Lal Salaam vs Lover: ரஜினியுடன் மோதும் கமல் ஹாசனின் ரசிகர் 'லவ்வர்'

லால் சலாம் - இயக்குனர் ஐஸ்வர்யா ரஜினிகாந்த் இயக்கத்தில் விஷ்ணு விஷால், விக்ராந்த் என பல முன்னணி நடிகர்கள் நடித்திருக்கும் திரைப்படம். இப்படத்தில் சூப்பர் ஸ்டார் ரஜினிகாந்த் முக்கிய கதாபாத்திரத்தில் நடித்துள்ளார். இப்படத்தினை தயாரித்த லைக்கா நிறுவனம் இப்படத்திற்கு பெரிய அளவில் ப்ரோமோஷன் பணிகளை தொடர்ந்து நடத்தி வருகிறது. இசையமைப்பாளர் ஏ ஆர் ரஹ்மான் இப்படத்திற்கு இசையமைத்துள்ளார்.

சூப்பர் ஸ்டார் ரஜினிகாந்த் தமிழ் சினிமாவில் பல வெற்றி படங்கள் நடித்து பல்வேறு கதாபாத்திரத்தில் நடித்து அசத்தியுள்ளார். ஆனால் இதுவரை ரஜினி தனது திரைப்பயணத்தில் எந்த ஒரு முஸ்லிம் கதாபாத்திரத்தில் நடித்தது இல்லை. தற்போது லால் சலாம் படத்தின் மூலம் நடிகர் ரஜினிகாந்த் முதல் முதலில் முஸ்லீம் கதாபாத்திரத்தில் நடித்துள்ளார்.

இவரின் இந்த கதாபாத்திரம் பல ரசிகர்கள் மத்தியில் கொண்டாடப்பட்டு பிரபலமாகி உள்ளது. இவரின் இந்த செயலுக்கு பலர் ஆதரவு அளித்துள்ளனர். நடிகர் ரஜினிகாந்த் திரைப்பயணத்தில் இவர் நடித்துள்ள இந்த கதாபாத்திரம் முக்கியத்துவம் உள்ள கதாபத்திரமாக அமைந்துள்ளது

லவ்வர் - இயக்குனர் பிரபு ராம் வியாஸ் இயக்கத்தில் மணிகண்டன், ஸ்ரீ கௌரி பிரியா, கண்ணா ரவி என பல நடித்திருக்கும் காதல் திரைப்படம். இப்படத்தினை மில்லியன் டாலர் ஸ்டுடியோஸ் நிறுவனம் தயாரிக்க, இசையமைப்பாளர் சீன் ரோல்டன் இசையமைத்துள்ளார்.

நடிகர் மணிகண்டன் தமிழ் சினிமாவில் எழுத்தாளர், வசனம் எழுதுபவர், துணை கதாபாத்திரம் மற்றும் நாயகன் என பல அவதாரங்களில் பணியாற்றி வரும் பிரபலம். இவர் விக்ரம் வேதா படத்தின் மூலம் தமிழ் சினிமா ரசிகர்கள் மத்தியில் நன்கு அறியப்பட்டார். 

குட் நைட் & ஜெய் பீம் படம் மூலம் ஒரு முக்கிய நடிகர்களில் ஒருவராக பிரபலமாகியுள்ளார். இவரது திரைப்படம் எதார்த்தமான கதை அம்சத்தில் அமைந்து பலரை ஆச்சிரியப்படுத்தியுள்ளது.

நடிகர் மணிகண்டன் தீவிர கமல் ரசிகர் என வெளிப்படையாக ஒரு மேடையில் கூறியுள்ளார். ஒரு தனியார் நிறுவனம் நடத்திய விருது வழங்கும் நிகழ்ச்சியில் இயக்குனர் லோகேஷ் கனகராஜ் மற்றும் நடிகர் மணிகண்டன் கலந்து கொண்டுள்ளனர். இதில் நான் கமல் ஹாசனின் தீவிர ரசிகர் என இயக்குனர் லோகேஷ் மற்றும் நடிகர் மணிகண்டன் கமலை உரிமை கொண்டாடிய தருணம் பலரை நெகிழ்ச்சியில் ஆழ்த்தியுள்ளது. 

தமிழ் சினிமாவில் எம் ஜி ஆர் - சிவாஜி, ரஜினி - கமல், அஜித் - விஜய் என நடிகர்களின் படங்களுக்காக ரசிகர்கள் மோதுவது போன்ற சம்பவங்கள் நடந்து வருகின்றன. இதில் ரஜினி - கமல் போட்டி பெரிய அளவில் விமர்சிக்கப்பட்ட போட்டியாகும். விக்ரம் படத்திற்கு பின் நடிகர் கமல் ஹாசன் நடிப்பில் எந்த ஒரு படமும் வெளியாகாத நிலையில் தற்போது ரஜினி நடித்துள்ள லால் சலாம் படம் வெளியாக தயாராக உள்ளது.

லால் சலாம் திரைப்படம் 2024 பிப் 9ல் வெளியாகும் என படக்குழு சார்பில் அதிகாரப்பூர்வ அறிவுப்பு வெளியாகியுள்ளது. 2024 பொங்கல் பண்டிகைக்கு வெளியாகும் என எதிர்பார்க்கப்பட்ட நிலையில் தற்போது இப்படம் பிப் மாதம் வெளியாகிறது.

லால் சலாம் படம் வெளியாகும் அதே நாளில் மணிகண்டன் நடித்துள்ள லவ்வர் திரைப்படம் வெளியாகிறது. இதனால் கமலுக்கு பதில் கமல் ஹாசனின் ரசிகர் ரஜினியுடன் மோதுகிறார் என தகவல்கள் வெளியாகி உள்ளது.