டீசல்

டீசல் 2025 ஆம் ஆண்டு வெளியான தமிழ் அதிரடி திரில்லர் திரைப்படமாகும். இப்படத்தில் ஹரிஷ் கல்யாண் மற்றும் அதுல்யா ரவி முக்கிய கதாபாத்திரங்களில் நடித்துள்ளனர். வினய் ராய் வில்லனாக நடித்துள்ள இந்தப் படத்தில் மேலும் பி. சாய் குமார், அனன்யா, கருணாஸ், ரமேஷ் திலக், காளி வெங்கட், விவேக் பிரசன்னா, சச்சின் கெடேகர், ஜாகிர் உசேன், தங்கதுரை, மற்றும் கேபிஒய் தீனா உள்ளிட்ட பலர் முக்கிய வேடங்களில் நடித்துள்ளனர். இசையமைப்பை திபு நினன் தாமஸ், ஒளிப்பதிவை எம். எஸ். பிரபு மற்றும் ரிச்சர்ட் எம். நாதன், திருத்தத்தைக் (Editing) சான் லோகேஷ் மேற்கொண்டுள்ளார். கதை மீனவர் சமூகத்தைச் சேர்ந்த வாசுதேவன் (வாசு) தனது வளர்ப்பு தந்தை மனோகரன் தொடங்கிய டீசல் மாஃபியா வலையமைப்பில் ஈடுபடுகிறார். இவர்களின் செயல்பாடு, கடற்கரைப் பகுதியில் அரசாங்கம் பதித்துள்ள குழாய்களில் இருந்து கச்சா எண்ணெயை திருடி கடத்துவது. இதனால் மீனவர் சமூகம் தங்கள் வாழ்வாதாரமான மீன்பிடித் தொழிலைச் செய்ய முடியாத நிலை உருவாகிறது. ஆனால், அரசாங்கம் இந்த சட்டவிரோத நடவடிக்கைகளுக்கு எதிராக சில கடுமையான நடவடிக்கைகளை எடுக்கத் தொடங்கும் போது, வாசு தன் புத்திசாலித்தனத்தால் அரசாங்கத்துடன் மோதத் தொடங்குகிறார். இதனால் கதை ஒரு பூனை – எலி துரத்தல் போன்று சுவாரஸ்யமான திருப்பங்களை எடுக்கிறது. வெளியீட்டு தேதி டீசல் அக்டோபர் 17, 2025 அன்று திரையரங்குகளில் வெளியிடப்பட்டது.