”பொறுப்பா சாப்பாடு போடுவாங்க”.. ’அவன் இவன்’ ஜனனிக்கு திருமணம்.. மாப்பிள்ளை யார் தெரியுமா?

விண்ணைத் தாண்டி வருவாயா படத்தில் உதவி இயக்குநராக நடித்த ஜனனி பாலா இயக்கத்தில் ஆர்யா, விஷால் நடித்த அவன் இவன் படத்தின் மூலம் தமிழ் சினிமாவில் அறிமுகமானார். அவரது திருமணம் இன்று மகாபலிபுரத்தில் உள்ள ரெசார்ட்டில் நடைபெற்றது. 

நடிகை ஜனனிக்கு சென்னையில் பிறந்து வளர்ந்து துபாயில் குடிபெயர்ந்து விமானியாக பணியாற்றி வரும் தனது காதலரான சாய் ரோஷன் ஷாம் என்பவருடன் கடந்த ஆண்டு நிச்சயதார்த்தம் நடந்தது. 

தற்போது சாய் ரோஷன் ஷாம் - ஜனனி இருவருக்கும் குடும்பத்தினர் முன்னிலையில் மகாபலிபுரம் அருகே உள்ள நட்சத்திர ஓட்டலில் இன்று திருமணம் நடைபெற்றது. 

பிக் பாஸ் சீசன் 2வில் போட்டியாளராக பங்கேற்றார் ஜனனி. கடைசியாக ஹாட் ஸ்பாட் படத்தில் நடித்திருந்தார். 

தனது காதலரை பெற்றோர்கள் சம்மதத்துடன் திருமணம் செய்துக் கொண்டார் ஜனனி. 

ஆரம்பத்தில் ஜனனி ஐயர் என்றே அடையாளப்படுத்திய இவர், அதன் பின்னர், ஜனனி என்று அழைத்தால் மட்டுமே போதும் என அப்போதே அறிவித்தது பலரது பாராட்டுக்களை அள்ளியது. 

ஜனனி மற்றும் அவரது மாப்பிள்ளையை பலரும் வாழ்த்தி வருகின்றனர்.