56 வயதில் காதலர் தினக் கொண்டாட்டம்.. பானுப்ரியாவின் தங்கை ‘பேட் கேர்ள்’ சாந்தி பிரியாவின் ஸ்டில்ஸ்!

நடிகை பானுப்பிரியாவின் தங்கையும் பிரபல நடிகையுமான சாந்தி பிரியா காதலர் தினத்துக்கு வாழ்த்துச் சொல்லி சில புகைப்படங்களை வெளியிட்டு வைரலாக்கி உள்ளார். 

எங்க ஊரு பாட்டுக்காரன் படத்தின் மூலம் தமிழில் அறிமுகமானவர் தான் சாந்தி பிரியா. ஒன்று எங்கள் ஜாதியே, நேரம் நல்லா இருக்கு என பல தமிழ் படங்களில் நடித்துள்ளார். 

கடந்த ஆண்டு வெளியான பேட் கேர்ள் படத்தில் அம்மா கதாபாத்திரத்தில் பல வருடங்கள் கழித்து மீண்டும் தமிழ் சினிமாவில் நடித்தார். 

தமிழ், தெலுங்கு, இந்தி உள்ளிட்ட பல மொழிகளில் நடித்து பிரபலமான சாந்தி பிரியா 1992ம் ஆண்டு இந்தி நடிகரான சித்தார்த் ராய் என்பவரை திருமணம் செய்தார். ஆனால், 2004ம் ஆண்டு சித்தார்த் ராய் காலமாகி விட்டார். 

தனது கணவரின் இழப்பால் ரொம்பவே மனம் வாடிய சாந்தி பிரியா பல ஆண்டுகளுக்குப் பிறகு மீண்டும் மாடலிங் மற்றும் சினிமா என கவனம் செலுத்தி வருகிறார். 

மொட்டை அடித்து கடந்த ஆண்டு அவர் வெளியிட்ட போல்டான புகைப்படங்கள் வேறலெவலில் டிரெண்டாகின. 

நீச்சல் குளத்தில் சரக்கு பாட்டிலுடன் செம மஜாவாக போஸ் கொடுத்த சாந்தி பிரியா. 

பேட் கேர்ள் படத்திற்கு பிறகு தொடர்ந்து அம்மாவாக நடிக்க பலரும் அணுகி வரும் நிலையில், வித்தியாசமான கதாபாத்திரங்களில் நடிக்க சாந்தி பிரியா முடிவு செய்துள்ளாராம். 

பேட் கேர்ள் படத்தில் இவரையே ஹீரோயினாக போட்டு எடுத்து இருக்கலாம் என நெட்டிசன்கள் கமெண்ட் செய்து வருகின்றனர்.