2023 டிசம்பர் 22ல் வெளியாகும் பிற மாநில படங்களால் தமிழ் படங்களுக்கு கிடைக்காத தியேட்டர்கள்

Author Sakthi Harinath | Published: Thursday, December 21, 2023, 05:34 PM [IST]

2023 டிசம்பர் 22ல் வெளியாகும் பிற மாநில படங்களால் தமிழ் படங்களுக்கு கிடைக்காத தியேட்டர்கள், முழு விவரங்கள் இதோ. இந்த வாரம் டிசம்பர் 22, 2023ல் வெளியாகும் ஷாருக் கான் நடித்த டன்கி, பிரபாஸ் நடித்த சாலார், அக்வாமேன் 2 ஆகிய படங்கள் வெளியாகும் நிலையில் தமிழ் சினிமாவில் பெரும்பாலான திரையரங்கம் பிற மொழி படங்களுக்கு ஒதுக்கப்பட்டிருக்கிறது, இதனை பற்றிய விரிவான விவரங்கள் இதோ.

உள்ளடக்கப்பட்டியல்

இந்த வாரம் 2023, டிசம்பர் மாதம் 22ல் தமிழ் சினிமாவில் அரனம், அக்வாமேன் 2, டன்கி, சலார், ஆயிரம் பொற்காசுகள், சபா நாயகன் என பல படங்கள் வெளியாகிறது. முன்னணி நடிகர்களின் பெரிய பட்ஜெட் படங்கள் முதல் சிறிய பட்ஜெட் படங்கள் வரை பல படங்கள் வெளியாகும் இந்த வாரத்தில் திரை ரசிகர்கள் தங்களின் விருப்பத்திற்கு ஏற்ற படங்களை காண காத்துள்ளனர்.

கே ஜி எஃப் படக்குழு தயாரிப்பில் இயக்குனர் பிரஷாந்த் நீல், பிரபாஸ், ப்ரித்வி ராஜ் என பலர் பணியாற்றியிருக்கும் திரைப்படமான, சலார் இந்த வாரம் திரைக்கு வருகிறது. இந்திய அளவில் பலரால் எதிர்பார்க்கப்படும் இப்படம் ஒரு பான் இந்தியா படமாக 2023 டிசம்பர் 22ல் வெளியாகிறது. இப்படத்திற்கு இந்தியாவில் உள்ள பல மாநிலங்கள் முன்னுரிமை அளித்துள்ள நிலையில், தமிழகத்தில் இருக்கக்கூடிய பல திரையரங்கம் சலார் படத்தினை வெளியிட திட்டமிட்டுள்ளது. இதனால் பெரிய அளவில் சலார் படத்திற்கு தமிழகத்தில் திரையரங்குகள் ஒதுக்கப்பட்டுள்ளன.

இயக்குனர் ராஜ் குமார் ஹிரணி இயக்கத்தில் ஷாருக் கான், டாப்ஸ், விக்கி என பலர் நடித்திருக்கும் திரைப்படம். இப்படம் ஹிந்தி மொழியில் உருவாகி பல இடங்களில் நேரடி ஹிந்தி படமாக வெளியாகியுள்ளது. ஹிந்தி மொழியில் இப்படம் வெளியானதால் இப்படத்திற்கு பெரிய அளவில் தமிழத்தில் திரையரங்கம் ஒதுக்கப்படவில்லை. ஆனால் இப்பாத்தின் இயக்குனர் ராஜ் குமார் ஹிரணி இயக்கிய முந்திய படங்களில் ரிசல்ட் மற்றும் திரைக்கதையில் ஈர்க்கப்பட்ட பல ரசிகர்களை இப்படத்தினை ஹிந்தி மொழியில் காண ஆர்வம் காட்டுகின்றனர்.

சபா நாயகன் திரைப்படத்தினை இயக்குனர் சி எஸ் கார்த்திகேயன் இயக்கத்தில் அசோக் செல்வன், மேகா ஆகாஷ், கார்த்திகா முரளிதரன், சாந்தினி சௌத்திரி என பல பிரபலங்கள் நடித்திருக்கும் காதல் திரைப்படம். இப்படத்திற்கு இசையமைப்பாளர் லியோன் ஜேம்ஸ் இசையமைத்துள்ளார். இந்த வாரம் தமிழ் சினிமாவில் வெளியாகும் படங்களில் இப்படம் முக்கிய இடத்தை பிடித்துள்ளது. அசோக் செல்வன் படங்கள் மக்கள் மத்தியில் நல்ல வரவேற்பை பெற்றுள்ள நிலையில், பிறமாநில படங்களுக்கு மத்தியில் இப்படம் மக்களால் கவரப்பட்டுள்ளது.

அக்வாமேன் அண்ட் தி லாஸ்ட் கிங்டம் (Aquaman and the Lost Kingdom): இயக்குனர் ஜேம்ஸ் வான் இயக்கத்தில் ஜேசன் மோமோவா, அம்பர் கேர்ட், பாட்ரிக் வில்சன் என பல ஹாலிவுட் நட்சத்திரங்கள் நடித்திருக்கும் அதிரடி திரைப்படம். இப்படத்தினை டிசி (DC) காமிக்ஸ் புத்தகத்தின் கதை அடைப்படையில் உருவாக்கியுள்ளனர், படக்குழுவினர்.

அக்வாமேன் 2 திரைப்படத்தினை பீட்டர் சப்ரன் & ஜேம்ஸ் வான் இணைந்து டிசி பிலிம்ஸ் - சஃப்ரான் கம்பெனி - அட்டாமிக் மான்ஸ்டர் புரொடக்சன்ஸ் தயாரிப்பு நிறுவனங்கள் மூலம் தயரித்து, இப்படத்தினை உலகம் முழுவதும் வார்னர் புரோஸ். பிக்சர்ஸ் நிறுவனத்தின் மூலம் விநியோகம் செய்துள்ளனர்.

இந்த வாரம் 2023, டிசம்பர் 22ல் பெரிய பட்ஜெட் படங்களை தொடர்ந்து சிறு பட்ஜெட் திரைப்படங்களின் வெளியாக தயார் நிலையில் உள்ளது. அரணம், ஆயிரம் பொற்காசுகள், ஜிகிரி தோஸ்த் என 3 தமிழ் திரைப்படங்கள் வெளியாக உள்ளது.

தெலுங்கு மற்றும் பல மொழியில் உருவாகியுள்ள சலார் படத்திற்கு திரைப்பட ரசிகர்கள் மத்தியில் மிகப்பெரிய எதிர்பார்ப்புகள் உள்ள நிலையில் சலார் படத்திற்கு தமிழக தியேட்டர்கள் பல ஒதுக்கப்பட்டுள்ளன. ரசிகர்கள் எதிர்பார்க்கும் திரைப்படம் மற்றும் வசூல் அள்ள சரியான படமாக இப்படம் உள்ளது என்பது தான் காரணம்.

ஷாருக் கான் நடித்துள்ள டன்கி திரைப்படத்திற்கு மக்கள் மத்தியில் நல்ல வரவேற்பு இருப்பதினால் இப்படம் பெரிய அளவில் எதிர்பார்க்கப்படுகிறது. ஆனால் இப்படம் ஹிந்தி மொழியில் மட்டும் உருவாகி வெளியாவதால் இப்படத்திற்கு தமிழக தியேட்டர்கள் பெரிய அளவில் ஒதுக்கப்படவில்லை.

ஹாலிவுட் திரைப்படமான அக்வாமேன் 2 (அக்வாமேன் அண்ட் தி லாஸ்ட் கிங்டம்) படத்திற்கு குழந்தைகள் முதல் இளைஞர்கள் வரை தமிழ் சினிமாவில் ரசிகர்கள் இருப்பதால் இப்படம் பல திரையரங்கில் ஒளிபரப்ப ஒப்பந்தம் செய்யப்பட்டுள்ளது. மேலும் இப்படம் 3D தொழில்நுட்பத்தில் உருவாகியுள்ளதால் இப்படத்தினை காண குழந்தைகள் மற்றும் ஆங்கில பட பிரியர்கள் என பலர் ரசிகர்கள் உள்ளனர்.

இந்த வாரம் தமிழ் சினிமா படங்களான சபா நாயகன், அரணம், ஆயிரம் பொற்காசுகள், ஜிகிரி தோஸ்த் என 4 படங்கள் வெளியாகிறது. இந்த படங்கள் பெரும்பாலும் சிறுபட்ஜெட் படங்கள் மற்றும் ரசிகர்கள் மத்தியில் பிரபலமாகாத படமாக இருப்பதினால் தமிழ் படங்களுக்கு இந்த வாரம் குறைவான தியேட்டர்கள் தான் உள்ளது.

சினிமா தியேட்டர்கள் எல்லாம் லாபத்தை நோக்கி செயல் படுத்தப்படுவதினால் எந்த படத்தை திரையிட்டால் லாபம் வரும் என்ற நம்பிக்கை உள்ளதோ அந்த படங்களை அவரவர் திரையரங்கில் வெளியிட்டுளார்கள். இதனை குறைசொல்லாமல் பிற மொழி படங்களின் தரத்திற்கு தமிழ் படங்கள் எல்லாம் இருக்கவேண்டும் என்பதே பலரின் விருப்பம் என விமர்சகர்கள் கூறுகின்றனர்.