லியோ, ஜவான் முதல் ஜெயிலர்: 500 கோடி வசூல் கடந்து 2023ல் சாதனை படைத்த திரைப்படங்கள்

ஜவான் இயக்குனர் அட்லீ குமார் இயக்கத்தில் ஷாருக் கான், நயன்தாரா, விஜய் சேதுபதி, பிரியாமணி என பல முக்கிய பிரபலங்கள் முன்னணி கதாபாத்திரத்தில் நடித்திருக்கும் திரில்லர் & அதிரடி திரைப்படம். இப்படத்தினை தயாரிப்பாளர் கௌரி கான் 'ரெட் சில்லிஸ்' தயாரிப்பு நிறுவனத்தின் மூலம் தயாரிக்க, இசையமைப்பாளர் அனிருத் ரவிச்சந்தர் இசையமைத்துள்ளார்.

2023 செப்டம்பர் 07ல் உலகமெங்கும் வெளியான இப்படம், இந்திய பாக்ஸ் ஆபிஸ்-ல் ₹1,148 கோடிகள் வசூலித்து இந்த ஆண்டு அதிக வசூல் செய்த இந்திய படங்களில் முதல் இடம் பிடித்துள்ளது.

பதான் இயக்குனர் சித்தார்த் ஆனந்த் இயக்கத்தில் ஷாருக் கான், தீபிகா படுகோன், ஜான் ஆபிரகாம் என முன்னணி திரை பிரபலங்கள் பலர் நடித்திருக்கும் அதிரடி - திரில்லர் திரைப்படம். இப்படத்திற்கு இசையமைப்பாளர் விஷால் தத்லானி இசையமைத்துள்ளார். 

2023 குடியரசு தினத்தை முன்னிட்டு இப்படம் வெளியாகியுள்ளது. ஹிந்தி சினிமாவில் பலரால் கொண்டாடப்படும் ஸ்பை சீரியஸ் படமாக இப்படம் உருவாகி பலரின் கவனத்தை கவர்ந்துள்ளது. இப்படம் இந்திய பாக்ஸ் ஆபிஸ்-ல் ₹1,050 கோடிகள் வசூல் செய்து சாதனை படைத்துள்ளது. மேலும் இந்த ஆண்டின் 1000 கோடிகள் வசூல் அள்ளிய திரைப்பட பட்டியலில் ஷாருக் கான் நடித்த இரண்டு படங்களும் இடம்பிடித்துள்ளது.

அனிமல் - இயக்குனர் சந்தீப் ரெட்டி இயக்கத்தில் ரன்பிர் கபூர், ராஷ்மிகா மந்தனா, பாபி தியோல் என பல முன்னணி இந்தியா பிரபலங்கள் நடித்திருக்கும் அதிரடி - திரில்லர் திரைப்படம். இப்படத்தினை தயாரிப்பாளர் பூஷன் குமார் தயாரிக்க, இசையமைப்பாளர் பிரிதம், விஷால் மிஷ்ரா, ஜானி, ஹர்ஷவர்தன் ராமேஸ்வர் என பலர் இணைந்து இசையமைத்துள்ளனர்.

தமிழ் - தெலுங்கு - கன்னட - மலையாளம் - ஹிந்தி என 5 மொழிகளில் ஒரு பான் இந்தியா படமாக உருவாகி வெளியாகியுள்ள இப்படம் இந்திய அளவில் வசூல் மழையில் பிரபலமாகியுள்ளது. இதுவரை இப்படம் 700 கோடிகளை கடந்து இந்த ஆண்டின் வெற்றி பட பட்டியலில் இடம் பிடித்துள்ளது.

கடார் 2 - இயக்குனர் அணில் சர்மா இயக்கத்தில் ஹிந்தி சினிமாவில் இந்த ஆண்டு மிகப்பெரிய வெற்றி படமாக  கொண்டாடப்பட்ட திரைப்படம். இப்படம் உலகளவில் ₹691 கோடிகள் வசூல் செய்து சாதனை படைத்துள்ளது. இப்படம் 60 கோடி பொருட்செலவில் உருவாக்கப்பட்டு 10 மடங்கு வசூல் செய்து மிகப்பெரிய லாபத்தை அடைந்துள்ளது. இந்த ஆண்டு அதிக அதிக லாபத்தை பெற்று தந்த படமாக கடார் 2 படம் இடம் பிடித்துள்ளது.

ஜெயிலர் - இயக்குனர் நெல்சன் திலீப்குமார் இயக்கத்தில் சூப்பர்ஸ்டார் ரஜினிகாந்த் முன்னணி கதாபாத்திரத்தில் நடித்திருக்கும் அதிரடி & திரில்லர் திரைப்படம். இப்படத்தினை தமிழ் திரையுலக பிரபல முன்னணி தயாரிப்பு நிறுவனமான 'சன் பிக்சர்ஸ்' தயாரிப்பு நிறுவன சார்பில் தயாரிப்பாளர் கலாநிதி மாறன் தயாரிக்க, இசையமைப்பாளர் அனிருத் ரவிச்சந்தர் ஜெயிலர் படத்திற்கு இசையமைத்துள்ளார்.

ஜெயிலர் திரைப்படம் இந்த ஆண்டு தமிழ் சினிமாவில் அதிக வசூல் படைத்த படமாக கொண்டாடப்படுகிறது. ரசிகர்கள் மத்தியில் எழுந்த இமாலய எதிர்பார்ப்பு இப்படத்தின் வெற்றியை விண்ணிற்கு செலுத்தியுள்ளது. இப்படம் உலகளவில் சராசரியாக ₹605 முதல் 650 கோடிகள் வரை வசூல் செய்துள்ளதாக அறிவிப்புகள் வெளியாகியுள்ளது. படக்குழு சார்பில் இப்படத்தின் இறுதி வசூல் பற்றிய அறிவிப்புகள் இன்னும் அதிகாரப்பூர்வமாக வெளியாகவில்லை.

லியோ - இயக்குனர் லோகேஷ் கனகராஜ் இயக்கத்தில் விஜய், திரிஷா கிருஷ்ணன், மன்சூர் அலிகான், அர்ஜுன் என தமிழ் திரைப்பட முன்னணி முக்கிய நட்சத்திரங்கள் பலர் இணைந்து நடித்திருக்கும் அதிரடி - திரில்லர் திரைப்படம். இப்படத்தினை தமிழ் சினிமா முன்னணி தயாரிப்பாளரான லலித் குமார் தனது '7 ஸ்க்ரீன் ஸ்டூடியோ' தயாரிப்பு நிறுவனத்தின் மூலம் தயாரிக்க, இசையமைப்பாளர் அனிருத் ரவிச்சந்தர் இசையமைத்துள்ளார்.

லியோ படம் ஒரு பான் இந்தியா படமாக உருவாகி வெளியாகியுள்ளது. இப்படம் உலகளவில் ₹605 முதல் 620 கோடிகள் வரை வசூல் செய்துள்ளதாக தகவல்கள் வெளியாகி உள்ளது. ஆனால் இப்படத்தின் இறுதி வசூல் பற்றிய அறிவிப்பு தயாரிப்பு நிறுவனத்தின் சார்பில் அதிகாரப்பூர்வமாக வெளியாகவில்லை.