கார்த்தி முதல் ரவி மோகன் வரை: உதவி இயக்குனராக சினிமா பயணத்தை தொடங்கிய பிரபல ஹீரோக்கள்

பிரபல நடிகர் சிவகுமாரின் மகன் கார்த்தி, திரைப்பட உதவி இயக்குனராகவே தன் சினிமா வாழ்க்கையை தொடங்கினார். அதற்காக அவர் மணி ரத்னத்திடம் அயுத எழுத்து படத்தில் உதவி இயக்குனராக பணியாற்றினார். ஆனால் பின்னர், இயக்குனர் ஆமீர் இயக்கிய பருத்திவீரன் படத்தில் கதாநாயகனாக அறிமுகமாகி ரசிகர்களின் மனதை கவர்ந்தார். அதைத் தொடர்ந்து, அவர் மீண்டும் மணி ரத்னம் இயக்கிய காற்று வெளியிடை படத்தில் முக்கிய கதாபாத்திரம் செய்தார்.

ஜெயம் ரவி என்றழைக்கப்படும் ரவி மோகன், 2003-யில் வெளியான ஜெயம் என்ற காதல் படத்தின் மூலம் அறிமுகமாகி ரசிகர்களின் கவனத்தை பெற்றவர். இவர் பிரபல எடிட்டர் மோகனின் மகன் மற்றும் இயக்குனர் ராஜாவின் தம்பி. தனது நடிப்புக்கு முன்பாக, சுரேஷ் கிருஷ்ணா இயக்கிய ஆளவந்தான் படத்தில் உதவி இயக்குனராக பணியாற்றியுள்ளார். 

சித்தார்த் தனது நடிப்பை ஷங்கர் இயக்கிய பாய்ஸ் படத்தில் தொடங்கினார். ஆனால் அதற்கு முன், அவர் மணி ரத்னம் இயக்கிய கன்னத்திலு முத்தமிட்டால் படத்தில் உதவி இயக்குனராக பணியாற்றியவர். பின்னர் தமிழ் மற்றும் தெலுங்கு மொழிகளில் பல வெற்றிப்படங்களில் நடித்தார்.

விஷால் நடிகராக அறிமுகமாகும் முன்னர், அர்ஜுன் சர்ஜா இயக்கிய வேதம் மற்றும் ஏழுமலை படங்களில் உதவி இயக்குனராக பணியாற்றியவர். பின்னர் காந்தி கிருஷ்ணா இயக்கிய  2004-யில் வெளியான செல்லமே படம் மூலம் கதாநாயகனாக அறிமுகமானார். அதன் பிறகு, இரும்புத்திரை படத்தில் அர்ஜுனுடன் இணைந்து நடித்தும் ரசிகர்களை கவர்ந்தார். 

சசி குமார் தனது சினிமா பயணத்தை பாலா இயக்கிய சேது படத்தில் உதவி இயக்குனராக தொடங்கினார். பின்னர் ஆமீர் இயக்கிய மௌனம் பேசியதே மற்றும் ராம் படங்களிலும் உதவியாளராக பணியாற்றினார். பின்னர், அவர் தனது முதல் இயக்குனராகவும் கதாநாயகனாகவும் சுப்பிரமணியபுரம் 2008-யில் வெளியான இப்படத்தின் மூலம் நடிக்க தொடங்கினர். அந்த படம் அவரை தனி அடையாளம் கொண்ட இயக்குனராகவும் நடிகராகவும் உயர்த்தியது.