ஸ்டார் - ரசவாதி - உயிர் தமிழுக்கு: இந்த வார ரிலீஸ் படங்களில் பெஸ்ட் மூவி எது தெரியுமா?

ஸ்டார் - இயக்குனர் இளன் இயக்கத்தில் கவின், அதிதி போஹங்கர், லால், கீதா கைலாசம், ப்ரீத்தி முகுந்தன் என தமிழ் சினிமா நட்சத்திரங்கள் பலர் நடித்திருக்கும் ...

ரசவாதி - இயக்குனர் சாந்த குமார் இயக்கத்தில் அர்ஜுன் தாஸ், தன்யா ரவிச்சந்திரன் என பல நட்சத்திரங்கள் நடித்திருக்கும் திரைப்படம். இப்படத்திற்கு தயாரிப்பாளராக ...

உயிர் தமிழுக்கு - இயக்குனர் ஆதம் பாவா இயக்கத்தில் அமீர், சாந்தினி தமிழரசன் என பல நட்சத்திரங்கள் முன்னணி கதாபாத்திரத்தில் நடித்திருக்கும் அரசியல் திரைப்படம். ...

கவின் (கலை) சிறுவயதில் இருந்தே நடிப்பின் மீது அதிக ஆர்வம் கொண்டவராக வளர்கிறார். இவருக்கு பக்கபலமாக இவரது தந்தை ஆதரிக்கிறார். கவின் பெரியவனாகி சினிமாவில் நடிக்கும் வேண்டும் என்பதை லட்சியமாக கொண்டு அதற்காக உழைத்து வருகிறார். தான் சந்திக்கும் தடைகளை உடைத்து அவர் சினிமாவில் நடிகராக ஜொலித்தார் இல்லையா என்பதே இப்படத்தின் கதை.

அர்ஜுன் தாஸ் (சித்தமருத்துவர் சதாசிவ பாண்டியன்) கொடைக்கானலில் சித்த மருத்துவம் செய்து வாழ்ந்து வருகிறார். மிக தன்மையான குணம் கொண்டவராக வளைந்த கால்கள் கொண்ட மாற்று திறனாளி சாயல் கதாபாத்திரத்தில் இவர் நடித்துள்ளார். பெங்களூருவில் இருந்து ஒரு மோசமான அனுபவத்தால் கொடைக்கானலில் உள்ள ஒரு ஓட்டலில் வேளைக்கு வரும் தன்யா - அர்ஜுன் தாஸ் இடையே பழக்கம் தொடங்கி இருவரும் காதலர்களாக மாறுகின்றனர்.

கொடைக்கானலுக்கு இன்ஸ்பெக்டராக பணிமாற்றம் செய்து வருகிறார், சுஜித் ஷங்கர். ஒரு கொடூர வில்லன் கதாபாத்திரத்தில் இவர் இப்படத்தில் நடித்துள்ளார். சட்டத்தை மதிக்காமல் பல தவறுகள் செய்து வரும் சுஜித் ஷங்கர், தனது கையில் அர்ஜுன் தாஸ் புகைப்படத்தினை வைத்துக்கொண்டு அவரை பழிவாங்கும் உணர்ச்சியில் தேடி வருகிறார். 

சுஜித் ஷங்கர் - அர்ஜுன் தாஸ் இடையே என்ன பகை, என்பது தான் 'ரசவாதி' திரைப்படத்தின் கதை.

எம் ஜி ஆர் பாண்டியன் (அமீர்), இவர் கேபிள் டிவி தொழில் செய்து வரும் நபர், இவருக்கு எம் ஜி ஆர் நாடகங்கள் பெரிய அளவில் பிடிக்கும். சைதாப்பேட்டை எம் எல் ஏ ஆனந்த் ராஜ் மகள் சாந்தினி தமிழரசன் மற்றும் அமீர் இருவரும் காதலித்து வருகின்றனர்.

மக்களின் செல்வாக்கை பெரும் அமீர், ஒரு சமயத்தில் அரசியலில் நிற்கிறார், ஏன்னென்றால் அப்போது தான் காதலியை அடிக்கடி காண முடியும் என்பதற்காக. இவர் காதல் சமாச்சாரம் ஆனந்த் ராஜுக்கு தெரிய வர, சில மர்ம நபர்கள் அவரை கொலை செய்து விடுகின்றனர். பின் அந்த கொலைப்பழி அமீர் மீது சுமத்துகின்றனர்.

இதனால் அமீர் காதல் பிரிகிறது. பின் அமீர் இதிலிருந்து எப்படி தப்பித்து தனது காதலியுடன் சேர்ந்தார் என்பதே 'உயிர் தமிழுக்கு' திரைப்படத்தின் கதை.

இந்த வாரம் மே 10, 2024ல் வெளியான தமிழ் படங்களான ஸ்டார், ரசவாதி மற்றும் உயிர் தமிழுக்கு ஆகிய படங்கள் ரசிகர்கள் மத்தியில் நல்ல வரவேற்பினை பெற்று பிரபலமாகியுள்ளது. இந்த மூன்று படங்களும் தனித்தன்மையுடன் இயக்கும் கதைக்களத்தில் உருவாகி மக்களின் வரவேற்பினை பெற்றுள்ளது.

ஸ்டார் - தனது சினிமா கனவுக்காக போராடும் ஒரு இளைஞர் கதாபாத்திரத்தில் நடித்து கவின் நடித்து பல ரசிகர்களின் கவனத்தை கவர்ந்துள்ளார் இப்படம் பெரிய அளவில் எதிர்பார்க்கப்பட்டு தமிழ் சினிமாவில் வெளியாகி தற்போது பலர் மத்தியில் பேசப்படுகிறது. இப்படத்திற்கு நமது தமிழ் பில்மிபீட் நிறுவன சினிமா விமர்சர்கள் சார்பில் (3/5) ரேட்டிங் அளிக்கப்படுள்ளது.

ரசவாதி - இயக்குனர் சாந்த குமார் இயக்கத்தில் உருவான இப்படம் பல விமர்சகர்கள் மத்தியில் பெரிதும் எதிர்பார்க்கப்பட்ட படமாகும். ஏனெனில் இவரின் முந்திய படங்களான மௌன குரு மற்றும் மகாமுனி படங்களுக்கு கிடைத்த வரவேற்பு & விமர்சனங்கள் ஆகும். தற்போது வெளியாகியுள்ள ரசவாதி மக்கள் மத்தியில் பேசப்படவில்லை, சாந்த குமார் ஸ்டைலில் இப்படம் இல்லை என்பது தான் உண்மை. இப்படத்திற்கு நமது தமிழ் பில்மிபீட் நிறுவன சினிமா விமர்சர்கள் சார்பில் (2.5/5) ரேட்டிங் அளிக்கப்படுள்ளது.

உயிர் தமிழுக்கு - இயக்குனர் அமீர் நடிப்பில் உருவாகியுள்ள இப்படம் பலரின் கவனத்தை ரிலீஸிற்கு முன்பே பேசப்பட்டு பிரபலமாகியுள்ளது. இப்படம் வெளியானதும் இப்படத்தினை கண்ட ரசிகர்கள் திருப்தி இல்லாமல் சென்றுள்ளனர். அரசியல் நய்யாண்டி திரைக்கதையில் நகைச்சுவை நிறைந்த படமாக இப்படம் வெளியாகி பலரின் மனதை கவர தவறியுள்ளது. இப்படத்திற்கு நமது தமிழ் பில்மிபீட் நிறுவன சினிமா விமர்சர்கள் சார்பில் (2.5/5) ரேட்டிங் அளிக்கப்படுள்ளது.

தமிழ் சினிமாவில் 2024 மே 10ல் வெளியான மூன்று தமிழ் படங்களில் உயிர் தமிழுக்கு மற்றும் ரசவாதி படத்தினை விட ஸ்டார் படம் பல ரசிகர்களின் கவனத்தை கவர்ந்து பேசப்படுகிறது. இப்படத்தின் திரைக்கதையில் உள்ள எளிமை மற்றும் எதார்த்தம் தான் இப்படத்திற்கு பலம் என பலர் சிலாகித்து தங்களின் கருத்துகளை சமூக வலைத்தளத்தில் பகிர்ந்து வருகின்றனர்.

நமது தமிழ் பில்மிபீட் நிறுவனம் சார்பில் இந்த வார ரிலீஸ் படங்கள் மத்தியில் சிறந்த படமாக தேர்வாகியுள்ள திரைப்படம் கவின் நடிப்பில் இயக்குனர் இளன் இயக்கியுள்ள 'ஸ்டார்' திரைப்படம்.