இந்த ஆண்டு 2022ல் ‘தல‘ தீபாவளி கொண்டாடும் பிரபலங்கள்

பல ஆண்டுகளாக காதலித்து வந்த காதல் ஜோடியான நயன்தாரா மற்றும் விக்னேஷ் சிவனும் ஜூன் மாதம் 9ந் தேதி பல நட்சத்திரங்கள் முன்னிலையில் காதல் திருமணம் செய்து கொண்டனர். பல கோவில்களிலிருந்து வரவழைக்கப்பட்ட புரோகிதர்கள் வேத மந்திரம் ஓத திருமணம் நடைபெற்றது. இவர்களின் திருமண வீடியோவை நெட்பிளிக்ஸ் விரைவில் வெளியிட உள்ளது. இவர்கள் திருமணமான 4 மாதத்தில் வாடகைத்தாய் முறையில் பெற்றோர்களாகி உள்ளனர். நயன்தாரா - விக்னேஷ் சிவன் ஜோடி இந்த ஆண்டு தடபுடலாக தல தீபாவளி கொண்டாடவுள்ளனர்.

பிரபல தெலுங்கு மற்றும் தமிழ் சினிமா நட்சத்திரங்களான நடிகர் ஆதி & நடிகை நிக்கி கல்ராணி இருவரும் இந்த ஆண்டு காதல் திருமணம் செய்து கொண்டனர். சென்னையில் உள்ள நட்சத்திர ஓட்டலில் இவர்களது திருமணம் மே மாதம் தடபுடலாக நடந்தது. இதில் உறவினர்கள், நெருங்கிய நண்பர்கள் கலந்துகொண்டனர். மெஹந்தி, சங்கீத், திருமண புகைப்படம் என பல சடங்குகள் நடத்தப்பட்டன. ஆதி - நிக்கி கல்ராணி ஜோடிக்கு இந்த ஆண்டு தல தீபாவளி தான்.

ஹிந்தி (பாலிவுட்) திரையுலகின் முன்னணி முக்கிய நட்சத்திரங்களாக ஜொலிப்பவர் ஆலியா பட் மற்றும் ரன்பீர் கபூர். கடந்த ஏப்ரல் 14ஆம் நாள் கோலாகலமாக ஆலியா பட் - ரன்பீர் கபூர் இடையே திருமணம் நடைபெற்றது. ஆலியா பட் மற்றும் ரன்பீர் கபூரும் முதல் படத்தில் இணைந்து நடித்த போது காதலிக்கத் தொடங்கி இந்த ஆண்டு திருமணம் செய்து கொண்டனர். தற்போது நடிகை ஆலியா கர்ப்பமாக இருக்கிறார். இந்த பாலிவுட் நட்சத்திர தம்பதிகளுக்கு இந்த ஆண்டு தல தீபாவளி தான்.

தமிழ் சினிமாவின் முன்னணி தயாரிப்பாளர் ரவீந்தரன் மற்றும் சின்னத்திரை நடிகை மகாலட்சுமியும் செப்டம்பர் 1ந் தேதி திருப்பதியில் திருமணம் செய்து கொண்டனர். இவர்களது திருமணம் சோஷியல் மீடியாவையே திணற அடித்தது. யூடியூப், சேனல் என எங்கு பார்த்தாலும் இவர்கள் பற்றிய பேச்சுத்தான் இருந்தன. இந்த தம்பதிக்கும் இந்த ஆண்டு தல தீபாவளி.

தமிழ் சினிமாவின் முன்னணி இசையமைப்பாளரான டி இமான் இந்த ஆண்டு 2022ல் மே 15 ஆம் தேதி இரண்டாம் திருமணம் செய்து கொண்டார். இவர் அமலி என்பவரை இரண்டாம் திருமணம் செய்துள்ளார். இந்த தம்பதிக்கும் இந்த ஆண்டு தல தீபாவளி.

பிரபல தமிழ் சின்னத்திரை நடிகர்களான சித்து சித் மற்றும் ஷ்ரேயா இருவரும் 2021 நவம்பர் 22ல் காதல் திருமணம் செய்து கொண்டனர். இவர்கள் கலர்ஸ் தொலைக்காட்சியில் திருமணம் தொடரில் இணைந்து நடிக்கும் போதே காதலிக்க தொடங்கியுள்ளனர். ஷ்ரேயா தற்போது கர்ப்பமாக உள்ளார். இந்த தம்பதிகளுக்கு இந்த ஆண்டு தல தீபாவளி.

பிகில் படத்தில் நடித்து தமிழ் வெள்ளித்திரையில் பிரபலமானவர், நடிகை ரெபா மோனிகா ஜான். இவர் இந்த ஆண்டு 2022, ஜனவரி 09ல் ஜோசப் என்பவரை காதல் திருமணம் செய்து கொண்டார். இந்த தம்பதிகள் இந்த ஆண்டு தல தீபாவளி கொண்டாடுகின்றனர்.

விஜய் - அட்லீ கூட்டணியில் கடந்த 2019-ம் ஆண்டு ரிலீசான படம் பிகில். இப்படத்தில் விஜய் மகளிர் கால்பந்தாட்ட அணியின் பயிற்சியாளராக இருப்பார். அவரிடம் பயிற்சி பெறும் வீராங்கனைகளில் ஒருவராக நடிகை காயத்ரி ரெட்டி நடித்துள்ளார். பின் இவர் நடிகர் அர்ஜுன் தொகுத்து வழங்கிய சர்வைவர் என்கிற ரியாலிட்டி ஷோவில் கலந்துகொண்டு அசத்தினார். காயத்திரி ரெட்டி தனது காதலனை கரம் பிடித்துள்ளார். இந்த காதல் ஜோடி தம்பதிக்கு இந்த வருடம் தல தீபாவளி தான்.

சின்னத்திரை விஜய் தொலைக்காட்சியில் ஒளிபரப்பான 'குக் வித் கோமாளி' நிகழ்ச்சி மூலம் பெரிய அளவில் பிரபலமானவர், புகழ். இவர் பல படங்களில் தற்போது நடித்து வருகிறார். இவருக்கு இந்த ஆண்டு 2022ல் காதல் திருமணம் நடந்துள்ளது. இவர் தான் காதலித்த பேன்ஸி ரியா என்பவரை திருமணம் செய்துள்ளார். இந்த தம்பதிகளுக்கு இந்த ஆண்டு தல தீபாவளி.