ராயன் முதல் கில்லர்... 2024ல் எஸ் ஜே சூர்யா கைவசம் இருக்கும் 10 முக்கிய திரைப்படங்கள்

இந்தியன் 2 & இந்தியன் 3 - இயக்குனர் ஷங்கர் ஷண்முகம் இயக்கத்தில் கமல் ஹாசன் நாயகனாக நடித்து கலக்கியுள்ள திரைப்படம். இப்படம் இரண்டு பாக படங்களாக இந்த ஆண்டு 2024ல் திரைக்கு வெளிவர திட்டமிடப்பட்டுள்ளது. இப்படத்தில் நடிகர் எஸ் ஜே சூர்யா முக்கிய கதாபாத்திரத்தில் நடித்துள்ளார். இவர் நடித்துள்ள கதாபாத்திரம் பெரும் பாலம் வில்லன் கதாபாத்திரமாக இருக்க அதிக வாய்ப்பு இருக்கிறது.

ராயன் - தமிழ் சினிமாவில் நடிகர், பாடகர், பாடல் ஆசிரியர், இயக்குனர் மற்றும் தயாரிப்பாளர் என பல முகம் கொண்டவர், தனுஷ். தனுஷ் திரைப்பயணத்தில் இவர் நடிக்கும் 50வது திரைப்படமாகும், ராயன். இப்படத்தினை தனுஷ் தானே இயக்கி நடித்துள்ளார். இப்படத்தில் ஒரு முக்கிய கதாபாத்திரத்தில் நடிகர் எஸ் ஜே சூர்யா நடித்துள்ளார். இதனை பற்றிய அதிகாரப்பூர்வ அறிவிப்பு பிப் மாதம் 2024ல் படக்குழு சார்பில் வெளியானது.

எல் ஐ சி - இயக்குனர் விக்னேஷ் சிவன் இயக்கத்தில் பிரதீப் ரங்கநாதன், எஸ் ஜே சூர்யா, கீர்த்தி ஷெட்டி என பல பிரபலங்கள் நடித்து வரும் காதல் திரைப்படம். இப்படத்தின் படப்பிடிப்பு தற்போது விறுவிறுப்பாக நடந்து வருகிறது. இப்படத்தில் எஸ் ஜே சூர்யாவின் கதாபாத்திரம் பெரிய அளவில் பேசப்படும் என எதிர்பார்க்கப்படுகிறது.

வீர தீர சூரன் - இயக்குனர் எஸ் யு அருண் குமார் இயக்கத்தில் இசையமைப்பாளர் ஜி வி பிரகாஷ் குமார் இசையில் சீயான் விக்ரம் நாயகனாக நடிக்கும் திரைப்படம். இப்படத்திற்கு தாற்காலியமாக 'சீயான் 62' என டைட்டில் பொருத்தப்பட்டுள்ளது. இப்படத்தில் நடிகர் எஸ் ஜே சூர்யா ஒரு முக்கிய கதாபாத்திரத்தில் நடித்துள்ளார்.

கவின் 06 - இயக்குனர் சிவபாலன் இயக்கத்தில் கவின், பிரியங்கா மோகன், எஸ் ஜே சூர்யா நடித்திருக்கும் திரைப்படம். இப்படத்தின் இயக்குனர் சிவபாலன், இயக்குனர் நெல்சன் திலீப்குமாரின் உதவி இயக்குனர் ஆவார். இப்படத்தில் நடிகர் எஸ் ஜே சூர்யா முக்கிய கதாபாத்திரத்தில் நடித்துள்ளார்.

கேம் சேன்ஜர் - இயக்குனர் ஷங்கர் ஷண்முகம் இயக்கத்தில் ராம் சரண், கியரா அத்வானி என பல பிரபலங்கள் நடித்திருக்கும் திரைப்படம். இப்படம் நேரடி தெலுங்கு படமாக உருவாகி பின்னர் தமிழ், கன்னட, மலையாளம் என பல மொழிகளில் டப்பிங் செய்து பான் இந்தியா படமாக வெளியாகிறது. இப்படத்தில் நடிகர் எஸ் ஜே சூர்யா ஒரு முக்கிய கதாபாத்திரத்தில் நடித்துள்ளார். இப்படம் 2024 இறுதியில் வெளியாகும் என எதிர்பார்க்கப்படுகிறது.

சரிபோதா சனிவாரம் - தெலுங்கு நடிகர் நானி நடிக்கும் புதிய திரைப்படம். இப்படம் தமிழ் சினிமாவில் சூர்யாவின் சனிக்கிழமை என்ற தலைப்பில் வெளியிட திட்டமிட்டு உருவாகி வருகிறது. இப்படத்தில் நடிகர் எஸ் ஜே சூர்யா முக்கிய கதாபாத்திரத்தில் நடித்துள்ளார்.

கில்லர் - எஸ் ஜே சூர்யா தானே இயக்கி நடிக்கும் புதிய திரைப்படம், கில்லர். 8 ஆண்டுகளுக்கு பின் இப்படத்தின் மூலம் மீண்டும் இயக்குனர் அவதாரம் எடுத்துள்ளார், எஸ் ஜே சூர்யா.

2022ல் வெளியாகி பெரிய அளவில் வரவேற்பினை பெற்று சூப்பர் ஹிட் படமாக கொண்டாடப்பட்ட சர்தார் திரைப்படத்தின் இரண்டாம் பாக திரைப்படம். இப்படத்தில் கார்த்தி, ராசி கண்ணா முன்னணி கதாபாத்திரத்தில் நடிக்க, இயக்குனர் பி எஸ் மித்ரன் இயக்குகிறார். இப்படத்தில் முக்கிய வில்லனாக நடிக்க நடிகர் எஸ் ஜே சூர்யா ஒப்பந்தமாகியுள்ளார். இதனை தொடர்ந்து படக்குழு சார்பில் தற்போது அதிகாரபூர்வ அறிவிப்பும் வெளியாகியுள்ளது.

சிவகார்த்திகேயன், எஸ் ஜே சூர்யா இணைந்து நடித்து கலக்கிய 'டான்' திரைப்படம் 2023ல் வெளியாகி சூப்பர் ஹிட் படமாக கொண்டாடப்பட்டது. இப்படத்தினை தொடர்ந்து மீண்டும் அதே படக்குழு மற்றும் நட்சத்திரங்கள் தற்போது இணைந்துள்ளனர். இப்படத்தில் சிவகார்த்திகேயன், எஸ் ஜே சூர்யா இணைந்து நடிக்க சிபி இயக்கவுள்ளார். இப்படத்திற்கு 'பாஸ்' என்ற தலைப்பு பொருத்தப்பட்டுள்ளது. இன்னும் இதனை பற்றிய அதிகாரபூர்வ அறிவிப்பு வெளியாகவில்லை.