ஷபீர் கல்லராக்கல்

பயோடேட்டா:  ஷபீர் கல்லராக்கல் (ஷபீர்) - இந்திய திரைப்பட நடிகர் ஆவார். இவர் 2014 ஆம் ஆண்டு வெளியான 'நெருங்கி வா முத்தமிட' திரைப்படத்தில் நடித்து திரையுலகிற்குள் அறிமுகமானவர். ஷபீர் பல திரைப்படங்களில் வில்லன், துணை நடிகர் என பல்வேறு கதாபாத்திரங்களில் நடித்திருந்தாலும், தமிழ் சினிமாவில் 2021 ஆம் ஆண்டு வெளியான ' சார்பட்டா பரம்பரை ' திரைப்படத்தில் இவர் நடித்த ' டான்சிங் ரோஸ் ' கதாபாத்திரம் மக்கள் மத்தியில் பிரபலமாகி இவருக்கு புகழினை அள்ளித்தந்ததுள்ளது. ஷபீர் திரைப்பயணம் ஷபீர் சென்னை மேடை நாடக கலைஞராக  பணியாற்றி நடிப்பின் நுணுக்கங்களையும், நடிப்பு திறனையும் வளர்த்து கொண்டார். இயக்குனரும் நடிகையுமான லட்சுமி ராமகிருஷ்ணன் இயக்கிய 'நெருங்கி வா முத்தமிட' திரைப்படத்தில் நடித்து 2014 ஆம் ஆண்டு தனது திரைப்பயணத்தை தொடங்கியுள்ளார், ஷபீர். 2016ஆம் ஆண்டு '54321' திரைப்படத்தில் நடித்து குறிப்பிடப்படும் நடிகராக பிரபலமான, ஷபீர். இவர் நடித்த 54321 திரைப்படம் விமர்சனம் ரீதியா நல்ல வரவேற்பு பெற்றது. ஆனால் பாக்ஸ் ஆஃபிஸ் பட்டியலில் இடம் பிடிக்க தவறியது. அடங்கமாறு திரைப்படத்தில் 'புவனேஷ்' என்ற வில்லன் கதாபாத்திரத்திலும், பேட்ட திரைபடத்தில் விஜய் சேதுபதியின் கூட்டத்தில் ஒருவனாகவும் நடித்து வந்துள்ள ஷபீர், 2019 ஆம் ஆண்டு டெடி மற்றும் 2021 ஆம் ஆண்டு சார்பட்டா பரம்பரை திரைப்படத்தில் ஆர்யாவுடன் நடித்துள்ளார். இவர் பல தமிழ் திரைப்படங்களில் குறிப்பிடப்படும் பல்வேறு கதாபாத்திரங்களில் நடித்துள்ள நிலையில், ஷபீர் சார்பட்டா பரம்பரை திரைப்படத்தில் நடித்த 'டான்சிங் ரோஸ்' கதாபாத்திரம் மிகவும் பிரபலமானது. இந்த கதாபாத்திரத்திற்கு ரசிகர்கள் மத்தியில் பெரும் வரவேற்பு கிடைத்துள்ளது.