Mazhai Pidikatha Manithan OTT: ப்ரோமோஷன் இல்லாமல் ஓடிடியில் வெளியானது 'மழை பிடிக்காத மனிதன்'

மழை பிடிக்காத மனிதன் இயக்குனர் விஜய் மில்டன் இயக்கத்தில் விஜய் ஆன்டனி முன்னணி கதாபாத்திரத்தில் நடித்திருக்கும் அதிரடி - திரில்லர் திரைப்படம். இப்படத்தினை தயாரிப்பாளர் கமல் போஹ்ரா தயாரிக்க, இசையமைப்பாளர் விஜய் ஆன்டனி மாற்றும் இசையமைப்பாளர் அச்சு ராஜாமணி இணைந்து இசையமைத்துள்ளனர்.

அதிரடி- திரில்லர் படமாக உருவாகியுள்ள 'மழை பிடிக்காத மனிதன்' திரைப்படத்திற்கு ஒளிப்பதிவாளராக இப்படத்தின் இயக்குனர் விஜய் மில்டன் ஒளிப்பதிவு செய்ய, படத்தொகுப்பாளர் பிரவீன் கே எல் எடிட்டிங் செய்துள்ளார்.

மழை பிடிக்காத மனிதன் திரைப்படத்தில் விஜய் ஆன்டனி முன்னணி கதாபாத்திரத்தில் நடிக்க, இவருடன் இணைந்து சரத்குமார், சத்யராஜ், சரண்யா பொன்வண்ணன், தலைவாசல் விஜய், முரளி சர்மா என பல சினிமா நட்சத்திரங்கள் நடித்துள்ளனர்.

விஜய் ஆன்டனி இந்தியாவில் ரகசிய உளவாளியாக பணியாற்றி வருகிறார். விஜய் ஆன்டனி தனது மேல் அதிகாரியான சரத் குமாரின் தங்கையை காதல் திருமணம் செய்து கொள்கிறார். விஜய் ஆன்டனியால் பாதிக்கப்பட்ட அரசியல்வாதி இவரை பழிவாங்க விஜய் ஆன்டனி, அவரது மனைவி மற்றும் நண்பர்கள் என அனைவரையும் கொலை செய்கிறார்.

அதிலிருந்து தப்பித்த விஜய் ஆன்டனியை ரகசியமாக சரத் குமார் அந்தமான் தீவிற்கு அழைத்து சென்று மறந்து வாழ ஏற்பாடுகள் செய்கிறார். அந்தமான் தீவில் சாதாரண மனிதராக வாழும் விஜய் ஆன்டனியை தேடி பிச்சனைகள் வர தொடங்குகிறது.

அந்தமான் தீவில் இவருடன் பழகும் மனிதர்களுக்கு வரும் பிரச்சனை, அதனை எதிர்க்கும் விஜய் ஆன்டனி பின் இந்தியாவில் இருந்து விஜய் ஆன்டனியை தேடி வரும் பிரச்சனை என அதிரடி - திரில்லர் மற்றும் சஸ்பென்ஸ் திரைப்படமாக இப்படத்தினை இயக்கியுள்ளார், விஜய் மில்டன். இனி என்ன நடக்க போகிறது என்பதே இப்படத்தின் கதைக்களம்

மழை பிடிக்காத மனிதன் திரைப்படம் வெளியாகி ரசிகர்கள் மத்தியில் பெரிய அளவில் கொண்டாடப்படவில்லை. இப்படத்தில் இடம்பெற்றுள்ள குழப்பம் நிறைந்த காட்சிகள் மற்றும் நேர்த்தியான திரைக்கதை வடிவமைப்பு இல்லாததே இந்த படத்தின் தோல்விக்கு முக்கிய காரணம் ஆகும். திரைக்கதை, வசனங்கள் என பல இடங்களில் இப்படத்தின் படக்குழு சொதப்பியதை தொடர்ந்து, எடிட்டிங் ரீதியாகவும் இப்படத்தினை சொதப்பியுள்ளனர், படக்குழுவினர். இப்படத்திற்கு ரசிகர்கள் மத்தியில் சராசரியாக (2.5/5) ரேட்டிங் அளிக்கப்பட்டுள்ளது.

மழை பிடிக்காத மனிதன் திரைப்படம் பெரிய அளவில் பேசப்படாததிற்கு முக்கிய காரணம் இப்படத்தின் படக்குழு மத்தியில் ஏற்பட்ட குழப்பங்கள் தான். இப்படத்தினை இயக்குனர் விஜய் மில்டன் தனது கற்பனைக்கு ஏற்ப திரைக்கதை வடிவமைத்து உருவாக்கியுள்ளார், ஆனால் இப்படத்தின் திரைக்கதையில் திருப்தி அடையாத படத்தின் குழுவில் இருக்கும் முக்கிய நபர், இப்படத்தின் சென்சார் ஆனதிற்கு பின் இப்படத்தினை வேறு ஒரு வடிவத்தில் மாற்றி அமைத்து உள்ளார். எடிட்டிங் ரீதியில் பெரிய குழப்பதியில் இருந்த இப்படம், இறுதியில் திரையரங்கில் வெளியாகி ரசிகர்கள் மத்தியில் பேசப்படவில்லை.

இன்னும் இப்படத்தினை மாற்றி எடிட் செய்ய நபர் பற்றிய எந்த தகவலும் அதிகாரபூர்வமாக வெளியாகவில்லை.

மழை பிடிக்காத மனிதன் திரைப்படத்தின் ஓடிடி டிஜிட்டல் ஸ்ட்ரீமிங் உரிமையை 'அமேசான் பிரைம் வீடியோ' நிறுவனம் கைப்பற்றியுள்ளது. இப்படத்தினை எந்த ஒரு முன் அறிவிப்புகள் மற்றும் ப்ரோமோஷன் இல்லாமல் திடீரென அமேசான் ஓடிடியில் ஸ்ட்ரீமிங் செய்துள்ளனர், படக்குழுவினர். மழை பிடிக்காத மனிதன் திரைப்படம் 2024 ஆகஸ்ட் 16ல் அமேசான் ஓடிடி தளத்தில் ஸ்ட்ரீமிங் ஆகியுள்ளது.