அனிருத் எங்கே? விஜய் ரசிகர்கள் மத்தியில் 'கோட்' பாடலுக்கு எதிராக எழுந்த சலசலப்பு

தி கிரேட்ஸ்ட் ஆஃப் ஆல் டைம் (கோட்) - இயக்குனர் வெங்கட் பிரபு இயக்கத்தில் 'தளபதி' விஜய் நாயகனாக நடிக்கும் அதிரடி - திரில்லர் திரைப்படம். இப்படத்தினை 'AGS என்டர்டைன்மென்ட்'நிறுவனம் தயாரிக்க, இசையமைப்பாளர் யுவன் ஷங்கர் ராஜா இசையமைத்துள்ளார். இப்படத்தில் மீனாக்ஷி சௌத்திரி, பிரஷாந்த், பிரபு தேவா, அஜ்மல் என பல தமிழ் சினிமா நட்சத்திரங்கள் நடித்துள்ளனர்.

'சென்னை 600028' திரைப்படத்தின் மூலம் இயக்குனராக அறிமுகமான வெங்கட் பிரபு அடுத்தடுத்து பல வெற்றி படங்கள் இயக்கி தற்போது முக்கிய முன்னணி இயக்குனராக புகழ் பெற்றுள்ளார். அஜித் குமார் நடிப்பில் வெங்கட் பிரபு இயக்கிய 'மங்காத்தா' திரைப்படம் பெரிய அளவில் ரசிகர்கள் மத்தியில் கொண்டாடப்பட்டு இவருக்கு புகழை பெற்று தந்துள்ளது. சமீபத்தில் சிலம்பரசன் நடித்த 'மாநாடு' என்ற வெற்றி படத்தினை இவர் இயக்கியுள்ளார்.

தி கிரேட்ஸ்ட் ஆஃப் ஆல் டைம் (கோட்) திரைப்படத்தின் இந்த ஆண்டு 2024 செப்டம்பர் மாதம் 5ஆம் தேதியில் வெளியிட திட்டமிட்டுள்ளனர், கோட் படக்குழுவினர். லியோ படம் வெளியானதும் விஜய்யின் அரசியல் அறிவிப்புக்கு பிறகு விஜய் ரசிகர்கள் மத்தியில் இப்படம் பெரிய அளவில் எதிர்பார்ப்பை எகிற வைத்துள்ளது. இந்த 2024ஆம் ஆண்டின் விநாயகர் சதுர்த்தி பண்டிகைக்கு இப்படம் வெளியாக தயாராகி வருகிறது.

தி கிரேட்ஸ்ட் ஆஃப் ஆல் டைம் (கோட்) திரைப்படத்தின் ஃபர்ஸ்ட் சிங்கிள் பாடலான 'விசில் போடு' பாடலின் லிரிக் வீடியோ 2024 ஏப்ரல் 14ல் வெளியானது. திடிர் அறிவிப்பாக இப்படத்தின் ப்ரோமோஷன் பணிகளை தொடங்கியுள்ளனர், படக்குழுவினர். 'விசில் போடு' பாடல் வெளியாகி தமிழகம் முழுவதும் பெரிய அளவில் ட்ரெண்டி ஆகியுள்ளது.

தி கிரேட்ஸ்ட் ஆஃப் ஆல் டைம் (கோட்) திரைப்படத்தின் முதல் பாடலான 'விசில் போடு' பாடல் வெளியாகி ரசிகர்கள் மத்தியில் சலசலப்பை ஏற்படுத்தியுள்ளது. புதிய கீதை படத்திற்கு பின்பு தற்போது தான் விஜய் - யுவன் ஷங்கர் ராஜா கூட்டணி கோலிவுட் சினிமாவில் அமைந்துள்ளது. 

விஜய் நடிக்கும் திரைப்படங்களில் இருந்து வெளியாகும் முதல் பாடல் ரசிகர்கள் மத்தியில் பெரிய அளவில் தாக்கத்தை ஏற்படுத்தி சமூக வலைத்தளம் மற்றும் அந்த ஆண்டின் ட்ரெண்டிங் பாடலாக ஜொலிக்கும். ஆனால் தற்போது வெளியாகியுள்ள 'விசில் போடு' பாடல் பெரிய அளவில் பேசப்படவில்லை.

சமீப காலமாக தமிழ் சினிமாவில் இசை ஜாம்பவானாக அவதரித்து ரசிகர்கள் மத்தியில் கொண்டாடப்படுகிறார், அனிருத் ரவிச்சந்தர். விஜய் நடித்த லியோ திரைப்படத்திற்கும் அனிருத் இசையமைத்திருந்தார். ஜெயிலர், இந்தியன் 2, விக்ரம், லியோ என பல முன்னணி நடிகர்களின் திரைப்படத்திற்கு இசையமைக்கும் அனிருத், தனது இசையால் பெரிய நடிகர்களின் ரசிகர்களை மகிழ்வித்து வருகிறார்.

பின்னணி இசை, பில்டப் பாடல்கள் என ரசிகர்களின் ரசனைகளுக்கு ஏற்ப அனிருத் இசை அமைந்து வருகிறது. தற்போது விஜய் நடிப்பில் உருவாகியிருக்கும் கோட் படத்தின் ஃபர்ஸ்ட் சிங்கிள் வெளியாகியுள்ள நிலையில், இந்த பாடலை விஜய் நடித்த லியோ படத்தின் பாடல்களோடு ஒப்பிட்டு ரசிகர்களை வேதனை. லியோ படத்தின் பாடல் தரத்திற்கு இந்த விசில் போடு பாடல் இல்லை என விஜய் ரசிகர்கள் சமூக வலைத்தளத்தில் 'அனிருத் எங்கே?' என தங்களின் கருத்துகளை பகிர்ந்து வருகின்றனர்.