தலைவி கதை

தலைவி இயக்குனர் ஏ. எல். விஜய் இயக்கத்தில், தயாரிப்பாளர் விஷ்ணு இந்துரி தயாரிப்பில் உருவாகியிருக்கும் மறைந்த மாண்புமிகு முன்னாள் முதல்வர் ஜெயலலிதாவின் வாழ்க்கை வரலாறு (சுயசரிதை) திரைப்படம். இப்படத்திற்கு இசையமைப்பாளர் ஜி.வி. பிரகாஷ் குமார் இசையமைத்துள்ளார்.

திரைப்பட ரசிகர்கள் குடும்பங்களோடு கண்டு ரசிக்கும் வகையில் ஒரு உண்மை கதையினை அடிப்படையாக கொண்டு உருவாகியிருக்கும் இப்படத்திற்கு ஒளிப்பதிவாளர் விஷால் விட்டல் ஒளிப்பதிவு செய்ய, படத்தொகுப்பாளர் அன்டனி எடிட்டிங் பணி செய்துள்ளார்.

தலைவி படத்தினை ஹிந்தி திரையுலக பிரபல தயாரிப்பாளர்களான விஷ்ணு வரதன் இந்தூரி மற்றும் ஷைலேஷ் ஆர் சிங் தனது தயாரிப்பு நிறுவனமான 'விப்ரி மீடியா கர்மா மீடியா அண்ட் என்டேர்டைன்மெண்ட்' நிறுவனத்தின் மூலம் இப்படத்தினை பிரமாண்டமாக தயாரித்து, ஜீ ஸ்டுடியோஸ் நிறுவனத்தின் மூலம் உலகம் முழுவதும் விநியோகம் செய்துள்ளனர்.

தலைவி திரைப்படத்தில் நடித்த நட்சத்திரங்கள் மற்றும் படக்குழுவினர்

தலைவி திரைப்படத்தின் டிரைலர், ப்ரோமோ மற்றும் வீடியோ பாடல்கள்

தலைவி திரைப்படத்தின் புகைப்படங்கள்

தலைவி திரைப்படத்தின் கதை

கதைக்கரு: தமிழகத்தில் ஒரு நடிகையாக அறிமுகமான (அம்மா) ஜெ. ஜெயலலிதா அரசியலில் களம் இறங்க காரணம் மற்றும் ஆரம்பகால அரசியல் வாழ்க்கையில் இவர் சந்தித்த இன்னல்களை பற்றி இப்படம் சுவாரஸ்யமாக எடுத்துரைக்கிறது.

தலைவி படத்தின் பிரத்தியேக தகவல்கள்

தமிழ் நாட்டின் முன்னாள் முதல்வர் மற்றும் பிரபல முன்னணி திரைப்பட நடிகையாக புகழ் பெற்ற 'அம்மா' ஜெயலலிதா கதாபாத்திரத்தில் ஹிந்தி திரைப்பட நடிகை கங்கனா ரனாத் நடித்துள்ளார். மேலும் எம்.ஜி.ஆர் கதாபாத்திரத்தில் அரவிந்த் சாமி நடிக்க, கருணாநிதியாக நடிகர் நாசர் நடித்துள்ளார்.

தலைவி படத்தில் நடித்துள்ள கதாபாத்திரங்கள் மிக கவனமாகவும், ஒவ்வொரு கதாபாத்திரத்திற்கும் கச்சிதமாய் பொருத்தமான நடிகர்களை தேர்வு செய்துள்ளார், இயக்குனர் ஏ. எல். விஜய். இத்திரைப்படம் தமிழ், தெலுங்கு மற்றும் ஹிந்தி மொழிகளில் உருவாகி '2020 ஜூன் 26ல்' வெளியாகும் என படக்குழுவினர் சார்பில் அதிகாரப்பூர்வமான அறிவிப்புகள் வெளியாகின, ஆனால் கொரோனா நோய் பரவல் காரணமாக திரையரங்குகள் மூடப்பட்ட நிலையில் இப்படம் 2021 செப்டம்பர் 10ல் விநாயகர் சதுர்த்தி பண்டிகையை முன்னிட்டு வெளியானது.

இயக்குனர் ஏ. எல். விஜய் தலைவி படத்தினை பல போராட்டங்களை கடந்து இயக்கியுள்ளார். ஒரு வரலாற்று படமாக உருவாகும் இப்படத்திற்கு பிரபல திரைக்கதை எழுத்தாளர் விஜேந்திர பிரசாத் இக்கதைக்கு திரைக்கதை எழுதியுள்ளார். இவர் பிரபல தென்னிந்திய படமாக வெளியாக உலகளவில் புகழ் பெற்ற 'பாகுபலி' படத்திற்கு திரைக்கதை எழுதியவர் ஆவார்.

தலைவி படமானது முன்னாள் முதல்வர் ஜெயலலிதாவின் சுயசரிதை படம் என்பதால் இப்படத்தினை மிக கவனத்துடன் உருவாக்கியுள்ளனர். எந்த ஒரு கற்பனை காட்சிகளும், எந்த ஒரு தனி மனித கருத்துகள் உள்ளடக்கிய வசனங்கள் இல்லாமல் தலைவி படத்தினை மிகுந்த கவனத்துடன் இயக்கியுள்ளனர் படக்குழுவினர்.

தலைவி படத்தின் ரிலீஸ் மற்றும் அறிவிப்புகள்

இத்திரைப்படத்தின் தலைப்பு மற்றும் ஃபர்ஸட் லுக் போஸ்டரை ஜெயலலிதாவின் பிறந்தநாளான பிப்ரவரி 24-ம் (2019) நாள் படக்குழுவினர் வெளியிட்டனர். இத்திரைப்படத்தில் பிரபல பாலிவுட் நடிகை கங்கனா ரனாத் ஜெயலலிதா கதாபாத்திரத்தில் நடிக்கயிருக்கிறார் என்னும் அதிகாரப்பூர்வமான தகவலை நடிகை ககங்கனா ரனாத் பிறந்தநாளான 23 மார்ச்-ல் (2019) வெளியிட்டுள்ளனர் படக்குழு.

இப்படத்தின் டீஸர் 2019 நவம்பர் 23ல் வெளியாகி தமிழ் திரைப்பட ரசிகர்களிடமும், அரசியல்வாதிகளிடலும் நல்ல வரவேற்பை பெற்ற நிலையில், 2020 ஆம் ஆண்டு மார்ச் மாதம் வெளியான இப்படத்தின் டிரைலர்தமிழ் திரைப்பட ரசிகர்கள் மற்றும் அம்மாவின் தொண்டர்களால் கொண்டாடப்பட்டது.