வருடத்திற்கு 50 படங்களுக்கு மேல் மியூசிக் ... இசைஞானி இளையராஜா இசையமைத்த முதல் 500 மைல்ஸ்டோன் லிஸ்ட்!!

தேனி மாவட்டத்தில் பிறந்த இசைஞானி இளையராஜா தனது இமாலய கனவுக்காக சென்னையில் பல தயாரிப்பு நிறுவனங்கள், திரைப்பட பிரபலலங்கள் என பலரின் அறிமுகம் பெற்று தனது திறமையின் மூலம் ஒரு வாய்ப்பினை அடைந்து தற்போது இசை உலகில் மிக பெரிய பிரபலமாக சிம்மாசனம் அமைந்து வாழ்ந்து வருகிறார். 1976ல் தமிழ் சினிமாவில் இசையமைப்பாளராக அறிமுகமான இளையராஜா, இன்றும் புகழின் உச்சத்தில் கொடிகட்டி பறந்து வருகிறார்.

1976 ஆம் ஆண்டு வெளியான திரைப்படமான 'அன்னக்கிளி' திரைப்படத்தின் மூலம் இளையராஜா இசையமைப்பாளராக அறிமுகமானவர். இப்படத்தில் சிவகுமார் & சுஜாதா முன்னணி கதாபாத்திரத்தில் நடிக்க, தேவராஜ் - மோகன் இயக்கியுள்ளார். இப்படத்தில் இளையராஜா இசையமைத்த அடி ராக்காயி, மச்சான பாத்தீங்களா, சொந்தம் இல்லை ஆகிய திரைப்பாடல்கள் பெரிய அளவில் மக்களின் மனதை கவர்ந்து, இளையராஜாவின் திறமையை பட்டி தொட்டி என பல இடங்களுக்கு கொண்டு சென்று பிரபலமாக்கியது.

1976 ஆம் ஆண்டு 'அன்னக்கிளி' படத்தின் மூலம் இசையமைப்பாளராக அறிமுகமான இளையராஜா, 1976 ஆம் ஆண்டு 'மூடுபடி' படத்திற்கு இசையமைத்து, இசையமைப்பாளராக தனது 100வது படத்திற்கு இசையமைத்துள்ளார்.

இயக்குனர் பாலு மகேந்திரா இயக்கத்தில் ஷோபா, பிரதாப் போத்தன் என பலர் நடித்திருக்கும் திரில்லர் திரைப்படம், மூடுபடி. இப்படத்தில் இடம் பெற்றுள்ள பாடல்கள், பின்னணி இசை இன்றும் பலர் மத்தியில் கொண்டாடப்பட்டு வருகிறது. என் இனிய பொன் நிலவே, கல்யாண ராமன், ஆசை ராஜா ஆகிய திரைப்பாடல்கள் புகழ் பெற்ற பாடல்கள் ஆகும்.

1976ல் திரைப்பயணத்தை தொடங்கிய இளையராஜா, 3 ஆண்டுகளில் 1979ல் தனது 100 படங்களை கடந்துள்ளார்.

திரைத்துறையில் அறிமுகமான ஆறே ஆண்டுகளில் இசைஞானி இளையராஜா 200 படங்களுக்கு இசையமைத்து சாதனை படைத்துள்ளார். தனி நபராக அந்த காலகட்டத்தில் பல படங்களில் தொடர்ந்து இசையமைப்பாளராக பணியாற்றி பெரிய அளவில் மக்கள் மற்றும் திரைத்துறையினர் மத்தியில் பல வரவேற்புகள் பெற்றுள்ளார், இளையராஜா.

இளையராஜாவின் 200வது திரைப்படம் 'பயணங்கள் முடிவதில்லை' என்ற தமிழ் படம் ஆகும். இப்படத்தில் மைக் மோகன், பூர்ணிமா என பலர் நடிக்க, ஆர் சுந்தர்ராஜன் இயக்குனராக பணியாற்றி உள்ளார். இந்த படத்தில் இடம் பெற்றுள்ள ஹே ஆத்தா, இளைய நிலா, வைகறையில், என பல பாடல்கள் பிரபல பாடல்கள் ஆகும்.

1982 ஆம் ஆண்டில் இருந்து 1984 ஆம் ஆண்டில் 200 முதல் 300 படங்களுக்கு இசையமைத்து, இளையராஜா 2 ஆண்டுகளில் 100 படங்களுக்கு இசையமைத்து சாதனை படைத்துள்ளார். தொடர்ந்து பல படங்கள், பாடல்கள் என தனது சிந்தனையை சுரபியாக பல படங்களில் பல்வேறு சந்தர்ப்பங்கள் உள்ள திரைக்கதைக்கு ஏற்றவாறு பல வெற்றி பாடல்கள் அளித்துள்ளார், இளையராஜா.

1984ல் 'உதயகீதம்' என்ற படத்திற்கு இசையமைத்த இளையராஜா, இசையமைப்பாளராக தனது 300 படங்களை நிறைவு அடைந்துள்ளார். உதகீதம் என்ற படத்தில் மைக் மோகன், ரேவதி, லட்சுமி என பலர் நடிக்க சங்கீத மேகம், பாடு நிலாவே, ௭ன்னோடு பாட்டுப் பாடுங்கள், தேனே தென்பாண்டி மீனே, என பல வெற்றி பாடல்களுக்கு இசையமைத்து பலருக்கு ஆஸ்தான இசையமைப்பாளராக பிரபலமானவர், இளையராஜா.

இயக்குனர் மணி ரத்னம் தமிழ் சினிமாவில் ஆஸ்தான இயக்குனர் ஆவார். இன்றைய பல இயக்குனர்களுக்கு ஒரு எடுத்துக்காட்டாக இருப்பவர், மணி ரத்னம். இசை உலகில் ஒரு சாம்ராஜ்யம் படைத்த இசைஞானி இளையராஜா திரைப்பயணத்தில், இவர் இசையமைக்கும் 400வது படமானது மணிரத்னம் இயக்கிய 'நாயகன்' திரைப்படம் ஆகும்.

இன்றும் தமிழ் சினிமாவில் ஒரு டான் & கேங்ஸ்டர் படங்களுக்கு உதாரணமாக இருக்கக்கூடிய படம், நாயகன். இப்படத்தில் கமல் ஹாசன் நடித்து கலக்கியுள்ளார். இப்படத்தில் இடம் பெற்றுள்ள நான் சிரித்தால் தீபாவளி, நீ ஒரு காதல் சங்கீதம், அந்திமழை மேகம், நிலா அது வானத்து மேலே மற்றும் தென்பாண்டி சீமையிலே ஆகிய திரைப்பாடல்கள் ரசிகர்கள் கொண்டாடிய பாடல்கள் ஆகும்.

இசைஞானி இளையராஜா இசையமைத்துள்ள 500 வது திரைப்படம், இயக்குனர் மணி ரத்னம் இயக்கத்தில் ரகுவரன், ரேவதி நடித்துள்ள 'அஞ்சலி' திரைப்படம் ஆகும். இப்படம் 1990ல் வெளியான சூப்பர் ஹிட் தமிழ் திரைப்படமாகும்.

அஞ்சலி படத்தில் இடம் பெற்றுள்ள வானம் நமக்கு, அஞ்சலி அஞ்சலி, மொட்ட மாடி, இரவு நிலவு ஆகிய பாடல்கள் சூப்பர் ஹிட் பாடங்கள் ஆகும்.

இசைஞானி  இளையராஜா தனது திரைப்பயண தொடக்கம் முதல் இன்று வரை கணக்கில்லாத வெற்றி பாடல்கள் அளித்து ரசிகர்கள் மத்தியில் கொண்டாடப்படுபவர். தமிழ் சினிமா மட்டுமில்லாமல் ஹிந்தி, தெலுங்கு, கன்னட, மலையாளம் என இந்திய சினிமா முழுவதும் இசை சாம்ராஜ்யம் படைத்து பிரபலமானவர்.

1976ல் அன்னக்கிளி படத்தின் மூலம் திரைப்பயணத்தை தொடங்கிய இளையராஜா, 1990ல் அஞ்சலி படத்திற்கு இசையமைத்து 500 படங்களின் மைல்ஸ்டோன் கடந்துள்ளர். இசையுலகில் தனி நபராக ஆளுமை படைத்து பிரபலமானவர், இசைஞானி. 1988 ஆம் ஆண்டு முதல் 1992 ஆம் ஆண்டுகள் வரை இளையராஜா ஒவ்வொரு வருடமும் 50 திரைப்படத்திற்கு மேல் இசையமைத்து சாதனை படைத்துள்ளார். இசை மூலம் தமிழ் சினிமாவில் மட்டுமில்லாமல் இந்திய சினிமாவில் ஒரு அதிசயத்தை நிகழ்த்தியவர், இளையராஜா என்ற இசைஞானி & இசை ராஜா.