நகைச்சுவை நடிகர் சூரிக்கு ரிஸ்க் எடுத்து உதவும் சிவகார்த்திகேயன்

இயக்குனர் வெற்றிமாறன் இயக்கத்தில் சூரி, விஜய் சேதுபதி, பவானி ஸ்ரீ என பல முன்னணி திரைபிரபலன்கள் நடிக்கும் திரைப்படம். இப்படம் இரண்டு பாகங்களாக உருவாகி வெளியாகவுள்ளது. விடுதலை படத்தின் முதல் பாகம் 2023 மார்ச் 31ல் வெளியாகும் என படக்குழு சார்பில் அதிகாரப்பூர்வ அறிவிப்பு வெளியாகியுள்ளது. இப்படத்திற்கு இசைஞானி இளையராஜா இசையமைத்துள்ளார். இப்படத்தில் நாயகனாக நடிகர் சூரி நடித்து வந்தார், பின் இப்படத்தில் விஜய் சேதுபதி நடிக்க தொடங்கியதும் இரண்டாம் கட்ட நடிகராக சூரி மாறிவிட்டார்.

விடுதலை படத்தின் நாயகன் விஜய் சேதுபதி, ஆனால் கதையின் நாயகன் சூரி என படக்குழு அதிகாரப்பூர்வமான அறிவிப்பை வெளியிட்டுள்ளது.

விடுதலை படத்திற்கு பிறகு நடிகர் சூரி கதாநாயகனாக நடிக்கும் திரைப்படம் தான், கொட்டுக்காளி. இயக்குனர் வினோத்ராஜ் பி எஸ் இயக்கத்தில் சூரி முன்னணி கதாபாத்திரத்தில் நடிக்கும் திரைப்படம். இப்படத்தில் நாயகியாக மலையாள நடிகை அன்னா பென் நடிக்கிறார். இப்படத்தினை சிவகார்த்திகேயன் தயாரிக்கவுள்ளார். இப்படம் பற்றிய அறிவிப்பு 2023 மார்ச் 10ல் படக்குழு சார்பில் வெளியானது.

நடிகர் சிவகார்த்திகேயன் 'எஸ் கே புரொடக்ஷன்' தயாரிப்பு நிறுவனத்தின் மூலம் ஒரு தயாரிப்பாளராக கோலிவுட் திரையுலகில் வலம் வருகிறார். இவரது எஸ் கே புரொடக்ஷன் மூலம் பல வெற்றி திரைப்படங்கள் உருவாகியுள்ளன. தமிழ் சினிமாவில் முன்னணி தயாரிப்பு நிறுவனங்களில் 'எஸ் கே புரொடக்ஷன்' முக்கியத்துவம் உள்ளதாக உள்ளது.

நடிகர் மற்றும் தயாரிப்பாளரான சிவகார்திகேயன் தொடர்ந்து தனது தயாரிப்பு நிறுவனத்தின் மூலம் நண்பர்களுக்கு உதவி வருகிறார். தனது தயாரிப்பில் முதல் படமே 'கனா' அடுத்து 'நெஞ்சமுண்டு நேர்மையுண்டு ஓடு ராஜா' என அறிமுக இயக்குனர் மற்றும்  தயாரிப்பாளராக தனது நண்பர்களுக்கு உதவி வருகிறார்.

வருத்தப்படாத வாலிபர் சங்கம், ரஜினி முருகன் என பல வெற்றி படங்களில் சூரி - சிவா இணைந்து நடித்துளள்னர். விடுதலை படத்திற்கு பின் சூரி நாயகனாக நடிக்கும் கொட்டுக்காளி படத்தின் சிவகார்த்திகேயன் தயாரிக்கிறார். சமீபத்தில் சிவா தயாரித்த வாழ் போன்ற படங்கள் தோல்வி பெற்ற நிலையில் சூரி படத்தினை இவர் தயாரிப்பது ரிஸ்க் தான். நண்பனுக்காக இந்த ரிஸ்க் எடுத்துள்ளார், சிவகார்த்திகேயன்.