2022 ஆண்டின் 'ஏ' சான்றிதழ் தமிழ் படங்கள்

நட்சத்திரம் நகர்கிறது - இயக்குனர் பா ரஞ்சித் இயக்கத்தில் கலையரசன், துஷாரா விஜயன், காளிதாஸ் என பலர் நடித்திருக்கும் திரைப்படம். இப்படம் பெரிய அளவில் சர்ச்சையில் சிக்கியுள்ளது. நாடக காதலுக்கு எதிராக பல வசனங்கள் மற்றும் காட்சிகள் அமைத்து மக்கள் மத்தியில் சர்ச்சையில் சிக்கியது. பா ரஞ்சித் இயக்கிய இப்படத்திற்கு தமிழக திரைப்பட தணிக்கை குழு 'ஏ' சான்றிதழ் அளித்துள்ளது.

தமிழ் சினிமாவில் ஒரு முக்கிய நட்சத்திரமாக பிரபலமானவர், பார்த்திபன், இவர் தானே இயக்கி, நாயகனாக நடித்துள்ள திரைப்படம், இரவின் நிழல். இப்படத்திற்கு தமிழக திரைப்பட தணிக்கை குழு 'ஏ' சான்றிதழ் அளித்துள்ளது. ஆபாச வசனங்கள் மற்றும் காட்சிகள் இப்படத்தில் வெளிப்படையாக காட்சி படுத்தியுள்ளார், பார்த்திபன். ஒரு முன்னணி நட்சத்திரம் படைத்த திரைப்படத்தில் இப்படி சில காட்சிகள் இருப்பதால் இந்த படம் மக்கள் மத்தியில் பெரிய சர்ச்சை ஏற்படுத்தியது.

சாணி காயிதம் - இயக்குனர் அருண் மதேஸ்வரன் இயக்கத்தில் கீர்த்தி சுரேஷ், செல்வராகவன் முன்னணி நடிப்பில் உருவாகி நேரடியாக ஓடிடியில் ஸ்ட்ரீமிங் செய்யப்பட்ட திரைப்படம். இப்படத்தில் இடம் பெற்ற வன்முறை காட்சிகள் மற்றும் வசனங்கள் காரணமாக இப்படத்திற்கு தமிழக திரைப்பட தணிக்கை குழு 'ஏ' சான்றிதழ் அளித்தது. 

மன்மத லீலை - இயக்குனர் வெங்கட் பிரபு இயக்கத்தில் காதல் படமாக உருவான திரைப்படம். இப்படத்தில் அசோக் செல்வன், ஸ்ம்ருதி வெங்கட், ரியா சுமன் என பலர் முன்னணி கதாபாத்திரத்தில் நடித்துள்ளனர். தமிழ் சினிமா முன்னணி நட்சத்திரமாக ஜொலிக்கும் வெங்கட் பிரபு ஒரு 'ஏ' சான்றிதழ் படத்தினை இயக்கியுள்ளார் என தமிழில் பல சர்ச்சைகள் கிளம்பியது.