குணச்சித்திர கதாபாத்திரத்தில் அசத்திய தமிழ் நகைச்சுவை நடிகர்கள்

நாகேஷ் - தமிழ் சினிமாவில் நகைச்சுவை ஜாம்பவான் என கொண்டாடப்பட்ட நடிகர். இவரது திரைப்பயணத்தில் சர்வர் சுந்தரம், அன்பே வா போன்ற படங்களை தொடர்ந்து வசூல் ராஜா, சரவணன், அவ்வை சண்முகி, அபூர்வ சகோதர்கள் வரை பல திரைப்படங்களில் பல்வேறு கதாபாத்திரத்தில் நடித்து தமிழ் திரை ரசிகர்கள் மத்தியில் கொண்டாடப்படுகிறார். இவர் நகைச்சுவை, வில்லத்தனம் மற்றும் குணச்சித்திர கதாபாத்திரம் என பல திரைப்படங்களில் நடித்து பெரிய அளவில் கொண்டாடப்பட்டு பிரபலமானவர்.

வடிவேலு - இந்திய சினிமாவையே திரும்பிப்பார்க்க செய்த தமிழ் திரைப்பட நகைச்சுவை நடிகர். பல ஆண்டுகளாக தமிழ் சினிமாவில் ஒரு பெரும் ரசிகர் கூட்டத்தை கொண்ட நகைச்சுவை நடிகர் ஆவார். இவர் பல தமிழ் படங்களில் நகைச்சுவை, குணச்சித்திர கதாபாத்திரம் மற்றும் நாயகனாக நடித்து கலக்கி வருகிறார். தற்போது இவர் உதயநிதி நடிக்கும் மாரி செல்வராஜ் இயக்கும் மாமன்னன் திரைப்படத்தில் ஒரு முக்கிய கதாபாத்திரத்தில் நடித்து வருகிறார். இவரது கதாபாத்திரம் பெரிய அளவில் சிறப்புடையதாக உருவாகி வருகிறது.

விவேக் - தமிழ் சினிமாவில் தனக்கென ஒரு அடையாளத்தினை கொண்ட நடிகர் ஆவார். இவரது கதாபாத்திரத்தில் நகைச்சுவை உடன் சில தேசப்பற்று உடைய நல்ல கருத்துகளையும் கூறி மக்கள் மத்தியில் பிரபலமானவர். இவரை தமிழ் சினிமாவில் சின்னக்கலைவாணர் என்று அழைத்துள்ளனர். இவரது நடிப்பில் பல திரைப்படங்கள் உருவாகியுள்ள நிலையில் இவரது சிறந்த நடிப்பை வெளிக்காட்டுவதற்காக வெள்ளைப்பூக்கள் போன்ற சில முக்கிய தமிழ் திரைப்படங்கள் உருவாகியுள்ளன.

வின்னர் என பல படங்களில் யாரும் காணப்படாத கதாபாத்திரத்தில் நடித்து தமிழ் சினிமாவில் அறிமுகமாகி, வெண்ணிலா கபடி குழு படத்தின் மூலம் பரோட்டா சூரியாக தமிழ் சினிமாவில் பிரபலமானவர், சூரி. இவர் பல தமிழ் திரைப்படங்களில் நகைச்சுவை கதாபாத்திரம் ஏற்று நடித்து கலக்கியுள்ளார். இவரது திரைப்பயணத்தில் வருத்தப்படாத வாலிபர் சங்கம், கடைக்குட்டி சிங்கம், ஜீவா என பல திரைப்படங்களில் நகைச்சுவை கதாபாத்திரத்தில் நடித்து பெரிய அளவில் தமிழ் சினிமாவில் பிரபலமாகியுள்ளார். இவர் 2023ல் வெற்றிமாறன் இயக்கிய விடுதலை படத்தில் நடித்து பலரின் கவனத்தை கவர்ந்துள்ளார். இப்படத்தின் மூலம் நாயகனாகவும் இவர் அவதரித்துள்ளார். விடுதலை படத்தில் இவர் ஏற்று நடித்துள்ள கதாபாத்திரம் பலர் மத்தியில் பேசப்பட்டு பிரபலமாகி உள்ளது.

கோவை சரளா - தமிழ் சினிமாவில் நகைச்சுவையாளராக பிரபலமான நடிகை. இவர் பல தமிழ் திரைப்படங்களில் நடித்துள்ளார். சமீபத்தில் வெளியாகி தமிழ் சினிமாவில் பலரின் கவனத்தை கவர்ந்த செம்பி திரைப்படத்தில் கோவை சரளா ஒரு முக்கிய குணச்சித்திர கதாபாத்திரத்தில் நடித்துள்ளார். இவரது கதாபாத்திரம் பெரிய அளவில் பேசப்பட்டு பல விருதுகளையும் அள்ளியுள்ளது.

யோகி பாபு - தமிழ் சினிமாவில் நகைச்சுவை நடிகராக கொண்டாடப்படும் நடிகர் ஆவார். இவர் தமிழ் சினிமாவில் பல திரைப்படங்களில் நடித்து வருகிறார். 2021ல் இவர் நடித்த மண்டேலா திரைப்படம் தமிழ் சினிமாவில் பெரிய அழகில் பேசப்பட்டது. தற்போது இவர் பல திரைப்படங்களில் நாயகன், நகைச்சுவை மற்றும் குணச்சித்திரம் என வெவ்வேறு கதாபாத்திரத்தில் நடித்து வருகிறார்.

தம்பி ராமையா - நகைச்சுவை நடிகர், குணச்சித்திர கதாபாத்திரம், நாயகன் மற்றும் வில்லன் நடிகராக தமிழ் சினிமாவில் பல அவதாரத்தில் நடித்து பலரின் அன்பை கவர்ந்துள்ளார். இவரது நடிப்பில் சாட்டை, அடுத்த சாட்டை, வினோதய சித்தம், போன்ற திரைப்படங்களை தொடர்ந்து தற்போது ராஜாகிளி திரைப்படம் உருவாகி வருகிறது.

தமிழ் சினிமாவில் 2000ம் காலகட்ட திரைப்படங்களில் இருந்து நகைச்சுவை நடிகராக நடித்து வருபவர், கருணாஸ். இவர் நந்தா படத்தின் மூலம் பலரின் கவனத்தை கவர்ந்து ஒரு முக்கிய நகைச்சுவை நடிகராக புகழ் பெற்றுள்ளார். தம், குத்து, கட்ட குஸ்தி என பல திரைப்படங்களில் நடித்து பெரிய அளவில் கொண்டாடப்படும் நடிகராக புகழ் பெற்றுள்ள இவர், ஆதார், திண்டுக்கல் சாரதி, அம்பாசமுத்திர அம்பானி போன்ற படங்களில்  திரைப்படங்களின் மூலம் ஒரு குணச்சித்திர நடிகராகவும் பிரபலமாகியுள்ளார்.

விஜய் தொலைக்காட்சியில் கலக்கப்போவது யாரு?, குக் வித் கோமாளி போன்ற ரியாலிட்டி நிகழ்ச்சிகள் மூலம் பலரின் அன்பை பெற்றவர், புகழ். இவர் தற்போது தமிழ் வெள்ளித்திரையில் பல திரைப்படங்களில் நகைச்சுவை கதாபாத்திரம் ஏற்று நடித்து வருகிறார். தற்போது 2023ல் வெளியான ஆகஸ்ட் 16 1947 என்ற திரைப்படத்தில் இவர் ஒரு முக்கிய கதாபாத்திரத்தில் நடித்து கலக்கியுள்ளார். இவரின் இந்த கதாபாத்திரம் பலர் மத்தியில் பேசப்பட்டு பிரபலமாகியுள்ளது.

ஆடுகளம் முருகதாஸ் - தமிழ் சினிமாவில் ஆடுகளம் திரைப்படத்தில் நடித்து தனது திரைப்பயணத்தை தொடங்கியவர். இவர் தமிழ் சினிமாவில் பல திரைப்படங்களில் நடித்து வந்துள்ளார். இவரது நடிப்பில் விசாரணை, ராஜா மகள் திரைப்படம் இவரது சிறந்த நடிப்பை வெளிக்காட்டி இவரை ஒரு நடிகராகவும் தமிழில் பிரபலமாக்கியுள்ளது.