Vaazhai OTT: ஹாட்ஸ்டார் ஓடிடியில் லேட்டஸ்ட் பிளாக்பஸ்டர் வாழை.. அக்டோபர் 11 முதல்!

வாழை - இயக்குனர் மாரி செல்வராஜ் இயக்கத்தில் கலையரசன், நிகிலா விமல், பொன்வேல் என தமிழ் சினிமா பிரபலங்கள் பலர் நடித்திருக்கும் திரைப்படம். இப்படத்தினை தயாரிப்பாளர் சஜித் சிவானந்தன், திவ்யா மாரி செல்வராஜ், திலீப் சுப்பாராயன் ஆகியோர் இணைந்து நாவ்வி ஸ்டுடியோஸ், பார்மர் மாஸ்டர் பிளான் புரொடக்சன்ஸ் நிறுவனத்தின் மூலம் தயாரிக்க, இசையமைப்பாளர் சந்தோஷ் நாராயணன் இசையமைத்துள்ளார்.

தமிழ் ரசிகர்கள் கண்டு ரசிக்கும் வகையில் ஒரு பீல் குட் திரைப்படமாக உருவாகியுள்ள இப்படத்திற்கு ஒளிப்பதிவாளர் தேனி ஈஸ்வர் ஒளிப்பதிவு செய்ய, படத்தொகுப்பாளர் சூர்யா பிரதமன் எடிட்டிங் செய்துள்ளார்.

தமிழ் சினிமா பிரபல தயாரிப்பு நிறுவனங்களான நாவ்வி ஸ்டுடியோஸ், பார்மர் மாஸ்டர் பிளான் புரொடக்சன்ஸ் மற்றும் டிஸ்னி பிளஸ் ஹாட்ஸ்டார் நிறுவனம் இணைந்து தயாரித்துள்ள இப்படத்தினை உதயநிதி ஸ்டாலினின் 'ரெட் ஜெயண்ட் மூவிஸ்' நிறுவனம் விநியோகம் செய்துள்ளது.

தனது இளம் பருவத்தில் நடந்த ஒரு சம்பவத்தை அடிப்படையாக கொண்டு இப்படத்தினை இயக்கியுள்ளார், இயக்குனர் மாரி செல்வராஜ்.

1999ல் திருநெல்வேலி நகரத்தை மையமாக கொண்டு இந்த வாழை படத்தின் கதை அமைந்துள்ளது. திருநெல்வேலி நகரத்தில் புளியங்குளம் கிராமத்தில் இப்படத்தின் நாயகன் சிவனைந்தன், தனது தாய் மற்றும் அக்கா திவ்யா துரைசாமி ஆகியோரோடு வாழ்ந்து வருகிறார்.

சிவனைந்தனின் உயிர் நண்பன் சேகர். இருவரும் பள்ளியில் படித்துக்கொண்டு வருகின்றனர். தனது பெற்றோர் பட்ட கடனுக்காக பள்ளி விடுமுறை நாட்களில் வாழை தோட்டத்திற்கு வேளைக்கு செல்கிறார், சிவனைந்தன். சிறுவயதில் அப்பா இறந்துவிட அம்மா அக்காவுடன் இணைந்து விடுமுறை தினங்களில் அரைமனதில் வேளைக்கு செல்கிறான், சிவனைந்தன்.

பள்ளியில் அதிக மதிப்பெண் எடுக்கும் திறமைசாலி, படிப்பில் அதிக ஆர்வம் கொண்ட சிவனைந்தன், தனது நன்பன் சேகர் உடன் இணைந்து குழந்தை பருவத்தில் மகிழ்ந்து வருகிறார். ஆனால் பள்ளி இல்லை என்றால் சந்தோஷமாக விளையாடக் கூட முடியாத சூழலில் உள்ளார், சிவனைந்தன்.

சிவனைந்தன் ரஜினி ரசிகர், சேகர் கமல் ரசிகர். அந்த கிராமத்தில் வாழும் கலையரசன் அந்த ஊர் பெரிய ஜாதி சேர்ந்த நபர்களுடன் இணைந்து சம்பளம் அதிகம் வேண்டும் என போராடுகிறார். ஒரு நாள் பள்ளி விடுமுறை தினத்தில் சிவனைந்தன் வேளைக்கு போகாமல் வேறு ஒரு இடத்திற்கு செல்கிறார். அதே நாள் அந்த ஊரில் மாடு ஒன்று காணாமல் போகிறது. பின் என்ன நடக்கிறது என்பது தான் படத்தின் கதை.

வாழை படம் திரையரங்கில் வெளியாகும் முன்பே இப்படத்தினை திரைப்பட முக்கிய நட்சத்திரங்களுக்கு காண்பித்து அவர்களின் கருத்துகள் மற்றும் விமர்சனத்தை இப்படத்திற்கு ப்ரோமோஷன் யுக்தியாக பயன்படுத்தியுள்ளனர், படக்குழுவினர். இப்படம் வெளியாகி விமர்சனம் ரீதியில் தமிழ் சினிமா ரசிகர்கள் மத்தியில் கொண்டாடப்படுகிறது. எந்த எதிர்பார்ப்பும் இல்லாமல் வெளியான இப்படம் விமர்சனம் மற்றும் வசூல் என தமிழ் சினிமாவில் சக்க போடு போட்டு இந்த ஆண்டின் பிளாக்பஸ்டர் பட வரிசையில் இணைந்துள்ளது. இப்படத்திற்கு 3.5/5 ரேட்டிங் அளிக்கப்பட்டுள்ளது.

மாரி செல்வராஜ், தமிழ் சினிமாவில் கர்ணன், பரியேறும் பெருமாள், மாமன்னன் படங்கள் மூலம் பல ரசிகர்கள் மத்தியில் பிரபலமானவர். இவருக்கு சினிமாவில் ஆதரவு மற்றும் எதிர்ப்பு என இரு வகையிலும் படை இருக்கிறது. ஜனரஞ்கமான படமாக வாழை படம் வெளியாகி பலர் மத்தியில் நல்ல வரவேற்ப்பு பெற்று ஹிட் படமாக புகழ் பெற்றுள்ளது. தற்போது வாழை படத்தின் ஓடிடி அறிவிப்புகள் இங்கு உள்ளது.

வாழை படம் தமிழ் சினிமாவில் 2024 ஆகஸ்ட் 23ல் வெளியானது. இப்படத்தினை பல திரையரங்கில் ரசிகர்கள் கொண்டாடி வெற்றி படமாக மாற்றியுள்ளனர். தமிழ் சினிமாவில் பெரிய அளவில் வரவேற்பினை பெற்றுள்ள வாழை படத்தின் ஓடிடி ஸ்ட்ரீமிங் டிஜிட்டல் உரிமையை 'டிஸ்னி பிளஸ் ஹாட்ஸ்டார்' ஓடிடி கைப்பற்றியுள்ளது. 

இப்படத்தினை 2024ஆம் ஆண்டு அக்டோபர் 11ல் ஓடிடியில் வெளியிட இப்படக்குழு திட்டமிட்டுள்ளது. இதனை தொடர்ந்து இப்படத்தின் ஓடிடி ரிலீஸ் பற்றிய அதிகாரபூர்வ அறிவிப்பு தற்போது வெளியாகியுள்ளது.