மக்களவை தேர்தல் 2024 | ராதிகா முதல் விஜயகாந்த் மகன் வரை.. லோக்சபா தேர்தலில் களம் காணும் தமிழ் சினிமா நட்சத்திரங்கள்

நடிகை ராதிகா சரத்குமார் தமிழ் சினிமாவில் பணியாற்றிவரும் மிக பெரிய புகழ் அடைந்த நடிகை ஆவார். இவர் தமிழ் சினிமா நடிகரான எம் ஆர் ராதாவின் மகளும், நடிகர் சரத்குமாரின் மனைவியும் ஆவார். ராதிகா சரத்குமார் 2024 மக்களவை தேர்தலில் வேட்புமனு தாக்கல் செய்துள்ளார். இவர் விருதுநகர் தொகுதியில் பாஜக கட்சியினர் சார்பில் போட்டியிடுகிறார்.

விஜய் பிரபாகரன் தமிழ் சினிமாவில் பணியாற்றி வரும் இளம் நடிகர் ஆவார். இவர் மறைந்த நடிகர் விஜயகாந்தின் மகன் ஆவார். 2024 மக்களவை தேர்தலில் விஜயகாந்தின் தேமுதிக கட்சி அதிமுக கட்சியினர் உடன் இணைந்து போட்டியிடுகின்றனர். நடிகர் விஜயகாந்த்-ன் சொந்த ஊரான விருதுநகர் தொகுதி தேமுதிகவுக்கு ஒதுக்கப்பட்டுள்ளது. அத்தொகுதியில் விஜயகாந்த்-ன் மகன் விஜய் பிரபாகரன் போட்டியிடுகிறார். 

விஜய் வசந்த் - தமிழ் சினிமாவில் நடிகராக பணியாற்றி வரும் பிரபலம் ஆவார். இவர் மறைந்த தொழிலதிபர் வசந்த் & கோ உரிமையாளர் வசந்த் அவர்களின் மகன் ஆவார். தந்தை பணியாற்றி வந்த காங்கிரஸ் கட்சியில் இணைந்து தானும் பணிசெய்கிறார். இவர் 2024 பாராளுமன்ற மக்களவை தேர்தலில் காங்கிரஸ் கட்சியின் சார்பில் கன்னியாகுமரி தொகுதியில் போட்டியிடுகிறார்.

தங்கர் பச்சன்  - தமிழ் சினிமா இயக்குனர் மற்றும் பிரபலம் ஆவார். இவர் பல நல்ல படங்களை இயக்கி ரசிகர்கள் மத்தியில் பிரபலமானவர். பள்ளிக்கூடம், அழகி, ஒன்பது ரூபாய் நோட்டு என பல படங்களை இயக்கிய வெற்றி இயக்குனர், தங்கர் பச்சன். 2024 ஆம் ஆண்டு நடந்துவரும் பாராளுமன்ற மக்களவை தேர்தலில் இயக்குனர் தங்கர் பச்சன்  விருத்தாசலம் தொகுதியில் பாமக கட்சியினர் சார்பில் பாஜக-வுடன் இணைந்து போட்டியிடுகிறார்.