தொடர் தோல்வியில் சிக்கி தவிக்கும் தமிழ் சினிமா நடிகைகள்...

நயன்தாரா - தமிழ் சினிமாவில் முன்னணி நடிகை மற்றும் 'லேடி சூப்பர் ஸ்டார்' என்று ரசிகர்கள் மத்தியில் பிரபலமாகியுள்ளவர். இவர் பல வெற்றி படங்களில் நடித்து பல கோடி ரசிகர்கள் மத்தியில் கொண்டாடப்பட்டு வருகிறார். சமீப காலமாக நடிகை நயன்தாரா நடித்து வரும் திரைப்படங்கள் எல்லாம் பெரும் நஷ்டம் அடைந்து வருகிறது. 

அன்னபூரணி, இறைவன், கனெக்ட், ஓ 2 என பல தமிழ் படங்கள் நயன்தாரா திரைப்பயணத்தில் தோல்வி படமாக அமைந்து வரும் நிலையில், ஒரு முன்னணி நடிகையாக இருந்தும் பல சறுக்கல்கள் ஏற்பட்டுள்ளது.

பிரியா பவானி ஷங்கர் - தொலைக்காட்சியில் தொகுப்பாளர், சீரியல் நடிகை என பணியாற்றி திரைப்படத்தில் நாயகியாக நடித்து வருகிறது. படிப்படியாக தனது திரைப்பயணத்தை உயர்த்தி தற்போது பலர் மத்தியில் பிரபலமாகியுள்ளார், பிரியா பவானி ஷங்கர். 

இவர் சமீபத்தில் நடித்த ரத்னம், இந்தியன் 2, பொம்மை, ருத்ரன், அகிலன் என பல திரைப்படங்கள் தமிழக பாக்ஸ் ஆபிஸ் பட்டியலில் பெரும் நஷ்டத்தை அடைந்துள்ளது. இதனால் தமிழ் சினிமா முன்னணி நடிகர் ஒருவர் இவரை அதிர்ஷ்டம் இல்லாத நடிகை என சொல்லி படத்தின் ப்ரோமோஷன் பணிகளில் தவிர்த்து வந்துள்ளார்.

தமிழ் சினிமாவில் 2000 ஆம் காலகட்டத்தில் பெரிய அளவில் பிரபலமான நடிகை ஆவார், ஜோதிகா. திருமணத்திற்கு பின் இவர் '36 வயதினிலே' திரைப்படத்தில் நாயகியாக நடித்து ரீ-என்ட்ரி கொடுத்தார். அடுத்தடுத்து சமூக அக்கறை என்று அரசாங்கத்தை விமர்சிக்கும் படங்களில் நடித்து வந்த இவர், திரைப்பயணத்தில் பல தோல்விகள் சந்தித்துள்ளார். 

தற்போது தி.மு.க கட்சி ஆட்சி அமைத்தபிறகு சமூக அக்கறை படங்கள் எல்லாம் ஜோதிகா திரைப்பயணத்தில் காணாமல் போய்விட்டது. தற்போது தோல்வி பட நடிகையாக உள்ளார். இவரது ஜோதிகா திரைப்பயணத்தில் காதல், சந்திரமுகி 2, உடன்பிறப்பே, பொன்மகள் வந்தால், ஜாக்பாட் என பல தோல்வி படங்கள் வரிசை கட்டி உள்ளது.

கீர்த்தி சுரேஷ் - தமிழ் சினிமாவில் ரெமோ, ரஜினி முருகன் என வெற்றி படங்கள் மூலம் அறிமுகமாகி பெரிய அளவில் ரசிகர்கள் மத்தியில் பிரபலமானவர். தற்போது சைரன், மாமன்னன், ரகு தாத்தா, குட் லக் சகி, சாணி காயிதம் என தொடர் தோல்வி படங்களில் நடித்து தமிழ் சினிமாவில் பல விமர்சகர்கள் மத்தியில் பெரிய அளவில் பேசப்படுகிறார்.

கீர்த்தி பாண்டியன் - தமிழ் சினிமாவில் பணியாற்றி வரும் நடிகர் அருண் பாண்டியன் மகள் ஆவார். தும்பா, அன்பிற்கினியால் படத்தின் மூலம் மக்கள் மத்தியில் அறியப்பட்ட இவர், தற்போது கண்ணகி, ப்ளூ ஸ்டார், கொஞ்சம் பேசினால் என்ன என பல தோல்வி படங்களில் நடித்து வருகிறார். 

தமிழ் சினிமாவில் பல படங்கள் மற்றும் வெவ்வேறு கதாபாத்திரத்தில் நடித்து பெரிய அளவில் பிரபலமானவர், ஐஸ்வர்யா ராஜேஷ். இவரது ஆரம்ப கால திரைப்பயணத்தில் பல வெற்றி படங்கள் மூலம் பிரபலமான இவர், அடுத்தடுத்து தனித்துவமான பெண்களுக்கான படமாக நடிக்க ஆரம்பித்து பல தோல்வி படங்களில் நடித்து வருகிறது. 

டிரைவர் ஜமுனா, தீராக் காதல், ஃபர்ஹானா, டியர், தி கிரேட் இந்தியன் கிட்சன், பூமிகா என பல தோல்வி படங்களில் நடித்து வருகிறார்,  ஐஸ்வர்யா ராஜேஷ்.