இளம் நடிகர் ஹரிஷ் கல்யாண் கைவசம் உள்ள 5 திரைப்படங்கள்

நூறு கோடி வானவில் - ஹரிஷ் கல்யாண் மற்றும் சித்தி இட்னானி முன்னணி கதாபாத்திரத்தில் நடிக்கும் காதல் திரைப்படம். இப்படத்தின் பூ, சிவப்பு மஞ்சள் பச்சை போன்ற வெற்றி படங்களை இயக்கிய சசி இயக்குகிறார். அறியாத வயதில் தவறானவரை காதலிக்கும் ஒரு பெண்ணை பற்றிய கதையாக இப்படம் உருவாகிறது. இப்படத்தின் படப்பிடிப்பு முடிவடைந்து டப்பிங் மற்றும் மற்ற தயாரிப்பு வேலைகள் நடந்து கொண்டிருக்கிறது. விரைவில் இப்படம் திரையரங்கில் வெளியாகும் என எதிர்பார்க்கப்படுகிறது.

ஸ்டார் - 'ப்யார் பிரேமா காதல்' படத்தின் பிரமாண்ட வெற்றியை தொடர்ந்து இயக்குனர் இளன் மற்றும் ஹரிஷ் கல்யாண் கூட்டணியில் உருவாகும் இரண்டாவது காதல் திரைப்படம். இப்படத்தில் ஃபர்ஸ்ட் லுக் போஸ்டர் வெளியாகி தமிழ் சினிமாவில் பரப்பரப்பு ஏற்படுத்தியது. ரஜினியின் தளபதி, கமலின் சிவப்பு ரோஜாக்கள் படங்களின் ஸ்டார் லுக்கை காபி அடித்து அதே பாணியில் ஸ்டார் படத்தின் ஃபர்ஸ்ட் லுக் வெளியிட்டு தமிழ் சினிமா மக்களின் கவனத்தை கவணர்ந்துள்ளனர், படக்குழுவினர். இப்படத்திற்கு இசையமைப்பாளர் யுவன் ஷங்கர் ராஜா இசையமைக்கிறார்.

டீசல் - இயக்குனர் ஷண்முக முத்துசாமி இயக்கத்தில் ஹரிஷ் கல்யாண், வினய் ராய், அதுல்யா ரவி என பல பிரபலங்கள் முன்னணி கதாபாத்திரத்தில் நடித்துள்ள திரைப்படம். இப்படத்தின் கதைக்கரு பெட்ரோல், டீசல் போன்ற எரிபொருட்கள் மற்றும் கச்சா எண்ணெய் பற்றிய கதைக்களத்தில் உருவாகியுள்ளது. இப்படத்திற்கு திபு நின்னன் தாமஸ் இசையமைக்கிறார். இப்படம் 2023 இறுதியில் வெளியாகும் என எதிர்பார்க்கப்படுகிறது.

லெட்ஸ் கெட் மேரேஜ்  (LGM) - இந்திய கிரிக்கெட் வீரர் தோனி தொடங்கியுள்ள புதிய தயாரிப்பு நிறுவனமான 'தோனி என்டர்டைன்மெண்ட்' சார்பில் அந்நிறுவனம் தயாரிக்கும் முதல் திரைப்படம், LGM. இப்படத்தில் முன்னணி கதாபாத்திரத்தில் ஹரிஷ் கல்யாண், இவனா, நதியா, யோகி பாபு நடிக்கின்றனர். காதல் திரைக்கதையில் இப்படம் உருவாகிறது. இப்படத்தின் கதையை தோனியின் மனைவி சாக்ஷி எழுதியுள்ளார்.

உதயநிதி ஸ்டாலினின் 'நெஞ்சுக்கு நீதி' படத்தில் வசனங்கள் எழுதிய தமிழரசன் பச்சமுத்து இயக்கத்தில் உருவாகும் திரைப்படம், லப்பர் பந்து. இப்படத்திற்கு இசையமைப்பாளர் சீன் ரோல்டன் இசையமைத்துள்ளார். இப்படத்தில் ஹரிஷ் கல்யாண், அட்டகத்தி தினேஷ் என பலர் நடிக்க, நகைசுவை மற்றும் எமோஷனல் திரைக்கதையில் இப்படம் உருவாகிறது.