தமிழ் படங்களில் ஆர்வம் காட்டும் இந்திய சினிமா: இந்த ஆண்டு மட்டும் 7 தமிழ் படங்கள் ரீமேக்.. முழு லிஸ்ட் இதோ!!

கைதி - இயக்குனர் லோகேஷ் கனகராஜ் இயக்கத்தில் கார்த்தி நாயகனாக நடித்துள்ள திரைப்படம். இப்படத்தில் நரேன், அர்ஜுன் தாஸ், ஹரிஷ் உத்தமன், தீணா என பலர் நடித்துள்ளனர். இப்படத்திற்கு தமிழ் சினிமாவில் கிடைத்த மிக பெரிய வரவேற்பு மற்றும் பிளாக்பஸ்டர் சாதனை தொடர்ந்து இப்படம் இந்திய சினிமாவில் பலரால் கொண்டாடப்பட்டது. இப்படம் தான் இயக்குனர் லோகேஷ்-ன் LCU படவரிசைக்கு முக்கிய படமாக அமைந்துள்ளது.

கைதி படத்தின் ஹிந்தி ரீமேக் உரிமையை கைப்பற்றிய தயாரிப்பு நிறுவனம் தபு, அஜய் தேவ்கன் முன்னணி நடிப்பில் இப்படத்தினை போலா என்ற தலைப்பில் உருவாக்கியுள்ளனர். ஹிந்தி படத்தினை தொடர்ந்து கைதி திரைப்படம் கன்னட சினிமாவிலும் ரீமேக் ஆக ஒப்பந்தம் செய்யப்பட்டுள்ளது.

2019 ஆம் ஆண்டு இயக்குனர் மகிழ் திருமேனி இயக்கத்தில் அருண் விஜய் இரட்டை வேடங்களில் நடித்து கலக்கிய பிளாக்பஸ்டர் திரைப்படம், தடம். இப்படத்தில் சோனியா அகர்வால், வித்யா பிரதீப் என பலர் முக்கிய கதாபாத்திரங்களில் நடித்துள்ளனர். உண்மை சம்பவத்தை அடிப்படையாக கொண்டு இப்படம் உருவாகியுள்ளது தமிழ் சினிமாவில் வெற்றி வாகை சூடியுள்ளது.

தடம் படத்தின் வெற்றியை தொடர்ந்து இப்படம் இந்தியா சினிமாவில் பல மொழிகளில் பேசப்பட்டது, இறுதியில் பல மொழியில் ரீமேக் செய்யப்பட்டு இப்படம் வெளியாகியுள்ளது. 2021ல் ரெட் என்ற டைட்டிலில் தெலுங்கு ரீமேக் படமாக இப்படம் வெளியானதை தொடர்ந்து, இந்த வருடம் ஹிந்தி சினிமாவில் இப்படம் ரீமேக் செய்யப்பட்டுள்ளது. கும்ராஹ் என்ற தலைப்பில் ஹிந்தியில் இப்படம் இந்த வருடம் ரீமேக் ஆகியுள்ளது, இப்படத்தில் ஆதித்யா ராய் கபூர், மிருணாள் தாகூர் என பலர் நடித்துள்ளனர்.

மாநகரம் - இயக்குனர் லோகேஷ் கனகராஜ் அறிமுக இயக்குனராக பணியாற்றி திரைத்துறையில் அறிமுகமான திரைப்படம். இப்படம் தமிழ் சினிமாவில் விமர்சன ரீதியாக பெரும் வரவேற்கப்பட்ட படமாகும். இரு கதாநாயகனின் முன்னணி நடிப்பில் உருவான இப்படம், பெரிய அளவில் பேசப்பட்டுள்ளது. தற்போது 2023ல் மாநகரம் படத்தினை ஹிந்தி சினிமாவில் ரீமேக் செய்துள்ளனர், படக்குழுவினர். ஹிந்தியில் உருவாகியுள்ள இப்படத்தில் நடிகர் விஜய் சேதுபதி ஒரு முக்கிய கதாபாத்திரத்தில் நடித்துள்ளார்.

வேதாளம் - சிறுத்தை சிவா & அஜித் குமார் கூட்டணியில் உருவான அதிரடி திரைப்படம், இப்படத்தில் லட்சுமி மேனன், ஸ்ருதி ஹாசன், தம்பி ராமையா என பல பிரபலங்கள் முன்னணி கதாபாத்திரத்தில் நடித்துள்ளனர். இப்படம் 2015 தீபாவளி பண்டிகை முன்னிட்டு தமிழ் திரையுலகில் வெளியாகி பிளாக்பஸ்டர் படமாக கொண்டாடப்பட்டுள்ளது. இப்படத்தின் வெற்றியை தொடர்ந்து பல மொழிகளில் இப்படத்தின் ரீமேக் உரிமையை காப்பாற்றி ரீமேக் செய்துள்ளனர். பெங்காலி மொழியில் 2018ஆம் ஆண்டு சுல்தான் என்ற தலைப்பில் ரீமேக் செய்யப்பட்ட வேதாளம் திரைப்படம், தற்போது 2023ல் தெலுங்கு சினிமாவில் நடிகர் சிரஞ்சீவி முன்னனி நடிப்பில் இப்படம் போலோ ஷங்கர் என்ற தலைப்பில் உருவாகியுள்ளது.

2014 பொங்கல் பண்டிகை முன்னிட்டு திரைக்கு வெளியான திரைப்படம், வீரம். இப்படத்தில் நடிகர் அஜித் குமார் நாயகனாக நடிக்க தமன்னா, விதார்த், நாசர் என பல பிரபலங்கள் முக்கிய கதாபாத்திரத்தில் நடித்துள்ளனர். இப்படத்தினை இயக்குனர் சிறுத்தை சிவா இயக்கி நடிகர் அஜித் உடன் கூட்டணி அமைத்துள்ளார். வீரம் திரைப்படம் பெரிய அளவில் ரசிகர்கள் மத்தியில் கொண்டாடப்பட்டு மிக பெரிய ஹிட் படமாக புகழ் பெற்றுள்ளது. 

இப்படத்தின் திரைக்கதை சுவாரசியம் மற்றும் வெற்றியை பற்றிய அறிந்த பல மொழி இயக்குனர்கள் இப்படத்தினை ரீமேக் செய்ய ஆர்வம் காட்டியுள்ளனர். முதலில் தெலுங்கு சினிமாவில் பவன் கல்யாண் நடிப்பில் 2017ல் கடமராயுடு என்ற தலைப்பில் இப்படம் ரீமேக் செய்யப்பட்டது. பின்னர் 2019ல் ஓடியா என்ற தலைப்பில் கன்னட சினிமா ரீமேக் செய்துள்ளது. தற்போது 2023ல் ஹிந்தி சினிமாவின் ஜாம்பவான் நடிகர் சல்மான் கான் இப்படத்தினை கிசி கா பாய் கிசி கி ஜான் என்ற தலைப்பில் ரீமேக் செய்து நடித்துள்ளார்.

வினோதய சித்தம் - இயக்குனர் சமுத்திரக்கனி தானே இயக்கி நாயகனாக நடித்துள்ள திரைப்படம், இப்படத்தில் இரண்டாம் நாயகனாக நடிகர் தம்பி ராமையா நடித்துள்ளார். 2021ல் வெளியான இப்படம் விமர்சன ரீதியாக விமர்சகர்கள் மத்தியில் கொண்டாடப்பட்ட படமாகும்.

2023ல் தெலுங்கு சினிமா முன்னணி நடிகர்களான பவன் கல்யாண் மற்றும் தரம் தேஜ் நடிப்பில் இப்படம் ப்ரோ என்ற தலைப்பில் ரீமேக் செய்யப்பட்டுள்ளது. இப்படத்தினை இயக்குனர் சமுத்திரக்கனி இயக்கியுள்ளார்.

8 தோட்டாக்கள் - இயக்குனர் ஸ்ரீ கணேஷ் இயக்கத்தில் வெற்றி நாயகனாக நடித்துள்ள திரில்லர் திரைப்படம். இப்படம் 2017ஆம் ஆண்டு வெளியாகி தமிழ் ரசிகர்களால் வெற்றி படமாக அமைந்துள்ளது. தற்போது இப்படம் 8MM புல்லட் (கன்னட) 2018, சேனாபதி (2021) தெலுங்கு மொழிகளில் ரீமேக் செய்யப்பட்டுள்ளது. தற்போது 2023ல் 8 தோட்டாக்கள் திரைப்படம் மலையாள சினிமாவில் கொரோனா பேப்பர்ஸ் என்ற தலைப்பில் ரீமேக் படமாக வெளியாகியுள்ளது.