టాలీవుడ్ టాప్ హీరోలా లైనప్ మూవీస్ 2023 నుంచి 2026 వరకు

Author Administrator | Updated: Wednesday, June 7, 2023, 10:48 PM [IST]

వరుస లైనప్స్‌తో టాలీవుడ్ టాప్ హీరోలు బిజీగా ఉన్నారు. 2023 నుంచి 2026 వరకు ఎవరు, ఎవరితో సినిమా చేయటం అనేది అన్ని సెట్ చేసుకున్నారు. కొందరు హీరోలైతే ఇదివరకెప్పుడూ లేనంత బిజీగా ఉండబోతున్నారు. తెలుగు సినీ ప్రేక్షకులు తమ అభిమాన హీరోలా సినిమాలు చూసేందుకు ఎప్పుడు ఆసక్తిగా ఎదురుచూస్తున్నారు. తమ అభిమాన హీరో, బ్లాక్ బాస్టర్ హిట్స్ కొట్టిన డైరెక్టర్ తో సినిమా అంటే చూసేందుకు ఎంత ఆసక్తిగా ఎదురుచూస్తారనేది చెప్పనక్కర్లేదు. కొంతమంది హీరోలు అద్భుతమైన రాబోయే సినిమాలు వరుసలో ఉన్నారు, మరికొందరు మంచి సినిమాలు రాబోతున్నారు, కొంతమంది హీరోలు 3-4 సినిమాలు వరుసలో ఉన్నారు, మరికొందరు 1-2 సినిమాలు వరుసలో ఉన్నారు. 2023 నుండి 2026 వరకు రాబోయే 3 సంవత్సరాలలో టాలీవుడ్ హీరోల మాస్ లైన్-అప్ మరియు రాబోయే సినిమాలు

உள்ளடக்கப்பட்டியல்

ప్ర‌స్తుతం ప్ర‌భాస్ ఐదు సినిమాల్లో న‌టిస్తున్నాడు. టాలీవుడ్ స్టార్స్‌లో అంద‌రికంటే ఎక్కువ‌గా బిజీగా ఉన్నారు ప్ర‌భాస్‌. ఏడాదికి ఒక సినిమా చొప్పున 20 ఏళ్ల కెరీర్‌లో కేవ‌లం ఇర‌వై సినిమాలు మాత్ర‌మే చేశాడు ప్ర‌భాస్‌. ఒకేసారి త‌న సినిమాల స్పీడును పెంచి అభిమానుల‌ను స‌ర్‌ప్రైజ్ చేశారు. మొదట ఆదిపురుష్ సినిమా జూన్ 16న రిలీజ్ కానుంది. కేజీఎఫ్ ఫేమ్ ప్ర‌శాంత్ నీల్ ద‌ర్శ‌క‌త్వంలో స‌లార్ సినిమా చేస్తోన్నాడు ఈ సినిమా సెప్టెంబ‌ర్ 18న రిలీజ్ కానుంది. నాగ్ అశ్విన్ ద‌ర్శ‌క‌త్వంలో రూపొందుతోన్న ప్రాజెక్ట్ కే తో సంక్రాంతి కి ప్రేక్ష‌కుల ముందుకు రాబోతున్నాడు. వీటితో పాటుగా ద‌ర్శ‌కుడు మారుతితో కెరీర్‌లో తొలిసారి ఓ హార‌ర్ సినిమా చేయ‌బోతున్నాడు ప్ర‌భాస్‌. బాలీవుడ్ ద‌ర్శ‌కుడు సిద్ధార్థ్ ఆనంద్‌తో పాన్ ఇండియ‌న్ సినిమాకు గ్రీన్ సిగ్న‌ల్ ఇచ్చాడు.

மேலும் படிக்க

పవర్ స్టార్ పవన్ కళ్యాణ్ రీ ఎంట్రీలో వరుస సినిమాలు అనౌన్స్ చేస్తూ అభిమానులకు ఫుల్ కిక్ ఇస్తున్నాడు. ప్ర‌భాస్ త‌ర్వాత ప‌వ‌న్ క‌ళ్యాణ్ అత్య‌ధికంగా నాలుగు సినిమాల్ని లైన్‌లో పెట్టాడు. ప్రస్తుతం పవన్ హరి హర వీరమల్లు చిత్రీకరణలో ఉన్నాడు. హరీష్ శంకర్ తో ఉస్తాద్ భగత్ సింగ్ ఆ తరువాత సాహూ ఫేమ్ సుజిత్ OG సినిమాలను అనౌన్స్ చేసిన సంగతి తెలిసిందే. ఇప్పుడు వీటితో పాటు మరో మూవీని కూడా పట్టాలెక్కించేశాడు. స‌ముద్ర‌ఖ‌ని ద‌ర్శ‌క‌త్వంలో రూపొందుతోన్న వినోధ‌య సీత‌మ్‌లో దేవుడిగా ప‌వ‌న్ క‌ళ్యాణ్ క‌నిపించ‌బోతున్నారు.

மேலும் படிக்க

ఆర్ ఆర్ ఆర్ బ్లాక్ బాస్టర్ తర్వాత ఎన్టీఆర్‌ లైనప్ మూవీస్ మాములుగా లెవ్.. తారక్ ఇప్పుడు నాన్ స్టాప్ సినిమాలు చేయాలని డిసైడ్ అయ్యాడు. కొర‌టాల శివ‌ దర్శకత్వం లో ఎన్టీఆర్ 30 వస్తోంది. ఈ సినిమా పోస్టర్స్ అందరిలో అంచనాలు పెంచేసాయి. కేజీఎఫ్ ఫేమ్ ప్ర‌శాంత్ నీల్ ద‌ర్శ‌క‌త్వంలో ఎన్టీఆర్ 31 మూవీ గురించి సినీ ప్రేక్షకుల లో వున్నా అంచనాలు మాములుగా లేవు. ఇంకా త్రివిక్రమ్ , అట్లీ , వేట్రి మారన్, సంజయ్ లీలా భన్సాలీ, లోకేష్ కనగరాజ్ దర్శకత్వం లో సినిమాలు వుంటాయని మాత్రం సోషల్ మీడియాలో తెగ వైరల్ అవుతుంది.

மேலும் படிக்க

మాస్ మహారాజ్ రవితేజ లైనప్ లో రాబోతున్న కొత్త సినిమా రావణాసుర. డిఫరెంట్ సబ్జెక్ట్ టచ్ చేస్తూ మాస్ ఆడియన్స్‌కి కిక్కిచ్చే పాత్ర పోషిస్తున్నారు. మాస్ ఆడియన్స్ కోరుకునే కథాంశంతో ఈ సినిమా తెరకెక్కుతోందని, అన్ని జాగ్రత్తలు తీసుకొని ఈ మూవీని గ్రాండ్ గా రూపొందిస్తున్నారని సమాచారం. చిత్రంలో సుశాంత్ కీలక పాత్రలో కనిపించనుండటం ఆసక్తికర అంశం. టైగ‌ర్ నాగేశ్వ‌ర‌రావుతో పాటు మ‌రో సినిమాతో ప్రేక్ష‌కుల ముందుకొచ్చేందుకు ర‌వితేజ ప్లాన్స్ చేస్తోన్నాడు.

மேலும் படிக்க

రామ్ చరణ్ తేజ్ ట్రిపుల్ ఆర్ వంటి పాన్ ఇండియా సినిమా తర్వాత మరింత జోష్ పెంచేసాడు. ప్రస్తుతం చరణ్ RC15 చేస్తున్నాడు.అగ్ర డైరెక్టర్ శంకర్ దర్శకత్వంలో ఈ సినిమా తెరకెక్కుతుంది. రామ్ చరణ్ తన 16వ సినిమాను యంగ్ డైరెక్టర్ బుచ్చిబాబు సానాతో చేయనున్నారు. ఈ సినిమా కూడా పాన్ ఇండియా స్థాయిలో రానుంది. ఇక లేటెస్ట్ బజ్ ప్రకారం ఈ సినిమా ఈ సంవత్సరం ఎండింగ్‌లో అంటే నవంబర్ చివరి వారంలో మొదలుకానుందని తెలుస్తోంది

மேலும் படிக்க

విజ‌య్ దేవ‌ర‌కొండ లైనప్ మామూలు లేదు. ప్ర‌స్తుతం మూడు సినిమాలు చేస్తోన్నాడు. శివ నిర్వాణ ద‌ర్శ‌క‌త్వం లో ఖుషి సినిమా రూపొందుతోంది. ఈ సినిమాలో విజ‌య్‌, స‌మంత నటిస్తున్నారు. ర్సీ ఫేమ్ గౌత‌మ్ తిన్న‌నూరితో గూఢ‌చార నేప‌థ్య సినిమాకు గ్రీన్ సిగ్న‌ల్ ఇచ్చాడు విజ‌య్‌. అలాగే గీత‌గోవింద త‌ర్వాత ప‌ర‌శురామ్‌తో ఓ సినిమా చేయ‌బోతున్న‌ట్లు ఇటీవ‌లే ప్ర‌క‌టించాడు. వీటితో పాటుగా విజ‌య్ సుకుమార్ సినిమాను అనౌన్స్‌చేసి చాలా కాల‌మైంది. అది కూడా ఉండే అవ‌కాశం ఉన్న‌ట్లు స‌మాచారం.

மேலும் படிக்க

మ‌హేష్ నెక్ట్స్ లైన‌ప్ చూస్తుంటూనే గూస్ బంప్స్ వ‌చ్చేసేలా ఉన్నాయి.. ప్ర‌స్తుతం త్రివిక్ర‌మ్‌తో హ్యాట్రిక్ ఫిల్మ్ చేస్తోన్నాడు మ‌హేష్‌బాబు. ఈ సినిమా ఆగ‌స్ట్‌లో రిలీజ్ కానుంది. ఈ సినిమాను భారీ పాన్ ఇండియా సినిమాగా ప్లాన్ చేస్తున్నారు. అటు త్రివిక్ర‌మ్ కూడా గ‌తంలో మ‌హేష్ అత‌డు, ఖ‌లేజా సినిమాలు చేసినా అవి రెండు క‌మర్షియ‌ల్‌గా స‌క్సెస్ కాలేదు. దీంతో ఈ సారి మ‌హేష్‌కు బ్లాక్‌బ‌స్ట‌ర్ ఇవ్వాల‌ని క‌సితో ఉన్నాడు. మ‌హేష్‌, రాజ‌మౌళి సినిమా ఈ ఏడాది చివ‌ర‌లో సెట్స్‌పైకి వ‌చ్చే అవ‌కాశం ఉన్న‌ట్లు స‌మాచారం. ఆఫ్రికా అడ‌వుల నేప‌థ్యంలో అడ్వెంచ‌ర్ థ్రిల్ల‌ర్‌గా ఈ సినిమాను తెర‌కెక్కిస్తున్నారు.

மேலும் படிக்க

నాని సినిమాల లైన్ అప్ కూడా చాలా గ్రాండ్ గా ఉందని చెప్పాలి. సినిమా సినిమాకి వైవిధ్యం చూపిస్తూ కొత్త కొత్త కథలతో ప్రేక్షకులని ఎంటర్టైన్ చేయడానికి నాని రెడీ అయిపోతున్నాడు. ప్రస్తుతం దసరా సినిమాతో వస్తున్నారు. ఈ సినిమా మార్చి 30 న రిలీజ్ కానుంది. ఇప్పటికే విడుదలైన టీజర్, సాంగ్స్, పోస్టర్స్ తో అంచనాలు పెంచేశారు. దసరా తర్వాత కొత్త దర్శకుడు శౌర్యువ్ తో నాని తన 30వ సినిమా చేస్తున్నాడు. దీని తర్వాత వివేక్ ఆత్రేయ దర్శకత్వంలో 31వ సినిమా చేస్తున్నాడు. దీని తర్వాత హిట్ ఫ్రాంచైజ్ లో భాగంగా తెరకెక్కబోయే హిట్ 3 మూవీ సెట్స్ పైకి వెళ్తుంది. శైలేష్ కొలను దర్శకత్వంలోనే ఈ మూవీ ఉంటుంది. ఇక ఈ సినిమా కంప్లీట్ అయిన తర్వాత అవసరాల శ్రీనివాస్ దర్శకత్వంలో సినిమాని నాని స్టార్ట్ చేసే అవకాశం ఉందని తెలుస్తుంది. అయితే అందరి హీరోల మాదిరి అన్ని పాన్ ఇండియా లెవల్ లోనే కాకుండా కథకి యూనివర్సల్ అప్పీల్ ఉంటే మాత్రమే వాటిని అన్ని భాషలలో రిలీజ్ చేసే విధంగా నాని ప్రణాళికలు వేసుకుంటున్నట్లు టాక్ వినిపిస్తుంది.

மேலும் படிக்க

అల్లు అర్జున్ లైనప్ పుష్పతో పాటు మొత్తంగా మూడు సినిమాలను ప్రస్తుతానికి ఓకే చేశారు. ఈ సినిమా సుకుమార్ దర్శకత్వంలో తెరకెక్కిన ’పుష్ప’కు సీక్వెల్‌గా వస్తోంది.ఈ సినిమా తర్వాత అల్లు అర్జున్, త్రివిక్రమ్ దర్శకత్వంలో ఓ సినిమాను చేయనున్నారు. ఇక ఈ సినిమా తర్వాత అల్లు అర్జున్, సందీప్ రెడ్డి వంగాతో చేయనున్నారు. ఈ మూడు సినిమాలు కూడా ప్యాన్ ఇండియా స్థాయిలో రానున్నాయి.

மேலும் படிக்க