அட்லீ முதல் ஹச் வினோத்.. பிளாப் வரிசையில் சிக்காத 6 தமிழ் சினிமா இயக்குனர்கள்

ஹச் வினோத் - இயக்குனர் விஜய் மில்டனின் உதவி இயக்குனரான இவர், 2014-ம் ஆண்டு மனோபாலா தயாரிப்பில் வெளிவந்த சதுரங்க வேட்டை திரைப்படத்தின் இயக்குனர் ஆவார். இத்திரைப்படத்தின் மூலம் திரையுலகில் இயக்குனராக அறிமுகமாகியுள்ளார்.

இத்திரைப்படத்தின் வெற்றியை தொடர்நது இவர் கார்த்தி நடிப்பில் வெளியான தீரன் அதிகாரம் ஒன்று திரைப்படத்தினை இயக்கியுள்ளார். இந்த இரு திரைப்படத்தின் மாபெரும் வெற்றியின் மூலம் இவர் திரையுலகில் நட்சத்திர இயக்குனராக அறியப்பட்டார். 

நடிகர் அஜித் குமார் நாயகனாக வைத்து நேர்கொண்ட பார்வை, வலிமை மற்றும் துணிவு ஆகிய படங்கள் இயக்கி வெற்றி இயக்குனராக பிரபலமாகியுள்ளார், ஹச் வினோத். தற்போது தளபதி 69 படத்தினை இயக்க ஒப்பந்தம் செய்யப்பட்டுள்ளார்.

வெற்றிமாறன் இயக்குனராக தமிழில் 2007ம் ஆண்டு பொல்லாதவன் திரைப்படத்தினை இயக்கி அறிமுகமாகியுள்ளார். இப்படத்தினை தொடர்ந்து நடிகர் தனுஷ் உடன் இணைந்து ஆடுகளம், அசுரன், வடசென்னை என பல வெற்றி படங்களை இயக்கியுள்ளார், வெற்றிமாறன். விசாரணை மற்றும் விடுதலை என உண்மை சம்பவ கதைகளையும் இயக்கி ரசிகர்கள் மத்தியில் கொண்டாடப்படுகிறார், வெற்றிமாறன். 

இவரது இயக்கத்தில் வெளியான ஆடுகளம், அசுரன், விசாரணை ஆகிய திரைப்படங்கள் பல தேசிய விருதுகளை வென்றுள்ளது.

அட்லீ குமார் - இவர் 2013-ம் ஆண்டு வெளிவந்த ராஜா ராணி திரைப்படத்தினை இயக்கி இயக்குனராக திரைத்துறையில் அறிமுகமானவர். இத்திரைப்படத்தின் வெற்றியை தொடர்ந்து இவர் விஜய்யின் தெறி திரைப்படத்தினை இயக்கி பிரபலமானவர்.

இவர் திரைத்துறையில் இயக்கிய ராஜா ராணி திரைப்படத்திற்காக இவருக்கு அறிமுக இயக்குனருக்கான விருதுகள் பல வென்றுள்ளார். இவர் 2017-ம் ஆண்டு இயக்கிய மெர்சல் திரைப்படமானது உலகளவில் பிரபலமானது. நடிகர் விஜய் உடன் இணைந்து தெறி, மெர்சல் மற்றும் பிகில் படங்களை இயக்கி பணியாற்றியுள்ளார். இந்த 3 படங்களும் பெரிய அளவில் வசூலை அள்ளிக்குவித்துள்ளது.

தற்போது ஹிந்தி சினிமாவில் ஜவான் படத்தினை இயக்கி இந்திய சினிமா அளவில் முன்னணி இயக்குனராக புகழ் பெற்றுள்ளார், அட்லீ குமார்.

ஒரு வங்கியில் வேலை செய்து வந்துள்ள லோகேஷ் கனகராஜ், நாளைய இயக்குனர் என்னும் ரியாலிட்டி நிகழ்ச்சியில் போட்டியாளராக பங்கேற்று பிரபலமானார். பின் இயக்குனர் கார்த்திக் சுப்பராஜ் தயாரித்த அவியல் என்னும் படத்தில் ஒரு சிறிய கதையை இயக்கி இயக்குனராக அவதரித்தார், லோகேஷ் கனகராஜ்.

மாநகரம் படத்தினை இயக்கி 2017ஆம் இயக்குனராக திரையுலகில் அறிமுகமான லோகேஷ் கனகராஜ் - கைதி, மாஸ்டர், லியோ, விக்ரம் என பல வெற்றி படங்கள் இயக்கி முன்னணி தமிழ் சினிமா இயக்குனராக புகழ் பெற்றுள்ளார். வசூல் ரீதியாக இவர் இயக்கிய படங்கள் பெரிய அளவில் வெற்றி பெற்றுள்ளது.

2010ஆம் ஆண்டு நடிகர் சிலம்பரசன் நடிப்பில் உருவான "வேட்டை மன்னன்" திரைப்படத்தின் இயக்குனர் ஆவார், நெல்சன் திலீப்குமார். இத்திரைப்படமானது இவர் தமிழ் சினிமாவில் இயக்குனராக அறிமுகமான முதல் திரைப்படம். தான் இயக்கிய முதல் திரைப்படம், பாதியில் நிறுத்தப்பட்ட காரணத்தால், மீண்டும் இவர் படவாய்ப்புகளை இழந்து தனது திரைப்பயணத்தை தொடக்கத்தில் இருந்து துவங்கம் நிலைக்கு தள்ளப்பட்டார்.

2018-ஆம் ஆண்டு கோலமாவு கோகிலா என்ற பிரமாண்ட வெற்றி படத்தினை இயக்கிய நெல்சன், பின் சிவகார்த்திகேயனின் டாக்டர், விஜய்யின் பீஸ்ட், ரஜினிகாந்த் நடிக்க ஜெயிலர் என திரைப்படங்களை இயக்கியுள்ளார். இவர் இயக்கிய அணைந்து திரைப்படங்களும் பெரிய அளவில் வெற்றி பெற்றுள்ளது.

மாரி செல்வராஜ் - தமிழ் சினிமா இயக்குனர், இவர் இயக்குனர் ராம் இயக்கிய படங்களில் உதவி இயக்குனராக பணியாற்றி தமிழ் சினிமாவில் அறிமுகமாகியுள்ளார். பரியேறும் பெருமாள், கர்ணன், மாமன்னன், வாழை என பல வெற்றி படங்கள் இயக்கி தமிழ் சினிமா முன்னணி இயக்குனர்களில் ஒருவராக பிரபலமாகியுள்ளார், மாரி செல்வராஜ்.