எதிர்நீச்சல்: ஆதிரை உயிர் தப்பினார்! கரிகாலன் குடும்பத்தை சந்தேகிக்கும் ஜனனி

சன் தொலைக்காட்சியில் ஒளிபரப்பாகும் பிரபல மெகா தொடர் சீரியல், எதிர்நீச்சல். இந்த சீரியலை இயக்குனர் திருச்செல்வம் இயக்க கனிகா, மாரிமுத்து, மதுமிதா என பலர் நடித்துள்ளனர். மக்கள் மத்தியில் பெரிய அளவில் வரவேற்பு பெற்று இந்த தொடர் பிரபலமாகியுள்ளது.

ஆதிரையின் காதலுக்கு எதிர்ப்பு தெரிவித்த குணசேகரனை எதிர்க்க முடியாமல், ஆதிரை அதிக தூக்க மாத்திரை எடுத்துக்கொண்டு தற்கொலைக்கு முயற்சி செய்துள்ளார். இவரை காப்பாற்ற சக்தி, ஜனனி, ரேணுகா என பலர் மருத்துவமனைக்கு ஆதிரையை தூக்கிக்கொண்டு காப்பாற்ற சென்றுள்ளனர்.

அதிக தூக்க மாத்திரையை எடுத்துக்கொண்டுள்ள ஆதிரையை மருத்துவர்கள் காப்பாற்றியுள்ளனர். ஆதிரைக்கு என்ன ஆனது என்ற பயமும், அக்கறையும் இல்லாமல் குணசேகரன் வீட்டில் உள்ளார். ஆதிரையின் காதலனை தாக்கிய குற்றத்திற்காக குணசேகரனின் தம்பி கதிரை காவல் துறையினர் கைது செய்துள்ளனர். கரிகாலனின் தாய் காவலரை பார்த்து பதுங்கியது ஜனனிக்கு சற்று சந்தேகம் எழுந்துள்ளது.

காவல் துறையை கண்டு கரிகாலன் மற்றும் அவரது தாய் பதுங்கியதை கண்ட ஜனனிக்கு சந்தேகம் எழுந்துள்ளது. இனி இவர்களின் திட்டத்தை பற்றி ஜனனி கண்டறிய முயற்சிப்பாரா? என இனிவரும் எபிசோடுகளில் தெரிய வரும். ஜெயிலுக்கு சென்ற கதிர் என்ன ஆனார்? மனமுடைந்து வீட்டை விட்டு வெளியேறிய ஞான சுந்தரம் எங்கு இருக்கிறார்? என பல திருப்பங்கள் இந்த வாரம் வெளியாகலாம் என எதிர்பார்க்கப்படுகிறது.

தமிழ் தொலைக்காட்சி சீரியலில் எதிர்நீச்சல் சீரியல் நம்பர் 01 இடத்தை பெற்று புகழ் பெற்றுள்ளது. இந்த தொடரின் சுவாரஸ்யம் மற்றும் உண்மைத்தன்மைகள் மக்கள் மத்தியில் பெரிய அளவில் பேசப்பட்டுள்ளது.