பூர்ணாவுக்கு 2வது குழந்தை ரெடி.. மூத்த மகன் மற்றும் கணவர் கொஞ்ச சிறப்பாக நடந்த வளைகாப்பு!

பரத் நடிப்பில் வெளியான முனியாண்டி விலங்கியல் மூன்றாம் ஆண்டு படத்தின் மூலம் தமிழ் சினிமாவில் அறிமுகமானவர் தான் மலையாள நடிகை பூர்ணா. அவரது 2வது வளைகாப்பு புகைப்படங்கள் வெளியாகி உள்ளன.

ஷாம்னா கசீம் என மலையாள திரையுலகிலும் பூர்ணா என தமிழ் சினிமா ரசிகர்கள் மத்தியிலும் பிரபலமான இவர் சிறந்த டான்சரும் கூட.

கந்தக்கோட்டை, துரோகி, சவரக்கத்தி, சகலகலா வல்லவன், காப்பான், தலைவி, டெவில் உள்ளிட்ட பல தமிழ் படங்களில் நடித்துள்ளார். 

தெலுங்கில் மகேஷ் பாபுவின் குண்டூர் காரம் படத்தில் இவர் நடனமாடிய பாடல் மிகப்பெரிய ஹிட் அடித்தது. அகண்டா 2 படத்திலும் முக்கிய கதாபாத்திரத்தில் நடித்திருந்தார். 

ஷானித் ஆசிப் அலி எனும் தொழிலதிபரை 2022ம் ஆண்டு திருமணம் செய்துக் கொண்ட பூர்ணாவுக்கு ஏற்கனவே ஒரு மகன் உள்ளார். இந்நிலையில், தற்போது மீண்டும் நிறைமாத கர்ப்பிணியாக உள்ளார். 

ராம்சரண் மனைவி உபாசனா, சோனம் கபூர் என தொடர்ந்து பல பிரபலங்களும் 2வது முறை கருவுற்று குழந்தையும் பெற்றெடுத்து வரும் நிலையில், கூடிய சீக்கிரமே பூர்ணாவும் 2வது குழந்தையை பெற்றெடுக்க உள்ளார்.

தனது குடும்பத்துடன் எளிமையான முறையில் வளைகாப்பு கொண்டாட்டம் நடைபெற்றதாகவும் முதல் முறை ஐ லவ் யூ என கணவர் சொல்லும் போது பரிசளித்த ஸ்பெஷல் கவுனை இன்று அணிந்துள்ளேன் என்றும் பூர்ணா தெரிவித்துள்ளார்.

மூத்த மகன் வயிற்றில் இருக்கும் குட்டிப் பாப்பாவுக்கு முத்தம் கொடுக்கும் க்யூட்டான காட்சி ரசிகர்களை கவர்ந்து வருகிறது.

நடிகை பூர்ணாவுக்கு ஏகப்பட்ட சினிமா பிரபலங்களும் ரசிகர்களும் வாழ்த்து தெரிவித்து வருகின்றனர்.