ஜப்பான், ஜிகர்தண்டா 2, ரெய்டு & கிடா: இந்த வாரம் ரிலீஸான தமிழ் படங்களில் பெஸ்ட் மூவி எது தெரியுமா?

ஜப்பான் - இயக்குனர் ராஜு முருகன் இயக்கத்தில் கார்த்தி, அனு இமானுவேல், கே எஸ் ரவிக்குமார், சுனில், ஜித்தன் ரமேஷ் என பல தமிழ் திரைப்பட நட்சத்திரங்கள் நடித்திருக்கும் அதிரடி - திரில்லர் & கிரைம் திரைப்படம். இப்படத்தினை தயாரிப்பாளர் எஸ் ஆர் பிரபு & எஸ் ஆர் பிரகாஷ் பாபு இணைந்து 'ட்ரீம் வாரியார் பிக்சர்ஸ்' நிறுவனத்தின் மூலம் தயாரிக்க, இசையமைப்பாளர் ஜி வி பிரகாஷ் குமார் இசையமைத்துள்ளார்.

ஜப்பான் திரைப்படம் 2023 தீபாவளி பண்டிகை முன்னிட்டு உலகம் முழுவதும் திரையில் வெளியாகிறது. இப்படத்தின் தமிழக திரைப்பட தணிக்கை குழு 'யு/ஏ' சான்றிதழ் அளித்துள்ளது. இப்படம் நடிகர் கார்த்தியின் திரைவாழ்வில் இவர் நடிக்கும் 25வது திரைப்படமாகும்.

ஜிகர்தண்டா டபுள் எக்ஸ் (ஜிகர்தண்டா 2) - இயக்குனர் கார்த்திக் சுப்பராஜ் இயக்கத்தில் ராகவா லாரென்ஸ், எஸ் ஜே சூர்யா, நிமிஷா சஜயன் என பலர் தமிழ் திரைப்பட முன்னணி நட்சத்திரங்கள் நடித்திருக்கும் அதிரடி - திரில்லர் திரைப்படம். இப்படத்தின் இயக்குனர் கார்த்திக் சுப்பராஜ் தன் ஸ்டோன் பெஞ்ச் பிலிம்ஸ் தயாரிப்பு நிறுவனத்தின் மூலம் இப்படத்தினை தயாரிக்கிறார், இசையமைப்பாளர் சந்தோஷ் நாராயணன் இசையமைத்துள்ளார்.

ஜிகர்தண்டா டபுள் X (ஜிகர்தண்டா 2) திரைப்படத்திற்கு தமிழக திரைப்பட தணிக்கை குழு 'யு/ஏ' சான்றிதழ் அளித்துள்ளது. இப்படம் 2023 தீபாவளி பண்டிகை முன்னிட்டு உலகமெங்கும் திரைக்கு வருகிறது. இப்படத்தினை தமிழகம் முழுவதும் உதயநிதி ஸ்டாலினின் 'ரெட் ஜெயண்ட் மூவிஸ்' நிறுவனம் விநியோகம் செய்துள்ளது.

ரெய்டு - அறிமுக இயக்குனர் கார்த்தி இயக்கத்தில் விக்ரம் பிரபு, ஸ்ரீ திவ்யா, ரிஷி ரித்விக் என பலர் நடித்திருக்கும் அதிரடி திரைப்படம். இப்படத்திற்கு இசையமைப்பாளர் சாம் சி எஸ் இசையமைத்துள்ளார். இப்படம் கன்னட சினிமாவில் ஷிவ் ராஜ்குமார் நடிப்பில் வெளியான 'தகரு' படத்தின் தமிழ் ரீமேக் படமாகும்.

கிடா - இயக்குனர் ரா வெங்கட் இயக்கத்தில் பூ ராம், காளி வெங்கட் என பலர் நடித்திருக்கும் திரைப்படம். இப்படத்தினை தயாரிப்பாளர் ரவி கிஷோர் தயாரிக்க, இசையமைப்பாளர் தீசன் இசையமைத்துள்ளார்.

கார்த்தி (ஜப்பான்) சிறுவயதில் இருந்து கொள்ளையடிப்பதில் கைதேர்ந்தவர். நகை கடைகளை ஓட்டை போட்டு கொள்ளையடித்து வருகிறார் என காவலர்களிடம் ஒரு ரிப்போர்ட் உள்ளது. இந்தியாவில் பல இடங்களில் கொள்ளையடித்துள்ள கார்த்தி, பல மாநில காவலர்களால் தேடப்பட்டு வருகிறார்.

கோவையில் உள்ள ராயல் தங்க கடையில் சுவரை உடைத்து ஓட்டை போட்டு சில 200 கோடி மதிப்புள்ள நகைகளை கொள்ளையடிக்கின்றனர். இதனை ஆராயும் காவலர்கள், இது ஜப்பான் திருட்டை போல் உள்ளது என ஜப்பான் தேட தொடங்குகின்றனர்.

ஒரு கட்டத்தில் போலீஸிடம் சிக்கும் நாயகன் கார்த்தி, இந்த திருட்டை செய்தது நான் இல்லை. வேறு ஒருவன் தன்னை இதில் மாட்டிவிட்டுள்ளார் என கூறுகிறார். உண்மையில் இந்த திருட்டை செய்வது யார்? கார்த்தி கூறும் அந்த நபர் யார்? கார்த்தி கொள்ளையடித்துள்ள நகைகள் எங்கே? என்பதே இப்படத்தின் கதை.

ராகவா லாரென்ஸ் (சீசர்) ஒரு கேங்ஸ்டர். தமிழகத்தில் ஷைன் டாம் சாக்கோ மிகப்பெரிய நடிகர் மற்றும் அரசியல்வாதியாக உள்ளார். இவருக்கும் நான்கு ரௌடிகள் கைவசம் உள்ளனர். எதிர் கட்சி தலைவரான இளவரசு ஷைன் டாம் சாக்கோ-வை தோற்கடிக்க அவருக்கு பக்கபலமாக இருக்கும் நான்கு ரௌடிகளை கொலை செய்ய ரகசிய முடிவை எடுக்கிறார். அதில் ஒருவர் தான் மதுரையை சேர்ந்த சீசர் (ராகவா லாரென்ஸ்).

எஸ்.ஐ தேர்வில் தேர்ச்சி பெற்றுள்ள எஸ் ஜே சூர்யா, இரு சிக்கலில் சிக்கி கொலை பழி ஏற்கிறார். இதிலிருந்து தப்ப இவருக்கு காவலர்களால் ஒரு ரகசிய திட்டம் வருகிறது. மதுரையில் இருக்கும் ரௌடியான சீசரை கொலை செய்தால், இவருக்கும் போலீஸ் வேலையும், விடுதலையும் கிடைக்கும் என்கின்றனர், காவலர்கள்.

ராகவா லாரென்ஸ்-ற்கு சினிமா நடிகராக வேண்டும் என கனவு. அதனை பயன்படுத்தி ஒரு இயக்குனராக லாரென்ஸ் அறிமுகம் பெற்று, அவருடன் பயணிக்கிறார், எஸ் ஜே சூர்யா. இறுதியில் என்ன ஆனது? என்பதே படத்தின் கதை.

நேர்மையான போலீஸ் அதிகாரியாக இருக்கும் விக்ரம் பிரபு, சில ரௌடிகளால் தனது மனைவி ஸ்ரீதிவ்யா-வை இழக்கிறார். மீண்டும் ஸ்ரீதிவ்யாவின் தங்கையை ரௌடிகள் குறிவைத்துள்ளனர் என அறியும் விக்ரம் பிரபு தனது குடும்பத்தை எப்படி காப்பாற்றுகிறார், என்பதே படத்தின் கதை.

தீபாவளி பண்டிகையை பேரனுடன் கொண்டாட நிணைக்கும் தாத்தா, பேரனுக்கு புது துணி மற்றும் தீபாவளி பொருட்களை வாங்க எப்படி போராடுகிறார் என்னும் நேர்த்தியான உணர்ச்சிபூர்வமான கதைக்களத்தில் கிடா படம் உருவாகியுள்ளது. தீபாவளி பண்டிகைக்கு ஒரு கிடா வாங்கி தான் ஒரு முதலாளி ஆக வேண்டும் என்னும் கனவோடு திரியும் காளி வெங்கட். பூ ராம் மற்றும் காளி வெங்கட்-ன் பயணம் தான் கிடா படத்தின் கதை.

இந்த வாரம் நவம்பர் 10ல் தமிழ் சினிமாவில் தீபாவளி சிறப்பு படங்களாக திரையரங்கில் வெளியான தமிழ் திரைப்படங்களில் கதை மற்றும் தகவல்கள் இங்கு உள்ளன. மேலும் இந்த வாரம் ரிலீஸான படங்களில் சிறந்த படம் என்ன என்பதும் இங்கு உள்ளது. இந்த பட்டியல் கதை மற்றும் படங்களுக்கு ரசிகர்கள் எவ்வாறு வரவேர்த்துள்ளனர் என்பதனை அடிப்படையாக கொண்டு உருவாக்கப்பட்டுள்ளது. நடிகர் கார்த்தி நடித்துள்ள ஜப்பான், ராகவா லாரென்ஸ் & எஸ் ஜே சூர்யா நடித்துள்ள ஜிகர்தண்டா டபுள் X, விக்ரம் பிரபு நடித்துள்ள ரெய்டு மற்றும் காளி வெங்கட் நடித்திருக்கும் கிடா ஆகிய படங்களில் சிறந்த படம் எது? என இங்கு உள்ளன. இதோ.

இந்த வாரம் வெளியான ஜப்பான், ஜிகர்தண்டா 2, ரெய்டு, கிடா ஆகிய படங்களில் சிறந்த படமாக ஜிகர்தண்டா டபுள் X திரைப்படம் வெற்றி வாகை சூடியுள்ளது. விமர்சனம் மற்றும் வசூல் என ரசிகர்கள் மத்தியில் ஜிகர்தண்டா கொண்டாடப்பட்டு, 2023 தீபாவளி வின்னர் படமாக ஜிகர்தண்டா டபுள் X புகழ் பெற்றுள்ளது.

இந்த வார ரிலீஸான ஜப்பான் & கிடா படங்கள் விமர்சனம் ரீதியாக சரிவை கண்டுள்ளது. மேலும் கிடா படம் விமர்சனம் ரீதியாக நல்ல வரவேற்பை பெற்றிருந்தாலும், வசூல் ரீதியாக ரசிகர்கள் மத்தியில் வரவேற்பை பெற தவறியுள்ளது. அதனால் விமர்சனம் & வசூல் என இரு தரப்பிலும் ஜிகர்தண்டா டபுள் X திரைப்படம் வரவேற்பை பெற்றுள்ள நிலையில், இப்படம் இந்த வார பெஸ்ட் படமாக வாகை சூடுகிறது.