விஜய் சேதுபதி முதல் சூரி: அன்றைய டிவி நடிகர்கள் தான் இன்றைய தமிழ் சினிமா டாப் ஹீரோக்கள்

தமிழ் சினிமாவில் தற்போது முன்னணி நடிகர்களில் முக்கிய பிரபலமாக ஜொலிப்பவர், சிவகார்த்திகேயன். இவர் தனது திரைப்பயணத்தை ஸ்டார் விஜய் தொலைக்காட்சியில் தொடங்கி தற்போது வெள்ளித்திரையில் பணியாற்றி வருகிறார். கலக்க போவது யாரு?, ஜோடி நம்பர் 1, அது இது எது மற்றும் பல ரியாலிட்டி நிகழ்ச்சிகளில் தொகுப்பாளராக இவர் பணியாற்றி மக்கள் மத்தியில் அறியப்பட்டவர். தமிழ் சினிமாவில் அறிமுகமாக சிறிது காலகட்டத்தில் பெரிய அளவில் புகழினை அடைந்து பல ரசிகர்களால் கொண்டாடப்படுகிறார், சிவகார்த்திகேயன்.

சூரி - தமிழ் சினிமாவில் நகைச்சுவை நடிகராக அறிமுகமாகி தற்போது நாயகனாக திரைப்படங்களில் நடித்து வருகிறார். இவர் வருத்தப்படாத வாலிபர் சங்கம் படத்தில் வடிவேலுவின் குழுவில் ஒருவராக இருந்துள்ளார். ஆனால் அதற்கும் முன் தமிழ் சின்னத்திரை சீரியலான 'திருமதி செல்வம்' நாடகத்தில் ஒரு மெக்கானிக் கதாபாத்திரத்தில் நடித்துள்ளார். சின்னத்திரையில் நடித்து பின் வெள்ளித்திரையில் யாரும் காணாத கதாபாத்திரங்கள் மூலம் அறிமுகமாக, நகைச்சுவை நடிகராக பெரிய அளவில் கொண்டாடப்பட்ட சூரி, தற்போது தமிழ் சினிமாவில் நாயகனாக விடுதலை, கருடன் ஆகிய படங்களில் நடித்து வருகிறார்.

சந்தானம் - தமிழ் சினிமாவில் நகைச்சுவை நடிகராக பணியாற்றி தற்போது நாயகனாக ரசிகர்களால் கொண்டாடப்படுகிறார், சந்தானம். இவர் ஸ்டார் விஜய் தொலைக்காட்சியில் லொள்ளு சபா தொடர் குழுவில் ஒருவராக பணியாற்றி தமிழில் பிரபலமானவர். சிம்புவின் படங்களில் அறிமுகமான இவர் ஒரு காலத்தில் முன்னணி நகைச்சுவை நடிகராக புகழ் பெற்று, தற்போது தமிழ் சினிமாவில் நாயகனாக பல படங்களில் நடித்து வருகிறார்.

ஸ்டார் விஜய் தொலைக்காட்சியில் சரவணன் மீனாட்சி, தமிழ் பிக்பாஸ், டான்ஸ் ஜோடி ஆகிய நிகழ்ச்சி மற்றும் தொடர்களில் பணியாற்றி வந்தவர். இவர் ஆரம்ப காலத்தில் வெள்ளித்திரையில் சிறிய கதாபாத்திரத்தில் நடித்து வந்த கவின், தற்போது நாயகனாக நடித்து பலர் அறிமுகத்தை பெற்று புகழ் பெற்றுள்ளார். சமீபத்தில் இவர் நடித்த டாடா திரைப்படம் மிக பெரிய வெற்றி படமாக அமைந்துள்ளது.

விஜய் சேதுபதி தமிழ் சினிமாவில் சன் தொலைக்காட்சியில் ஒளிபரப்பான ஒரு சீரியலில் நடித்துள்ளார். பின்னர் நாளைய இயக்குனர் நிகழ்ச்சியில் பிரபலமான கார்த்திக் சுப்பாராஜ் இயக்கிய படத்தின் மூலம் அறிமுகமாகி தற்போது வெள்ளித்திரையில் கலக்கி வருகிறார். தமிழ் சினிமாவை தொடர்ந்து ஹிந்தி, தெலுங்கு என ஒரு பான் இந்திய நடிகராக தற்போது விஜய் சேதுபதி பிரபலமாகியுள்ளார்.

ரியோ ராஜ் - ஸ்டார் விஜய் தொலைக்காட்சியில் ஒளிபரப்பான பிரபல சின்னத்திரை சீரியல் 'சரவணன் மீனாட்சி' தொடரில் நாயகனாக நடித்து பிரபலமானவர். பின்னர் பல ரியாலிட்டி நிகழ்ச்சிகளில் தொகுப்பாளராக பணியாற்றி வந்துள்ளார், ரியோ ராஜ். இவர் தற்போது வெள்ளித்திரையில் நெஞ்சம் உண்டு நேர்மை உண்டு ஓடு ராஜா, ஜோ ஆகிய படங்களில் நாயகனாக நடித்து பலரால் கொண்டாடப்படுகிறார்.

சமுத்திரக்கனி - தமிழ் சினிமாவில் தற்போது ஹீரோ & வில்லன் நடிகர், இயக்குனர், குணசித்ர நடிகர் என பல கதாபாத்திரங்களில் பணியாற்றி வருகிறார், சமுத்திரக்கனி. இவர் சன் தொலைக்காட்சியில் ஒளிபரப்பான ரமணா ரமணி தொடரில் உதவி இயக்குனராக பணியாற்றி உள்ளார், மேலும் அதே சீரியலில் ஒரு சில கதாபாத்திரத்தில் நடித்துள்ளார். 

விஜய் ஆன்டனி - இசையமைப்பாளர், நடிகர், ஒளிப்பதிவாளர், தயாரிப்பாளர் & இயக்குனர் என தமிழ் சினிமாவில் பல துறைகளில் பணியாற்றி வருபவர், விஜய் ஆன்டனி. இவரது ஆரம்ப காலத்தில் சின்ன பாப்ப பெரிய பாப்பா என பல நிகழ்ச்சிகளுக்கு பின்னணி இசை அமைத்துள்ளார். தொலைக்காட்சியில் பணியாற்றி பல வித்தைகளை கற்று அறிந்த விஜய் ஆன்டனி வெள்ளித்திரையில் அறிமுகமாகி தற்போது பெரிய அளவில் ரசிகர்களை கவர்ந்து புகழ் பெற்றுள்ளார்.

1980களில் ஒளிபரப்பான 'டாப் டக்கர்' தொடரில் நடித்து திரைப்பயணத்தை தொடங்கியவர், நகைச்சுவை நடிகர் விவேக். இவர் தமிழ் சினிமாவில் நகைச்சுவை நடிகராக பல கதாபாத்திரத்தில் நடித்து புகழ் பெற்றுள்ளார். இவரது நகைச்சுவை கலாட்டாவில் சிரிப்பது மட்டுமின்றி சிந்திப்பதும் மற்றும் அறிவியல் சார்ந்த சில ஆக்கபூர்வமான விஷயங்களை பயன்படுத்தி மக்களை சிந்திக்கவும் வைத்தவர், விவேக்.

அட்டகத்தி தினேஷ் - தமிழ் சினிமாவில் அட்டகத்தி படத்தில் நாயகனாக நடித்து அறிமுகமானவர், இந்த படத்தின் வெற்றி இவரின் அடையாளமாக மாறியுள்ளது. அட்டகத்தி தினேஷ் பல திரைப்படங்களில் நடித்து பலர் மத்தியில் அறியப்படுகிறார். இவரது திரைப்பயண தொடக்க காலத்தில் அட்டகத்தி தினேஷ் சன் தொலைக்காட்சியில் ஒளிபரப்பான சீரியலில் நடித்துள்ளார். 'ராணி' என்ற தொடரில் சீதாவின் மகன் கதாபாத்திரத்தில் அட்டகத்தி தினேஷ் நடித்துள்ளார்.