Thangalaan Trailer: மிரளவைக்கும் டாப் 5 'தங்கலான்' பட டிரைலர் காட்சிகள்...

Author Sakthi Harinath | Published: Thursday, July 11, 2024, 05:22 PM [IST]

Thangalaan Trailer: மிரளவைக்கும் டாப் 5 'தங்கலான்' பட டிரைலர் காட்சிகள்... - முழு விவரங்கள் இதோ. இந்த பட்டியலில் 2024 ஜூலை 10ல் வெளியாகி பெரிய அளவில் வரவேற்பினை பெற்ற விக்ரம் நடிப்பில் பா ரஞ்சித் இயக்கியுள்ள 'தங்கலான்' பட டிரைலர் பற்றிய முழு விவரங்கள் மற்றும் ரசிகர்களை கவர்ந்த டிரைலர் காட்சிகள் என இங்கு விரிவாக பட்டியலிடப்பட்டுள்ளது. முழு லிஸ்ட் இதோ.

உள்ளடக்கப்பட்டியல்

தங்கலான் - தங்கலான்

தங்கலான் - இயக்குனர் பா ரஞ்சித் இயக்கத்தில் விக்ரம், மாளவிகா மோகனன், பசுபதி என பல தமிழ் சினிமா நட்சத்திரங்கள் நடித்திருக்கும் அதிரடி - திரில்லர் திரைப்படம். இப்படத்தினை கே இ ஞானவேல் ராஜா தயாரிக்க, இசையமைப்பாளர் ஜி வி பிரகாஷ் குமார் இசையமைத்துள்ளார். பெரிய பொருட்செலவில் உருவாக்கப்பட்ட இப்படம் தற்போது 2024 ஆகஸ்ட் மாதம் வெளியீட்டிற்கு தயாராகி வருகிறது. தங்கலான் படத்தின் டிரைலர் 2024 ஜூலை 10ல் வெளியிட்டு பெரிய அளவில் வரவேற்பு பெற்றுள்ளது. இப்படத்தில் இடம்பெற்றுள்ள காட்சிகள் ரசிகர்கள் மத்தியில் கொண்டாடப்படுகிறது.

மேலும் படிக்க

பாம்பு - பாம்பு

தங்கலான் டிரைலர் காட்சியில் ஒரு பாம்பு வெளிப்பட்டு ஒருவரின் தொண்டையை கடிக்கும் காட்சி நம்பமுடியாத அளவிற்கு உக்கிரமானதாக உள்ளது. மிக சிறந்த சித்தரிப்பில் இந்த காட்சி உருவாக்கப்பட்டுள்ளது. மேலும் தங்கலான் படத்தில் ஆயிரத்தில் ஒருவன் படம் போல பாம்புகள் நிறைந்த காட்சிகளும் இருக்கின்றது.

ஆரத்தியின் அலறல் - ஆரத்தியின் அலறல்

டிரைலர் காட்சியில் ஆரத்தியின் திடீர் அலறல் சிலிர்க்க வைக்கிறது. நடக்கும் பிரச்சனைகளுக்கு அனைத்தும் ஆரத்தி தான் காரணம் என விக்ரம் சொன்னதும், சண்டை காட்சிகள் மற்றும் பின்னணி இசை இந்த படத்திற்கு பலமாக அமைந்திருக்கிறது. ஆரத்தி கர்ஜனை பலர் மத்தியில் பேசப்படுகிறது.

பின்னணி இசை & சண்டை காட்சிகள் - பின்னணி இசை & சண்டை காட்சிகள்

இசையமைப்பாளர் ஜி வி பிரகாஷ் குமார் இசையில் அனல் தெறிக்கும் இசையில் இப்படம் உருவாகியுள்ளது. ஒவ்வொரு காட்சிகளும் தத்ரூபமாக உருவாக்கப்பட்டு ரசிகர்களின் கவனத்தை ஈர்த்துள்ளது. தங்கலான் டிரைலர் முன்னோட்டம் வீடியோவில் வெறித்தனமான வசனங்களும், குறிப்பிட்ட ஆண்டுகளில் வாழும் மக்களின் வாழ்வாதாரம் என பல விஷயங்களை தெளிவாக இயக்கியுள்ளார், இயக்குனர் பா ரஞ்சித்.

சீயான் அவதாரம் - சீயான் அவதாரம்

சில்வர் / தங்க நிறத்தில் மினுக்கும் சாயத்தை பூசிக்கொண்டு சீயான் விக்ரமின் அவதாரம் பெரிய வரவேற்பை பெற்று கொண்டாடப்படுகிறது. தங்கலனாக விக்ரம், டிரைலரில் 'ஹோ ஹோ' என்று முழக்கமிடும் காட்சிகள் பலருக்கு கூஸ்பம்ப் நிறைந்த காட்சிகளாக அமைந்திருக்கிறது. சியான் விக்ரம், தங்கலனாக, முகத்தை சாம்பலில் மூடிக்கொண்டு, அவர் கர்ஜனை செய்வதைப் பார்ப்பது மெய்சிலிர்க்க வைக்கிறது. நடிகராக விக்ரம் உண்மையிலேயே அடையாளம் காண முடியாத மாற்றத்தில் இப்படத்தில் நடித்துள்ளார்.

தங்கலான் திரைப்படம் தமிழ் மொழி படமாக உருவாகி இந்தியாவில் ஹிந்தி, தெலுங்கு, கன்னடம் மற்றும் மலையாளம் ஆகிய மொழிகளில் ஒரு பான் இந்திய படமாக ஆகஸ்ட் 15, 2024 அன்று உலகம் முழுவதும் வெளியிட திட்டமிடப்பட்டுள்ளது.