2024 மக்களவை தேர்தலில் மகுடம் சூடிய திரை நட்சத்திரங்களின் லிஸ்ட்.. யாருக்கெல்லாம் தோல்வி முகம்? ஓர் அலசல்..

நடிகை ராதிகா சரத்குமார் தமிழ் சினிமாவில் பணியாற்றி வரும் மிக பெரிய புகழ் அடைந்த நடிகை ஆவார். இவர் தமிழ் சினிமா நடிகரான எம் ஆர் ராதாவின் மகளும், நடிகர் சரத்குமாரின் மனைவியும் ஆவார். 

ராதிகா சரத்குமார் 2024 மக்களவை தேர்தலில் விருதுநகர் தொகுதியில் போட்டியிட்டு, பெரும் வாக்குகள் வித்தியாசத்தில் தோல்வி அடைந்துள்ளார்.

விஜய் பிரபாகரன் தமிழ் சினிமாவில் பணியாற்றி வரும் இளம் நடிகர் ஆவார். இவர் மறைந்த நடிகர் விஜயகாந்தின் மகன் ஆவார். 

2024 மக்களவை தேர்தலில் விஜயகாந்தின் தேமுதிக கட்சி அதிமுக கட்சியினர் உடன் இணைந்து போட்டியிடுகின்றனர். நடிகர் விஜயகாந்த்-ன் சொந்த ஊரான விருதுநகர் தொகுதி தேமுதிக சார்பில் களம் இறங்கிய விஜய் பிரபாகரன் தோல்வி அடைந்துள்ளார்.

விஜய் வசந்த் - தமிழ் சினிமாவில் நடிகராக பணியாற்றி வரும் பிரபலம் ஆவார். இவர் மறைந்த தொழிலதிபர் வசந்த் & கோ உரிமையாளர் வசந்த் அவர்களின் மகன் ஆவார். தந்தை பணியாற்றி வந்த காங்கிரஸ் கட்சியில் இணைந்து தானும் பணிசெய்கிறார். 

இவர் 2024 பாராளுமன்ற மக்களவை தேர்தலில் காங்கிரஸ் கட்சியின் சார்பில் கன்னியாகுமரி தொகுதியில் போட்டியிட்டு வெற்றி பெற்றுள்ளார்.

தங்கர் பச்சன்  - தமிழ் சினிமா இயக்குனர் மற்றும் பிரபலம் ஆவார். இவர் பல நல்ல படங்களை இயக்கி ரசிகர்கள் மத்தியில் பிரபலமானவர். பள்ளிக்கூடம், அழகி, ஒன்பது ரூபாய் நோட்டு என பல படங்களை இயக்கிய வெற்றி இயக்குனர், தங்கர் பச்சன். 

2024 ஆம் ஆண்டு பாராளுமன்ற மக்களவை தேர்தலில் இயக்குனர் தங்கர் பச்சன்  விருத்தாசலம் தொகுதியில் பாமக கட்சியினர் சார்பில் பாஜக-வுடன் இணைந்து பெரும் வாக்குகள் வித்தியாசத்தில் தோல்வி அடைந்துள்ளார்.

மன்சூர் அலி கான் - தமிழ் சினிமாவில் பணியற்றி வரும் நடிகர் ஆவார். இவர் வில்லன் கதாபத்திரத்தில் நடித்து மக்கள் மத்தியில் பிரபலமானவர். சமீபத்தில் இவரது நடிப்பில் வெளியான லியோ படம் மக்கள் மத்தியில் பெரிய அளவில் பேசப்பட்ட வெற்றி படமாகும். இவர் நாயகனாக சமீபத்தில் சரக்கு என்ற படத்தில் நடித்துள்ளார்.

நடிகர் மன்சூர் அலி கான், 2024ல் நடந்த மக்களவை பாராளுமன்ற தேர்தலில் சுயேட்சை வேட்பாளராக வேலூர் தொகுதியில் போட்டியிட்டுள்ளார். இந்த தேர்தலில் இவர் 350 வாக்குகள் மட்டுமே பெற்று, மாபெரும் தோல்வியை சந்தித்துள்ளார்.