தி லெஜெண்ட்: ஓடிடியில் சர்ப்ரைஸ் என்ட்ரி கொடுத்த அண்ணாச்சி

தி லெஜெண்ட் திரைப்படத்தினை தானே தயாரித்து, நாயகனாக நடித்துள்ளார் திரு. லெஜெண்ட் சரவணன் (சரவணன் அருள்). இப்படத்தினை தமிழ் திரைப்பட இயக்குனர்கள் ஜே.டி மற்றும் ஜெர்ரி இணைந்து இயக்க, தமிழ் பட ஆஸ்தான இசையமைப்பாளர் ஹாரிஸ் ஜெயராஜ் இபபடத்திற்கு இசையமைத்துள்ளார். அறிவியல் புனைவு திரைக்கதையில் உருவாகியுள்ள இப்படம் 2022 ஜூலை 28ல் வெளியானது.

டாக்டர் சரவணன் (லெஜெண்ட் சரவணன்) இந்தியா நாட்டின் ஆஸ்தான விஞ்ஞானி.  இவர் சர்க்கரை நோய்க்கு ஆண்டிபையோட்டிக்ஸ் என்னும் மருந்தை கண்டறிந்து சாதனை படைக்கிறார். ஆனால் இந்த மருந்து மக்களிடம் விநியோகத்திற்கு வந்தால் மருத்துவ வியாபாரம் பல லட்சகோடி நஷ்டமாகும் என பல நாட்டு முன்னணி தனியார் நிறுவனங்கள் தடுக்கின்றனர். இவர்களை லெஜெண்ட் எப்படி சமாளித்தார் என்பதே படத்தின் கதை.

சரவணன் அருள் நடித்த 'தி லெஜெண்ட்' திரைப்படம் தமிழ் மற்றும் தென்னிந்திய சினிமாவில் ஒரு பான் இந்தியா திரைப்படமாக வெளியாகி பலரின் கவனத்தை கவர்ந்தது. இத்திரைப்படத்திற்கு பெரிய அளவில் ப்ரோமோஷன் மற்றும் டிரைலர் லன்ச் என பல நிகழ்ச்சிகள் செய்து பிரம்மாண்டத்தின் உச்சமாக விளம்பரம் செய்துள்ளார், அண்ணாச்சி. இப்படத்தின் ஆட்ட நாயகன் நம்ம அண்ணாச்சி தான். தமிழ் மற்றும் இந்திய அளவில் இப்படத்திற்கு ரசிகர்கள் மத்தியில் நல்ல வரவேற்பு கிடைத்துள்ளது.

2022 ஜூலை 28ல் திரையரங்கில் வெளியாகி வெற்றி வாகை சூடிய இத்திரைப்படம், 2023 மார்ச் 03ல் ஓடிடியில் களமிறங்கியுள்ளது. இத்திரைப்படத்தினை 'டிஸ்னி பிளஸ் ஹாட்ஸ்டார்' ஓடிடி தளத்தில்  தமிழ், தெலுங்கு, மலையாளம், கன்னடம் மொழிகளில் ஸ்ட்ரீமிங் செய்துள்ளனர், படக்குழுவினர். திரையரங்கில் இப்படத்திற்கு கிடைத்த அமோக வரவேற்பு தற்போது ஓடிடி தளத்திலும் கிடைத்துள்ளது. இப்படம் ஓடிடி ஸ்ட்ரீமிங் பற்றிய அதிகாரப்பூர்வமான அறிவிப்பு 2023 மார்ச் 02ல் வெளியானது. இருப்பினும் தி லெஜெண்ட் திரைப்படம் ரசிகர்கள் மத்தியில் வைரல்.

தி லெஜெண்ட் திரைப்படம் உலகளவில் மிக பெரிய எதிர்பார்ப்பில் வெளியானது. இந்திய திரை ரசிகர்கள் மத்தியில் இப்படத்திற்கு கிடைத்துள்ள வரவேற்பு மிக பெரிது. ஒரு அறிமுக நடிகரின் படத்தினை முன்னணி நடிகரின் படத்தினை போல கொண்டாடியுள்ளனர், திரை ரசிகர்கள். வசூல் ரீதியாக இப்படம் பெரிய அளவில் சாதனை படைத்துள்ளது. விமர்சனம் மற்றும் வசூல் என ரசிகர்கள் மத்தியில் இப்படம் கொண்டாடப்பட்டது.

சரவணன் அருள் திரைப்பயணத்தில் இவர் நடித்துள்ள முதல் படத்திற்கு கிடைத்த வரவேற்பினை தொடர்ந்து, நடிகர் லெஜெண்ட் சரவணன் அடுத்த படத்தில் நாயகனாக நடிக்க தயாராகி வருகிறார். இவர் நடிக்கும் புதிய படத்தில் இவரே நாயகனாகவும், தயாரிப்பாளராவும் பணியாற்றுகிறார். இப்படம் இவரின் முதல் படத்தினை போன்று பிரமாண்டமாக உருவாகும் என எதிர்பார்க்கப்படுகிறது.