க்யூட் ரியாக்ஷன்ஸ்.. ரசிகர்களை அசத்திய நஸ்ரியா நாசிம்!

அல்போன்ஸ் புத்திரன் இயக்கத்தில் தமிழ், மலையாளம் என ஒரே நேரத்தில் நேரம் படம் வெளியாகிய நிலையில், இந்தப் படம் நஸ்ரியாவிற்கு சிறப்பான அறிமுகத்தை கொடுத்தது.

முன்னதாக மலையாளத்தில் குழந்தை நட்சத்திரமாக நடித்து ஏராளமான ரசிகர்களை கவர்ந்தவர் நஸ்ரியா நாசிம்.

தமிழில் ராஜா ராணி, நையாண்டி, வாயை மூடி பேசவும், திருமணம் எனும் நிக்கா என அடுத்தடுத்த படங்களில் நடித்தார் நஸ்ரியா.

நஸ்ரியாவிற்கு தமிழில் ஏராளமான ரசிகர்கள் இருந்த நிலையில், முன்னணி நாயகியாக நடித்தபோதே, பகத் பாசிலை திருமணம் செய்துக் கொண்டார்.

பகத் பாசிலை திருமணம் செய்துக் கொண்டு சில காலங்கள் நடிக்காமல் இருந்த நஸ்ரியா, சமூக வலைதளங்களில் ஆக்டிவாக காணப்பட்டார்.

தொடர்ந்து மலையாளப் படங்களில் நடிக்கத் துவங்கிய நஸ்ரியா தன்னுடை கணவர் பகத் பாசிலுடன் டிரான்ஸ் என்ற படத்தில் நடித்தார். இந்தப் படம் சமீபத்தில் தமிழில் நிலை மறந்தவன் என்ற பெயரில் வெளியானது.

தெலுங்கிலும் சமீபத்தில் நானியுடன் இணைந்து நடித்திருந்தார் நஸ்ரியா. தமிழில் இந்தப் படம் அடடே சுந்தரா என்ற பெயரில் வெளியானது.

இந்தப் படத்தின் பிரமோஷனின்போது தமிழ் ரசிகர்களை தான் மிகவும் மிஸ் செய்வதாக நஸ்ரியா தெரிவித்திருந்தார். விரைவில் இவர் நேரடி தமிழ் படங்களில் நடிப்பார் என்று எதிர்பார்க்கலாம்.