேஷ் குமார் - கோகுல் பினாய் இணைந்து தயாரிக்க, இசையமைப்பாளர் சதிஷ் ரகுநந்தன் இசையமைத்துள்ளார். ஹாட்ஸ்பாட் திரைப்படம் 2024 மார்ச் 29ல் உலகமெங்கும் வெளியாகியுள்ளது. 

ஹாட்ஸ்பாட் திரைப்படம் 4 வெவ்வேறு கருத்துகள் கொண்ட 4 ஜோடிகளை பற்றிய திரைப்படமாகும். இந்த கதையை சமூக கருத்துகள் உடைய சர்ச்சை நிறைந்த கதையாக வடிவமைத்து இயக்கியுள்ளார், இயக்குனர்.

தி பாய்ஸ் - இயக்குனர் சந்தோஷ் பி ஜெயக்குமார் இயக்கத்தில் டார்க் ரூம் பிக்சர்ஸ் மற்றும் நோவா பிலிம் ஸ்டூடியோ தயாரிப்பு நிறுவனங்கள் இணைந்து தயாரித்துள்ள டார்க் காமெடி - அடல்ட் திரைப்படம். இப்படத்தில் சந்தோஷ் பி ஜெயக்குமார், ஷாரா, ரெடின் கிங்ஸ்லி என பல நடித்துள்ளனர்.

தி பாய்ஸ் திரைப்படம் அடல்ட் படமாகவும் நகைச்சுவை நிறைந்த ஒரு படைப்பாக உருவாகியுள்ளது. இப்படத்திற்கு தமிழக திரைப்பட தணிக்கை குழு 'ஏ' சான்றிதழ் அளித்திருந்தாலும், இப்படம் திரைப்பட ரசிகர்கள் குடும்பங்களோடு கொண்டாடும் படமாக தான் அமைந்திருக்கிறது.

தமிழ் சினிமாவில் இந்த வாரம் மொத்தம் 9 படங்கள் வெளியாகியுள்ளது. இதில் தி பாய்ஸ், ஹாட் ஸ்பாட், வெப்பம் குளிர் மழை  போன்ற படங்களை தவிர்த்து இடி மின்னல் காதல், பூமர் அங்கிள், எப்புரா, நேற்று இந்த நேரம் என பல சிறு பட்ஜெட் படங்களும் வெளியாகியுள்ளது.

இந்த கோடை விடுமுறைக்கு வெளியான காட்ஸில்லா X காங்: தி நியூ எம்பையர் திரைப்படம் தான் எதிர்பார்த்த ரசிகர்களை திருப்தி படுத்தும் விதமாக அமைந்துள்ளது. பல கிராபிக்ஸ் காட்சிகள் நிறைந்த ஒரு சுவாரஸ்யமான படமாக இப்படம் உருவாகி ரசிகர்களின் எதிர்பார்ப்பை பூர்த்தி செய்துள்ளது.

நேரடி தமிழ் சினிமாவில் வெளியான படங்களில் வெப்பம் குளிர் மழை, தி பாய்ஸ் மற்றும் ஹாட் ஸ்பாட் திரைப்படங்களுக்கு ரசிகர்கள் மத்தியில் பெரும் வரவேற்பு கிடைக்கவில்லை, இப்படத்தின் சர்ச்சை நிறைந்த டிரைலர் மற்றும் முன்னோட்டம் தான் இதற்கு காரணம்.

தமிழ் சினிமாவில் வெளியான இந்த வார படங்களில் சிறந்த படமாக ஹாலிவுட் திரைப்படமான காட்ஸில்லா X காங்: தி நியூ எம்பையர் திரைப்படம் பெஸ்ட் மூவி என ரசிகர்கள் கொண்டாடுகின்றனர்.