கான்ஜுரிங் கண்ணப்பன் முதல் ஹாய் நான்னா: இந்த வார ரிலீஸ் படங்களில் பெஸ்ட் தமிழ் மூவி எது தெரியுமா?

ஹாய் நான்னா - இயக்குனர் சவுரவ் இயக்கத்தில் நானி, மிருணாள் தாகூர், ஸ்ருதி ஹாசன் என பலர் நடித்திருக்கும் காதல் & குடும்பத்திரைப்படம். இப்படத்தினை தயாரிப்பாளர் மோகன் செருகுரி தயாரிக்க, இசையமைப்பாளர் ஹெஷம் அப்துல் வஹாப் இசையமைத்துள்ளார். இப்படம் தமிழ், தெலுங்கு, கன்னட, மலையாளம், மற்றும் ஹிந்தி மொழியில் உருவாகி ஒரு...

தீ இவன் - திரு. ஜெயமுருகன் முத்துசாமி தானே இயக்குனராகவும், தயாரிப்பாளராகவும், இசையமைப்பாளராகவும் பணியாற்றியுள்ள திரைப்படம். இப்படத்தில் 'நவரச நாயகன்' கார்த்தி நாயகனாக நடிக்க, சுகன்யா, சன்னி லியோன் என பல முன்னணி பிரபலங்கள் நடித்துள்ளனர். இப்படம் 2023 டிசம்பர் மாதம் 8ல் வெளியாகியுள்ளது.குடும்ப கதையில் உருவாகியுள்ள...

கான்ஜூரிங் கண்ணப்பன் - இயக்குனர் செல்வின் ராஜ் சேவியர் இயக்கத்தில் சதீஸ், ரெஜினா, நாசர், சரண்யா பொன்வண்ணன் என பல முன்னணி பிரபலங்கள் நடித்திருக்கும் நகைச்சுவை - திகில் திரைப்படம். இப்படத்தினை கே ஜி எஸ் தயாரிப்பு நிறுவனத்தின் உரிமையாளர் கல்பாத்தி அர்ச்சனா, கல்பாத்தி சுரேஷ் இணைந்து தயாரிக்க, இசையமைப்பாளர் யுவன் ஷங்கர்...

அவள் பெயர் ரஜினி - இயக்குனர் வினில் ஸ்கரியா வர்கீஸ் இயக்கத்தில் காளிதாஸ் ஜெயராம், நமிதா பிரமோத், அஸ்வின், ரெபா மோனிகா என பலர் நடித்திருக்கும் திரைப்படம். இப்படம் தமிழ் & மலையாளம் என இரு மொழி படமாக உருவாகி 2023, டிசம்பர் 1ல் வெளியாகிறது.இப்படத்தினை தயாரிப்பாளர் ஸ்ரீஜித் தயாரிக்க, 4 மியூசிக் இசைக்குழு இணைந்து...

அண்ணன் - தங்கை பாசத்தை மையமாக கொண்டு இப்படத்தின் திரைக்கதை வடிவமைக்கப்பட்டுள்ளது. கோவை மாவட்டத்தில் உள்ள ஒரு கிராமத்தில் நடிகர் கார்த்தி தனது குடும்பத்துடன் வாழ்ந்து வருகிறார். ஒரு காதல் இவர்களின் குடும்பத்திற்குள் வர அதனால் அண்ணன் - தங்கை உருவு தடையாகிறது. பின் அதனை கார்த்தி எப்படி சமாளித்தார் என்பதே படத்தின் கதை.

பெரிய போட்டோகிராஃபராக வர வேண்டும் என விராஜ் (நானி) முயற்சித்து வருகிறார். அவருக்கும் வர்ஷாவுக்கும் (மிருணாள் தாகூர்) காதல் ஏற்பட்டு அந்த காதல் திருமணத்தில் முடிகிறது. அந்த தம்பதியினருக்கு பெண் குழந்தை பிறக்கிறது. அப்படியே சில காலங்கள் முன் நகர்ந்து செல்கிறது. பிரபல புகைப்படக் கலைஞராக நானி உள்ளார். நுரையீரல் பாதிப்பால் அவதிப்படும் தனது மகள் மகீயை சிங்கிள் பேரன்ட்டாக வளர்த்து வருகிறார். அப்போது, யாஷ்னா (மிருணாள் தாகூர்) அந்த குழந்தையை பார்த்துக் கொள்ள வருகிறார். வர்ஷாவுக்கு என்ன ஆனது? யாஷ்னா யார்? என்பதே ஹாய் நான்னா படத்தின் கதை.

கேமிங் துறையில் அதிக ஆர்வம் கொண்ட சதீஷ், வேலை தேடி வருகிறார். ட்ரீம் கேட்சர் எனப்படும் சூனியம் செய்து வைக்கப்பட்ட ஒரு பொருளை எடுத்து அதில் உள்ள ரெக்கை ஒன்றை எடுத்துவிடுகிறார். இதனால், சதீஷ் எப்போது எப்போதெல்லாம் தூக்கம் வருகிறதோ, அப்போதெல்லாம் கனவு உலகத்தில் பேயிடம் மாட்டிக்கொள்கிறார். பின் தன்னை போலவே தனது குடும்பத்தினரும் அதில் சிக்கிக் கொள்ள கடைசியில் என்ன ஆகிறது என்பது தான் இந்த படத்தின் நகைச்சுவை - திகில் கதை. 

இந்த வாரம் டிசம்பர் 8ல் தமிழ் சினிமாவில் தீ இவன், கான்ஜுரிங் கண்ணப்பன் என இரு படங்கள் வெளியாகியுள்ளன. பின் ஹாய் நான்னா என்ற ஒரு பான் இந்திய திரைப்படம் வெளியாகி பலரால் கொண்டாடப்படுகிறது. அவள் பெயர் ரஜினி என்னும் மலையாளம் திரைப்படத்தின் தமிழ் டப்பிங் வெளியாகியுள்ளது. இந்த வாரம் வெளியான இந்த 4 படங்களில் விமர்சனம் & வசூல் என சில படங்கள் தான் ரசிகர்களால் கொண்டாடப்படுகிறது.

இந்த வாரம் வெளியான படங்களில் பான் இந்தியா படமாக வெளியான நானி நடித்துள்ள ஹாய் நான்னா திரைப்படம் சிறந்த படமாக தேர்வாகியுள்ளது. சிறந்த திரைக்கதை மற்றும் வசூல் - விமர்சனம் என இப்படம் ரசிகர்களின் ஆதரவை பெற்றுள்ளது. இந்த வாரம் வெளியான படங்களில் அதிக ரேட்டிங் பெற்றுள்ள படமாக இப்படம் கொண்டாடப்படுகிறது.