ஊருக்காக வாழும் கலைஞன் தன்னை மறப்பான்! - பிரமிக்க வைத்த விக்ரம் கதாபாத்திரங்கள்

இயக்குனர் பாலா இயக்கத்தில் விக்ரம் - சூர்யா இணைந்து நடித்திருக்கும் திரைப்படம், பிதாமகன். இப்படம் தமிழ் சினிமாவில் பெரிய அளவில் பேசப்பட்ட சூப்பர் ஹிட் படமாகும். இப்படத்தினை இயக்கிய பாலா இன்றும் இப்படத்திற்காக கொண்டாடப்படுகிறார். இப்படம் நடிகர் சூர்யா மற்றும் விக்ரம் திரைவாழ்வில் முக்கிய படங்களில் ஒன்றாக அமைந்துள்ளது. இப்படத்திற்காக நடிகர் விக்ரம் சிறந்த நடிகருக்கான தேசிய விருது பெற்றுள்ளார்.

சேது - இயக்குனர் பாலா இயக்கத்தில் உருவான முதல் தமிழ் திரைப்படம். இப்படத்தில் நடிகர் விக்ரம் நாயகனாக நடித்திருந்தார். முதல் பாதியில் ஒரு கதாபாத்திரமும் இரண்டாம் பாதியில் மனநிலை பாதிக்கப்பட்ட கதாபாத்திரத்தில் நடித்து தனது வெரைட்டி நடிப்பை வெளிப்படுத்திருந்தார், விக்ரம். இப்படத்திற்காக பிலிம்பேர் விருதினை பெற்று தனது முதல் வெற்றியை பதிவு செய்தார், விக்ரம்.

காசி - இயக்குனர் விநாயன் இயக்கத்தில் 2001 ஆம் ஆண்டு விக்ரம் நடிப்பில் வெளியான திரைப்படம். இப்படம் விமர்சன ரீதியாக பெரிய அளவில் கொண்டாடப்பட்ட படமாகும். இப்படத்திற்காக நடிகர் விக்ரம்-ற்கு 'சிறந்த நடிகருக்கான பிலிம்பேர் விருது' வழங்கி கௌரவிக்கப்பட்டது.

அந்நியன் - இயக்குனர் ஷங்கர் இயக்கத்தில் நடிகர் விக்ரம் நாயகனாக நடித்துள்ள திரைப்படம். இப்படத்தில் மூன்று வெவ்வேறு கதாபாத்திரத்தில் ஒரே சமயத்தில் நடித்து கலக்கியிருந்தார், விக்ரம். நடிகர் விக்ரம் திரைப்பயணத்தில் ஒரு முன்னணி நடிகர் அந்தஸ்தை இப்படம் பெற்று தந்துள்ளது. பெரிய அளவில் பேசப்பட்ட நடிகர் விக்ரம் கதாபாத்திரங்கள் இப்படத்திற்கு பலமாக அமைந்து பிரமாண்ட வெற்றி படமாக மாற்றியுள்ளது.

தெய்வத்திருமகள்  - இயக்குனர் ஏ எல் விஜய் இயக்கத்தில் விக்ரம் நாயகனாக நடித்துள்ள திரைப்படம். இப்படத்தில் நடிகர் விக்ரம் மனநலம் பாதிக்கப்பட்ட இளைஞர் கதாபாத்திரத்தில் நடித்திருந்தார். அப்பாவித்தனம் உள்ள 5 வயது சிறுவன் போல நடித்து பலரின் கவனத்தை ஈர்த்துள்ளார், விக்ரம். இப்படம் பல ரசிகர்கள் மத்தியில் பிரபலமாக்கி இவருக்கு இமாலய புகழினை பெற்றுத்தந்தது.

ஐ - இயக்குனர் ஷங்கர் ஷண்முகம் இயக்கத்தில் பிரமாண்ட பொருட்செலவில் உருவாக்கப்பட்டு பெரிய அளவில் பேசப்பட்ட திரைப்படம். இப்படத்தில் நடிகர் விக்ரம் ஒரே கதாபாத்திரத்தில் வெரைட்டி நடிப்பை வெளிப்படுத்தியுள்ளார். இப்படத்திற்காக பெரிய அளவில் மெனக்கெட்டு பல அவதாரங்களை மேற்கொண்டு தத்ரூபமாக நடிப்பை வெளிப்படுத்தி பல ரசிகர்களை கவர்ந்து பேசப்பட்டார், விக்ரம். இப்படத்திற்காக பல விருதுகளை அள்ளி சென்றுள்ளார், விக்ரம்.

தங்கலான்  - 2024ஆம் ஆண்டு இயக்குனர் பா ரஞ்சித் இயக்கத்தில் விக்ரம் நாயகனாக நடித்துள்ள திரைப்படம். இப்படம் வெளியாகும் முன்பே பலர் மத்தியில் பேசப்பட்டுள்ளது. விசித்திரமான கெட்டப் ஸ்டைலில் நடிகர் விக்ரம் இப்படத்தில் நடித்துள்ளார்.