மாமன்னன்: உதயநிதியின் முதல் 50 கோடி வசூல் திரைப்படம், விரைவில் வெற்றி விழா

மாமன்னன் இயக்குநர் மாரி செல்வராஜ் இயக்கத்தில் உதயநிதி ஸ்டாலின், வடிவேலு, கீர்த்தி சுரேஷ், பஹத் பாசில் என பல முக்கிய பிரபலங்கள் முன்னணி கதாபாத்திரத்தில் நடித்திருக்கும் திரைப்படம். இப்படத்தின் நாயகன் திரு. உதயநிதி ஸ்டாலின் தனது 'ரெட் ஜெயன்ட் மூவிஸ்' தயாரிப்பு நிறுவனம் மூலம் இப்படத்தினை தயாரிக்க, இசையமைப்பாளர் ஏ. ஆர். ரஹ்மான் இசையமைத்துள்ளார்.

தனது திரைப்பயண ஆரம்ப காலத்தில் தயாரிப்பாளராக இருந்து வந்துள்ள உதயநிதி ஸ்டாலின், 2012 ஆம் ஆண்டு 'ஒரு கல் ஒரு கண்ணாடி' படத்தில் நாயகனாக நடித்து தனது திரைப்பயணத்தை தொடங்கியுள்ளார். இத்திரைப்படம் பிளாக் பஸ்டர் படமாக தமிழ் சினிமாவில் வெற்றி பெற்ற திரைப்படமாகும். இப்படைத்திற்கு பின் தற்போது இயக்குனர் மாரி செல்வராஜ் இயக்கத்தில் வெளியான மாமன்னன் படம் பிளாக் பஸ்டர் படமாக இவருக்கு சிகரம் வெற்றியை பெற்று தந்துள்ளது. தமிழ் சினிமாவில் இவர் நடிகர், தயாரிப்பாளர் என கலக்கி வருகிறார்.

கற்றது தமிழ், தங்க மீன்கள் படங்களை இயக்கிய இயக்குனர் ராம்-யிடம் உதவி இயக்குனராக பணியாற்றி தமிழ் சினிமாவில் பரியேறும் பெருமாள் படத்தினை தானே இயக்கி இயக்குனராக அறிமுகமானவர். தனுஷின் கர்ணன் படத்தினை இயக்கிய இவர், தனது திரைப்பயணத்தில் மூன்றாவது படமாக உதயநிதியின் மாமன்னன் படத்தினை இயக்கியுள்ளார். இவர் இயக்கும் தமிழ் படங்கள் பெரும் சர்ச்சைகளை கிளப்பி வெற்றி பெற்று வருகிறது.

வடிவேலு - பகத் பாஸில் - உதயநிதி என இவர்களின் மூன்று கதாபாத்திரங்களை சுற்றித்தான் மாமன்னன் படம் நகர்கிறது. அரசியல் பின்னணி மற்றும் சமத்துவம் போன்ற விஷயங்களை மாமன்னன் படம் சரியான முறையில் கையாண்டு தமிழ் சினிமா ரசிகர்கள் மத்தியில் வரவேற்பு பெற்றுள்ளது. இப்படம் தமிழ் பட ரசிகர்களை ஏமாற்றவில்லை என்று பல விமர்சகர்கள் இப்படத்தினை ஆன்லைன் தளத்தில் ப்ரோமோஷன் செய்து இப்படத்தினை வெற்றி படமாக மாற்றியுள்ளனர்.

2023, ஜூன் 29ல் வெளியான மாமன்னன் திரைப்படம், முதல் 2 வாரங்களை நிறைவடைந்து மூன்றாவது வாரத்தில் களமிறங்கியுள்ளது. இதுவரை இப்படம் 50 கோடிகளை வசூல் செய்து உள்ளதாக இணையதள பல தளத்தில் செய்திகள் பரவி வருகிறது. இப்படத்திற்கு மக்கள் மத்தியில் கிடைத்துள்ள பிரமாண்ட வரவேற்பு தான் மாமன்னன் படத்தின் வெற்றி என படக்குழு மகழ்ச்சியில் உள்ளனர்.

இப்படம் தொடங்கும் போது உதயநிதி ஸ்டாலின் மாமன்னன் படத்திற்கு பின் நான் மீண்டும் நடக்க வரமாட்டேன் என்றும், இதுவே எனது கடைசி படமாக இருக்கும் என கூறினார். சமீபத்தில் இவர் அளித்துள்ள பேட்டியில் அடுத்த சில ஆண்டுகளில் நான் சினிமாவுக்கு வருவேன் என்று கூறியுள்ளார்.

தமிழ் சினிமாவில் இப்படத்திற்கு கிடைத்துள்ள வெற்றிக்கு பின் விரைவில் தமிழ் திரையுலகில் பிரமாண்ட முறையில் மாமன்னன் படத்தின் வெற்றி விழா நடக்கப்போகிறது என எதிர்பார்க்கப்படுகிறது. இப்படத்தின் ஆடியோ லான்ச் மற்றும் இசை வெளியீட்டு விழாவிற்கு கிடைத்த வரவேற்பினை தொடர்ந்து விரைவில் மாமன்னன் படத்தின் வெற்றி விழா தமிழ் திரையுலகில் பலரின் கவனத்தை கவரும் என காத்திருக்கின்றனர், ரசிகர்கள்.