நடிகை நயன்தாராவின் திரைப்பயணத்தில் அடுத்தடுத்து உருவாகும் பிரமாண்ட திரைப்படங்கள்

ஜவான் - இயக்குனர் அட்லீ இயக்கத்தில் ஷாருக்கான் முன்னணி கதாபாத்திரத்தில் நடிக்கும் அதிரடி-திரில்லர் திரைப்படம். இப்படத்தில் நடிகை நயன்தாரா முன்னணி நடிகை கதாபாத்திரத்தில் நடித்து வருகிறார். இத்திரைப்படத்தின் மூலம் ஹிந்தி சினிமாவில் அறிமுகமாகியுள்ளார், நயன்தாரா. பிரமாண்ட முறையில் உருவாகி வரும் இப்படத்தினை தொடர்ந்து நடிகை நயன்தாராவுக்கு ஹிந்தி பட வாய்ப்புகள் வருகின்றன. ராஜா ராணி, பிகில் படத்தினை தொடர்ந்து அட்லீ இயக்கத்தில் நயன்தாரா இப்படத்தில் நடித்துள்ளார்.

இறைவன் - இயக்குனர் அஹ்மத் இயக்கத்தில் ஜெயம் ரவி மற்றும் நயன்தாரா முன்னணி கதாபாத்திரத்தில் நடிக்கும் திரைப்படம். இப்படத்தின் இயக்குனர் அஹ்மத் இப்படத்திற்கு முன் மனிதன், என்றென்றும் புன்னகை போன்ற படங்களை இயக்கி தமிழ் சினிமாவில் ஒரு அங்கீகாரத்தினை பெற்றவர். தனி ஒருவன் திரைப்படத்திற்கு பிறகு ஜெயம் ரவி - நயன்தாரா கூட்டணி இப்படத்தில் நிகழ்ந்துள்ளது.

டெஸ்ட் - வொய் நாட் ஸ்டுடியோஸ் நிறுவனத்தின் உரிமையாளர் எஸ் சஷிகாந்த் இயக்கும் திரில்லர் திரைப்படத்தில் நயன்தாரா, மாதவன் மற்றும் சித்தார்த் இணைந்து நடிக்கின்றனர். இப்படத்தின் அறிவிப்பு 2023 ஆம் ஆண்டு மார்ச் மாதம் படக்குழு சார்பில் வெளியிடப்பட்டது.

நயன்தாரா 75 - இன்னமும் அதிகாரப்பூர்வமாக டைட்டில் வெளியாகாமல் உருவாகி வரும் நடிகை நயன்தாரா நடிக்கும் 75வது திரைப்படம். இப்படத்தினை அறிமுக இயக்குனர் நிலேஷ் கிருஷ்ணா இயக்குகிறார்.

இயக்குனர் துரை செந்தில் குமார் இயக்கத்தில் நடிகை நயன்தாரா முன்னணி கதாபாத்திரத்தில் நடிக்கும் திரைப்படம். இப்பாத்திற்கு அதிகாரப்பூர்வமாக தலைப்பு இன்னும் வெளியாகவில்லை. இப்படம் நடிகை நயன்தாரா திரைப்பயணத்தில் இவர் நடிக்கும் 81வது திரைப்படமாகும். இப்படத்தின் இயக்குனர் துரை செந்தில் குமார் இப்படத்திற்கு முன் அதிகாரம் என்னும் படத்தினை இயக்கியுள்ளார்.

2015ஆம் ஆண்டு ஜெயம் ரவி - நயன்தாரா - அரவிந்த் சாமி கூட்டணியில் உருவான தனி ஒருவன் படத்தினை இயக்கி மாபெரும் வெற்றி பெற்றவர், இயக்குனர் மோகன் ராஜா. இவர் அடுத்ததாக தனி ஒருவன் 2 படத்தினை இயக்க தயாராகியுள்ளார். இப்படத்தின் படப்பிடிப்பு இந்த வருடம் இறுதியில் தொடங்க இருப்பதாக சமீபத்தில் இவர் கூறியுள்ளார். தனி ஒருவன் 2 படத்திலும் நயன்தாரா தான் நாயகியாக நடிக்க உள்ளார்.