தமிழில் பாடல்கள் இல்லாமல் வெளியாகி வெற்றி பெற்ற திரைப்படங்கள்

காதல் காட்சிகள், அதிரடி, திரில்லர், நகைச்சுவை என பல தரப்பு திரை வண்ணங்களை சேர்த்து ஒரே படைப்பாக சில கமெர்சியல் திரைப்படங்கள் தமிழ் சினிமாவில் அதிகம் வெளியாகின்றன. இந்த படங்களுள் ஒரு திரைக்கதையின் உள்ளடக்கம் எந்த ஒரு காட்சியிலும் வண்ணம் மாறாமல் திரில்லர், திகில், அதிரடி என ஒரே நேர்கோட்டில் பயணித்து, திரைக்கதையின் சுவாரஸ்யத்திற்கு தேவையான காட்சிகளை கொண்டு ரசிகர்களை இருக்கையின் நுனியில் அமர்ந்து பார்க்கும் அளவிற்கு விறுவிறுப்பான திரைக்கதைகளும் வெளியாகின்றன. அப்படி வெளியாகும் திரைப்படங்கள் ரசிகர்களின் கவனத்தை பெரிதும் ஈர்ப்பதில்லை. இப்படிப்பட்ட படங்கள் விமர்சன ரீதியாகத்தான் வெற்றி / தோல்விகள் பார்க்கப்படுகிறது. இங்கு தமிழ் சினிமாவில் பாடல்கள் கூட இல்லாமல் விறுவிறுப்பான திரைக்கதையினை கொண்டு உருவாகி மக்களின் ஆதரவை பெற்றுள்ள பிரபல திரைப்படங்கள் இங்கு பட்டியலிடப்பட்டுள்ளது. இந்த பட்டியலில் மக்களின் ஆதரவை பெற்று வெற்றிப்பெற்ற திரைப்படங்கள், அதே சமயம் விமர்சன ரீதியாகவும் வெற்றிப்பெற்றுள்ள பிரபல திரைப்படங்கள் என இந்த இரண்டின் அடிப்படையில் இந்த பட்டியல் உருவாக்கப்பட்டுள்ளது.