நடிகை சமந்தாவின் அசத்தலான 7 தமிழ் திரைப்பட கதாபாத்திரங்கள்

பானா காத்தாடி - தமிழ் திரைப்பட முன்னணி நடிகரான முரளியின் மகன் அதர்வா நாயகனாக அறிமுகமான திரைப்படம். இப்படத்தில் நடிகை சமந்தா நாயகியாக நடித்து தனது திரைப்பயணத்தை தமிழ் சினிமாவில் தொடங்கியுள்ளார். இப்படத்திற்கு முன் விண்ணைத்தாண்டி வருவாயா படத்தில் ஒரு கௌரவ கதாபாத்திரத்தில் நடித்துள்ளார். ஆனால் பானா காத்தாடி திரைப்படமே இவரது கோலிவுட் அறிமுக திரைப்படமாகும். பானா காத்தாடி படத்தில் ஒரு கல்லூரி மாணவியாக இவர் நடித்துள்ளார், இவரின் முதல் படத்திலையே ரசிகர்களின் மனதை வென்றுள்ளார், சமந்தா.

நான் ஈ - தெலுங்கு திரைப்படமாக உருவாகி தமிழ் சினிமாவில் டப்பிங் செய்யப்பட்டு வெளியான திரைப்படம். இப்படத்தில் நடிகை சமந்தா கல்லூரி மாணவியாக நடித்துள்ளார். இப்படத்தினை இந்திய திரைப்பட முக்கிய இயக்குனர் ராஜமௌலி இயக்கியுள்ளார். நான் ஈ திரைப்படத்தில் நடிகை சமந்தாவின் கதாப்பாத்திரம் ரசிகர்களின் மனதை வென்றது. மிக சிறிய காதல் காட்சிகள் பின் ஒரு ஈ-யுடன் இவரது உரையாடல் என பல காட்சிகள் குழந்தை மத்தியில் கொண்டாடப்பட்டது.

நீதானே என் பொன்வசந்தம் - இயக்குனர் கவுதம் மேனன் இயக்கத்தில் ஜீவா, சமந்தா முன்னணி கதாபாத்திரத்தில் நடித்துள்ள திரைப்படம். இப்படம் ஒரு காதல் படமாக வெளியாகி தமிழ் சினிமாவில் பெரிய அளவில் ஹிட் அடித்துள்ளது. நீதானே என் பொன்வசந்தம் திரைப்படத்தில் நடிகை சமந்தா பள்ளி மாணவி, கல்லூரி மாணவி மற்றும் வேலை பார்க்கும் பெண் என மூன்று பரிமாணங்களில் நடித்து அசத்தியுள்ளார். இப்படத்திற்காக இவருக்கு பல விருதுகள் பல துறைகளில் இருந்து வழங்கப்பட்டுள்ளது.  இன்றும் இளைஞர்கள் மத்தியில் இவரின் இந்த கதாபாத்திரம் பேசப்படுகிறது. நடிகை சமந்தாவின் திரைப்பயணத்தில் மிகவும் முக்கிய படமாகும், நீதானே என் பொன்வசந்தம்.

கத்தி - இயக்குனர் ஏ ஆர் முருகதாஸ் இயக்கத்தில் விஜய் & சமந்தா முன்னணி கதாபாத்திரத்தில் நடித்திருக்கும் திரைப்படம். இப்படம் தமிழ் சினிமாவில் பெரிய அளவில் பேசப்பட்ட படமாகும். கத்தி படத்தின் பிரமாண்ட வெற்றி தமிழ் சினிமாவில் நடிகை சமந்தாவிற்கு ஒரு முக்கிய அந்தஸ்தை பெற்று தந்துள்ளது. கத்தி படத்தின் வெற்றிக்கு பின் தமிழில் ஒரு முக்கிய முன்னணி நடிகைகளில் ஒருவராக இவர் பிரபலமானார். இப்படத்தில் இவரின் கதாபாத்திரத்தின் காட்சிகள் இளைஞர்கள் மத்தியில் கொண்டாடப்பட்டது.

தங்கமகன் - நடிகர் தனுஷ் நாயகனாக நடித்துள்ள இப்படத்தில் நடிகை சமந்தா மற்றும் எமி ஜாக்சன் நாயகியாக நடித்துள்ளனர். இப்படத்தினை தமிழ் திரைப்பட பிரபல ஒளிப்பதிவாளர் வேல்ராஜ் ஒளிப்பதிவு செய்கிறார். தங்கமகன் படத்தில் நடிகை சமந்தாவின் கதாபாத்திரம் திரை ரசிகர்கள் மற்றும் சமந்தாவின் ரசிகர்கள் மத்தியில் இன்று பேசப்பட்டு வருகிறது. ஒரு அமைதியான தென்றல் போல இப்படத்தில் இவரின் கதாபாத்திரம் வடிவமைக்கப்பட்டுள்ளது. இன்று பல ஜோடிகள் மத்தியில் பேசப்படும் கதாபாத்திரமாக இப்படத்தில் சமந்தா - தனுஷ் ஜோடி அமைந்துள்ளது. தனது எதார்த்தமான நடிப்பின் மூலம் இப்படத்தில் ரசிகர்களின் மனதை கொள்ளை அடித்துள்ளார், சமந்தா.

தெறி - இயக்குனர் அட்லீ குமார் இயக்கத்தில் விஜய், சமந்தா, எமி ஜாக்சன் என பலர் நடித்திருக்கும் திரைப்படம். இப்படத்தில் நடிகை சமந்தாவின் கதாபாத்திரம் சிறிய அளவில் படத்தில் இடம் பெற்றாலும் ரசிகர்கள் மத்தியில் கொண்டாடப்பட்ட கதாபாத்திரம் ஆகும். தெறி படத்தில் சமந்தாவின் கதாபாத்திரம் மற்றும் அவரின் பாடல்கள் என ரசிகர்கள் மத்தியில் பேசப்பட்டு கொண்டாடப்பட்டார், சமந்தா.

யு டர்ன் - இரு மொழி திரைப்படமாக தமிழ் மற்றும் தெலுங்கு சினிமாவில் வெளியாகி பிரமாண்ட வெற்றி பெற்ற திரில்லர் திரைப்படம். இப்படம் கன்னட படத்தின் ரீமேக் படமாக உருவாக்கப்பட்டு ஹிட் அடித்துள்ளது. யு டர்ன் படத்தின் மூலம் சமந்தா நாயகிகளுக்கு முக்கியத்துவம் உள்ள கதைககளில் நடிக்க தொடங்கியுள்ளார். இப்படத்திற்கு கிடைத்த பிரமாண்ட வரவேற்புக்கு பின் ஓ பேபி, சாகுந்தலம், யசோதா என பல திரைப்படங்களில் நடித்து கலக்கி உள்ளார், சமந்தா.