ரெகார்ட் மேக்கர்: உலகளவில் 300 கோடி வசூல் சாதனை படைத்த ரஜினியின் ஜெயிலர்

ஜெயிலர் - சூப்பர்ஸ்டார் ரஜினிகாந்த் நடித்துள்ள 169வது திரைப்படமாகும். இத்திரைப்படம் பெரிய அளவில் தமிழ் சினிமா ரசிகர்கள் மத்தியில் கொண்டாடப்பட்டு வருகிறது. இயக்குனர் நெல்சன் திலீப் குமார் இயக்கத்தில், இசையமைப்பாளர் அனிருத் ரவிச்சந்தர் இசையில், சன் பிக்சர்ஸ் நிறுவனம் தயாரிப்பில் உருவாகியுள்ள இப்படம் தமிழக பாக்ஸ் ஆபிஸ்-ல் பட்டைய கிளப்பி வருகிறது. இப்படத்தின் சுவாரஸ்ய தகவல்கள் மற்றும் பாக்ஸ் ஆபிஸ் கலெக்ஷன்ஸ் பற்றிய முழு விவரங்கள் இங்கு உள்ளன.

கமர்ஷியலான ஒரு அதிரடி திரைப்படத்தின் கதைக்கரு தான், ஜெயிலர். தனது மகனை கொன்றவர்களை பழிவாங்க துடிக்கும் ஒரு தந்தையின் அதிரடி படமாக இப்படம் உருவாகி உள்ளது. சிலை கடத்தல், ரௌடிசம், எமோஷன் என பல விஷயங்களை உள்ளடக்கிய ஒரு ஆக்ஷன் திரில்லர் படம் தான், ரஜினிகாந்த நடித்துள்ள ஜெயிலர்.

இக்கால இளைஞர்கள் மற்றும் ரஜினியின் ரசிகர்கள் என அனைவரையும் கவரும் ஒரு படமாக ஜெயிலர் திரைப்படம், தமிழ் சினிமாவில் ஹிட் அடித்துள்ளது. தோல்வி பட இயக்குனர் என பெயர் பெற்ற நெல்சன் இயக்கத்தில் உருவாகியுள்ள இப்படம் தற்போது உலகளவில் வசூல் ரீதியாக ரசிகர்கள் மத்தியில் கொண்டாடப்படுகிறது. கதை, ஆக்ஷன் காட்சிகள், இசை, படக்குழு தேர்வு, நட்சத்திரங்கள் என பல அம்சங்களில் இப்படம் பெரிய அளவில் சாதனை படைத்திருக்கிறது. விமர்சனம் மற்றும் வசூல் ரீதியாக ஜெயிலர் திரைப்படம் வெற்றி படமாக ஜொலிக்கிறது.

ஜெயிலர் திரைப்படம் ரிலீஸான முதல் நாளில் மட்டும் உலகளவில் 97 கோடி வசூல் செய்து சாதனை படைத்திருக்கிறது. இப்படம் தமிழகத்தில் மட்டும் ரிலீஸான முதல் நாளில் 29.5 கோடிகள் வசூல் செய்துள்ளது. இந்த ஆண்டு 2023ல் அதிக முதல் நாள் வசூல் படைத்த தமிழ் படங்களின் பட்டியலில் ஜெயிலர் திரைப்படம் முதல் இடத்தில் உள்ளது. மொத்தமாக அஜித் குமார் நடித்துள்ள வலிமை திரைப்படம் 34 கோடிகள் வசூல் செய்து முதலிடத்தில் உள்ளது.

ஜெயிலர் திரைப்படம் ரிலீஸான இரண்டு தினங்களில் 100 கோடிகள் வசூல் கடந்து சாதனை படைத்திருக்கிறது. வசூல் ரீதியாக ஜெயிலர் வெற்றியை உறுதி செய்து ரசிகர்கள் மத்தியில் கொண்டாடப்படுகிறது. இப்படத்திற்கு எழுந்துள்ள பிரமாண்ட வரவேற்பு வசூல் ரீதியாக தென்னிந்திய திரையுலகில் பல சாதனைகள் படைத்து வருகிறது.

2.0, கபாலி திரைப்படத்திற்கு பின் சூப்பர் ஸ்டார் ரஜினிகாந்த் நடித்துள்ள ஜெயிலர் திரைப்படம் 300 கோடி வசூல் சாதனை படைத்து கொண்டாடப்பட்டு வருகிறது. வசூலில் நான் நாயகன் என தன்னை மீண்டும் நிருபித்துள்ளார், ரஜினிகாந்த். ரிலீசான 4 தினங்களில் 300 கோடி வசூலித்து பெரிய அளவில் வசூல் சாதனை படைத்திருக்கிறது, ஜெயிலர். விரைவில் இப்படம் பல படங்களின் வசூல் சாதனைகளை தட்டி தூக்கும் என எதிர்பார்க்கப்படுகிறது.