கேம் ஓவர்

'என்னை நம்பி எவ்வளவு பாரத்தை வேண்டுமானாலும் வைக்கலாம்' என இயக்குனர்களுக்கு புதிய நம்பிக்கையை கொடுத்திருக்கிறார் டாப்சி. முதல் காட்சியில் இருந்தே ஸ்வப்னாவின் வாழ்க்கைக்குள் நம்மை அழைத்து சென்றுவிடுகிறார். திரையில் நாம் பார்ப்பது டாப்சியை அல்ல, ஸ்வப்னாவைத் தான் எனும் நம்பகதன்மையை கொடுக்கும் அளவுக்கு சிறப்பானதொரு நடிப்பை கொடுத்து, படத்தை முழுமையாக தாங்கியிருக்கிறார். தொடர்ந்து நிறைய தமிழ் படங்களில் நடிங்க டாப்சி.

டாப்சி வீட்டு வேலைக்காரப் பெண்ணாக வரும் வினோதினி, அந்த கதாபாத்திரத்திற்கு சரியாக நியாயம் செய்திருக்கிறார். அச்சு அசலாக அந்த பாத்திரமாகவே மாறியிருக்கிறார். இவர்கள் இருவரைத் தவிர, சின்னத்திரை தொகுப்பாளினி ரம்யா மற்றும் மலையாள நடிகை மாலா பார்வதிக்கு தான் இந்த படத்தில் அதிக காட்சிகள் இருக்கின்றன. நிறைவாக செய்திருக்கிறார்கள்.

பல கேள்விகள் இருந்தாலும், ஒரு நல்ல த்ரில்லர் பார்த்த உணர்வையே தருகிறது படம். கேம் ஓவரில் இருந்து மீண்டும் ஒரு புதிய கேமை தொடங்கியிருக்கிறார் டாப்சி...