Rathnam Trailer Review: அதிரடி காட்சிகளுக்கு இடையே ஏன் கெட்ட வார்த்தை? - விஷாலின் ரத்னம் பட கதை இதுதானா...

ரத்னம் - அதிரடி திரைப்பட இயக்குனர் ஹரி இயக்கத்தில், 'புரட்சி தளபதி' விஷால் நடித்திருக்கும் திரைப்படம். இப்படத்தினை தயாரிப்பாளர் கார்த்திகேயன் சந்தானம் மற்றும் ஜீ ஸ்டுடியோஸ் நிறுவனம் இணைந்து தயாரிக்க, இசையமைப்பாளர் தேவி ஸ்ரீ பிரசாத் இசையமைத்துள்ளார். அதிரடி மற்றும் குடும்ப படமாக உருவாகியுள்ள இப்படம் 2024 ஏப்ரல் 26ல் தமிழ் மற்றும் தெலுங்கு என இருமொழி திரைப்படமாக வெளியாகிறது.

இயக்குனர் ஹரி மற்றும் நடிகர் விஷால் கூட்டணியில் ரத்னம் திரைப்படத்திற்கு முன் 2014 ஆம் ஆண்டு பூஜை மற்றும் 2007ல் தாமிரபரணி திரைப்படம் உருவாகி உள்ளது. பூஜை மற்றும் தாமிரபரணி திரைப்படங்கள் தமிழ் சினிமாவில் ரசிகர்கள் மத்தியில் பெரிய அளவில் பேசப்பட்ட சூப்பர் ஹிட் திரைப்படங்கள் ஆகும். இந்த இரண்டு படத்தின் வெற்றியை தொடர்ந்து மூன்றாவது முறையாக விஷால் - ஹரி கூட்டணி தமிழ் சினிமாவில் இணைந்துள்ளனர்.

விஷால் நடித்துள்ள 'ரத்னம்' திரைப்படத்தின் டிரைலர் 2024 ஏப்ரல் 15ல் யூ டியூப் செயலியில் வெளியானது. தமிழ் மற்றும் தெலுங்கு மொழியில் உருவாகியுள்ள ரத்தினம் திரைப்படம் இருமொழியிலும் இப்படத்தின் டிரைலர்யை வெளியிட்டுள்ளனர். இப்படத்தின் டிரைலர் வெளியாகி பல இடங்களில் ட்ரெண்ட் ஆகியுள்ளது.

கதைக்கரு - ரத்னம் படத்தின் டிரைலர் அடிப்படையில், இப்படத்தின் திரைக்கதை நாயகியின் கதாபாத்திரத்தை சுற்றி வடிவமைக்கப்பட்டுள்ளது. தமிழகம் - ஆந்திர மாநில எல்லையில் இருக்கக்கூடிய பிரச்சனையில் தவறுதலாக மாட்டிக்கொள்ளும் விஷால், அங்கிருந்து நாயகியை காப்பாற்றி தன்னை எதிர்த்த எதிரிகளை அழித்து நாயகியை கரம் பிடித்தாரா என்பதே ரத்தம் படத்தின் கதை.

விஷால் நடித்த ரத்தம் படத்தின் டிரைலர் வீடியோவில் தொடக்கம் முதல் இறுதி வரை அதிரடியை மையப்படுத்தி உருவாக்கப்பட்டுள்ளது. இந்த டிரைலர் பதிவில் பல சுவாரஸ்ய காட்சிகள் இடம் பெற்றிருந்தாலும் சில கெட்ட வார்த்தை பதிவின் காரணமாக ரசிகர்கள் மத்தியில் முகச்சுளிப்பை ஏற்படுத்தியுள்ளது, ரத்தம் படத்தின் டிரைலர்.

பொதுவாக குடும்பங்கள் கொண்டாடும் அதிரடி படங்களை இயக்கி வருபவர், இயக்குனர் ஹரி. ஹரி இயக்கத்தில் கெட்ட வார்த்தைகள் நிறைந்த ஒரு படமா! என பல ரசிகர்கள் வருத்தத்தில் உள்ளனர். இப்படத்தின் ப்ரோமோஷன் பணிக்காக இந்த வார்த்தைகளை அப்படியே எடிட் செய்துள்ளனர், மேலும் இப்படத்தின் தணிக்கை சான்றிதழ் பதிவில் கெட்ட வார்த்தைaகள் முழுவதும் 'மியூட்' செய்ய அதிக வாய்ப்புள்ளது என்று தகவல்கள் பரவி வருகிறது.

விஷால் போன்ற ஒரு முன்னணி நடிகரின் திரைப்படத்தின் ப்ரோமோஷன் பணிக்காக இப்படியா செய்வது என பலரும் வருத்தத்தை தெரிவித்துள்ளனர். அரசியல் கனவோடு பயணிக்கும் விஷால் இப்படி செய்யலாமா?